Esekiele 9:1-11

  • Banna ba le barataro le monna yo o tshwereng lonaka lwa enke (1-11)

    • Katlholo e simolola mo lefelong le le boitshepo (6)

9  Go tswa foo, o ne a goela kwa go nna ka lentswe le le kwa godimo, a re: “Bitsang ba ba tla tlisang katlholo mo motseng, mongwe le mongwe a tshotse sebetsa sa gagwe ka seatla gore a senye!”  Ke ne ka bona banna ba le barataro ba tswa ntlheng ya kgoro e e kwa godimo+ e e lebileng kwa bokone, mongwe le mongwe a tshotse sebetsa sa gagwe se a thubaganyang ka sone; mme mo gare ga bone go ne go na le monna yo mongwe a apere letsela le le boleta, a bofeletse lonaka lwa enke ya mokwaledi* mo lothekeng lwa gagwe, mme ba ne ba tsena ba bo ba ema fa thoko ga sebeso sa kopore.+  Foo kgalalelo ya Modimo wa Iseraele+ e ne ya tloga fa e neng e le gone fa godimo ga ditšheruba e bo e ya kwa kgorong ya tempele,+ mme o ne a simolola go tlhaeletsa monna yo o neng a apere letsela le le boleta, yo o neng a bofeletse lonaka lwa enke ya mokwaledi mo lothekeng lwa gagwe.  Jehofa o ne a mo raya a re: “Ralala motse, ralala Jerusalema, mme o beye letshwao mo diphatleng tsa batho ba ba bogisiwang le ba ba hutsafadiwang+ ke dilo tsotlhe tse di makgapha tse di dirwang mo motseng.”+  Mme o ne a raya ba bangwe ke reeditse a re: “Ralalang motse lo mo setse morago mme lo kgemethe. Lo se ka lwa ba utlwela botlhoko, e bile lo se ka lwa ba tlhomogela pelo gotlhelele.+  Lo bolaye monnamogolo, lekawana, kgarebane, ngwana yo monnye le basadi, botlhe fela.+ Mme lo se ka lwa atamela motho ope yo o nang le letshwao.+ Lo simolole mo lefelong la me le le boitshepo.”+ Ka jalo, ba ne ba simolola ka bagolwane ba ba neng ba le fa pele ga ntlo.+  Foo o ne a ba raya a re: “Leswafatsang ntlo lo bo lo tlatse malwapa ka batho ba ba bolailweng.+ Tsamayang!” Ka jalo, ba ne ba tsamaya mme ba kgemetha batho mo motseng.  Fa ba ntse ba ba kgemetha, ba ne ba tlogela nna fela, mme ke ne ka khubama ke bo ke inama mme ka goa ka re: “Ijoo, Morena Molaodimogolo Jehofa! A o tlile go senya batho botlhe ba ba setseng ba Iseraele fa o tshololela bogale jwa gago mo Jerusalema?”+  Ka jalo, o ne a nthaya a re: “Molato wa batho ba Iseraele le Juda o mogolo fela thata.+ Lefatshe leno le tletse madi+ a batho ba ba bolailweng, e bile motse o tletse bonweenwee.+ Gonne ba re, ‘Jehofa o dule mo lefatsheng leno, e bile Jehofa ga a re bone.’+ 10  Mme nna, ga nkitla ke ba utlwela botlhoko; e bile ga nkitla ke ba tlhomogela pelo.+ Ke tla ba tlisetsa ditlamorago tsa ditsela tsa bone.” 11  Go tswa foo, ke ne ka bona monna yo o neng a apere letsela le le boleta, yo o neng a bofeletse lonaka lwa enke mo lothekeng lwa gagwe, a re: “Ke dirile fela jaaka o ntaetse.”

Dintlha Tse di Kwa Tlase

Kgotsa “selo se se tsenyang enke ya mokwadi.”