Ditiragalo wa Bobedi 29:1-36

  • Hesekia, kgosi ya Juda (1, 2)

  • Hesekia o dira diphetogo (3-11)

  • Tempele e a phepafadiwa (12-19)

  • Ditirelo tsa kwa tempeleng di a tsosolosiwa (20-36)

29  Hesekia+ o ne a nna kgosi a na le dingwaga di le 25, mme o ne a busa dingwaga di le 29 mo Jerusalema. Leina la ga mmaagwe e ne e le Abija morwadia Sekarea.+  O ne a nna a dira se se siameng mo matlhong a ga Jehofa,+ fela jaaka Dafide rraagwemogolo a ne a dirile.+  Mo ngwageng wa ntlha wa puso ya gagwe, mo kgweding ya ntlha, o ne a bula dikgoro tsa ntlo ya ga Jehofa mme a di baakanya.+  Go tswa foo, o ne a bitsa baperesiti le Balefi mme a ba phuthela kwa lefelong le le bulegileng le le kwa botlhaba.  O ne a ba raya a re: “Ntheetseng, lona Balefi. Jaanong ipaakanyetseng kobamelo*+ lo bo lo dire ntlo ya ga Jehofa, Modimo wa borraalonamogolo boitshepo, mme lo ntshe selo se se itshekologileng mo lefelong le le boitshepo.+  Gonne borraarona ba ntse ba sa ikanyege e bile ba dirile se se bosula mo matlhong a ga Jehofa, Modimo wa rona.+ Ga ba a ka ba tlotla motlaagana wa ga Jehofa e bile ba ne ba mo tlhanogela.+  Gape ba ne ba tswala dikgoro tsa mathudi+ ba bo ba tima dipone.+ Ba ne ba kgaotsa go tshuba maswalo+ le go ntshetsa Modimo wa Iseraele ditlhabelo tse di fisiwang+ mo lefelong le le boitshepo.  Ka jalo, Jehofa o ne a galefela Juda le Jerusalema,+ mo a neng a dira gore di nne selo se se tshosang le sa go akabalelwa le sengwe sa go lelediwa molodi,* fela jaaka lo bona ka matlho a lona.+  Borraaronamogolo ba ne ba wa ka tšhaka,+ mme bomorwaarona, bomorwadiarona le basadi ba rona ba ne ba isiwa botshwarwa ka ntlha ya seno.+ 10  Jaanong ke eletsa ka pelo ya me yotlhe go dira kgolagano le Jehofa, Modimo wa Iseraele,+ gore bogale jwa gagwe jo bo tukang bo fapoge mo go rona. 11  Jaanong bomorwaaka, eno ga se nako ya go itlhokomolosa dilo,* ka gonne Jehofa o tlhophile lona gore lo eme fa pele ga gagwe, gore lo mo direle lo le badiredi ba gagwe+ le gore lo kuise mosi wa ditlhabelo.”+ 12  Fa a rialo, Balefi bano ba ne ba ema ba simolola tiro: Mahathe morwa Amasai le Joele morwa Asaria ba Bakohathe;+ go tswa mo lelapeng la Bamerari,+ Kishe morwa Abedi le Asaria morwa Jehalelele; go tswa mo lelapeng la Bagereshone,+ Joa morwa Sima le Edene morwa Joa; 13  go tswa mo go bomorwa Elisafane, Shimeri le Jeuele; go tswa mo go bomorwa Asafe,+ Sekarea le Matania; 14  go tswa mo go bomorwa Hemane,+ Jehiele le Shimei; go tswa mo go bomorwa Jeduthune,+ Shemaia le Usiele. 15  Go tswa foo, ba ne ba phutha bomorwarraabone ba bo ba ipaakanyetsa kobamelo mme ba ne ba tla go phepafatsa ntlo ya ga Jehofa, fela jaaka kgosi e ne e laetse go ya ka mafoko a ga Jehofa.+ 16  Foo baperesiti ba ne ba tsena mo ntlong ya ga Jehofa gore ba e dire phepa mme ba ne ba ntsha dilo tsotlhe tse di amanang le medimo ya maaka tse ba neng ba di fitlhela mo tempeleng ya ga Jehofa ba bo ba di isa kwa lolwapeng+ lwa ntlo ya ga Jehofa. Mme Balefi ba ne ba di tsaya ba bo ba di ntshetsa kwa ntle kwa Mokgatšheng wa Kiderone.+ 17  Ka jalo, ba ne ba simolola go dira tempele boitshepo mo letsatsing la ntlha la kgwedi ya ntlha, mme mo letsatsing la borobedi la kgwedi eo ba ne ba goroga kwa mathuding a ga Jehofa.+ Ba ne ba dira ntlo ya ga Jehofa boitshepo malatsi a le robedi, mme ba ne ba wetsa tiro eo mo letsatsing la bo16 la kgwedi ya ntlha. 18  Morago ga moo, ba ne ba ya kwa go Kgosi Hesekia mme ba mo raya ba re: “Re phepafaditse ntlo yotlhe ya ga Jehofa, sebeso sa ditlhabelo tse di fisiwang+ le dilwana tsotlhe tsa sone,+ le tafole ya senkgwe se se tlhatlagantsweng*+ le dilwana tsotlhe tsa yone. 19  Mme dilwana tsotlhe tse Kgosi Ahase a neng a di latlhile ka nako ya puso ya gagwe fa a ne a dira ka go sa ikanyege,+ re di baakantse e bile re di dirile boitshepo+ mme di fa pele ga sebeso sa ga Jehofa.” 20  Mme Kgosi Hesekia o ne a tsoga phakela thata a bo a phutha dikgosana tsa motse, mme ba ne ba ya kwa ntlong ya ga Jehofa. 21  Ba ne ba tlisa dipoo di le supa, diphelefu di le supa, dikwanyana tse ditonanyana di le supa le diphoko di le supa e le setlhabelo sa boleo se se ntshediwang bogosi, lefelo le le boitshepo le Juda.+ Ka jalo, o ne a laela baperesiti, ba e leng ditlogolwana tsa ga Arone, gore ba di ntshe setlhabelo mo sebesong sa ga Jehofa. 22  Foo ba ne ba tlhaba dikgomo+ mme baperesiti ba ne ba tsaya madi a tsone ba bo ba a kgatšha mo sebesong;+ morago ga moo ba ne ba tlhaba diphelefu ba bo ba kgatšha madi a tsone mo sebesong, mme ba ne ba tlhaba dikwanyana tse ditonanyana ba bo ba kgatšha madi a tsone mo sebesong. 23  Go tswa foo, ba ne ba atametsa diphoko tsa setlhabelo sa boleo fa pele ga kgosi le phuthego ba bo ba baya diatla tsa bone mo go tsone. 24  Baperesiti ba ne ba di tlhaba ba bo ba dira setlhabelo sa boleo ka madi a tsone mo sebesong, gore Baiseraele botlhe ba itshwarelwe maleo, ka gonne kgosi e ne e laetse gore Baiseraele botlhe ba ntshediwe setlhabelo se se fisiwang le setlhabelo sa boleo. 25  Ka yone nako eo, kgosi e ne ya laela Balefi gore ba eme kwa ntlong ya ga Jehofa ka disemebala, ka diletswa tsa megala le ka diharepa,+ go ya ka taelo ya ga Dafide+ le ya ga Gada+ mmoni wa diponatshegelo wa kgosi le ya ga moporofeti Nathane,+ ka gonne taelo eo e ne e tswa kwa go Jehofa a dirisa baporofeti ba gagwe. 26  Ka jalo, Balefi ba ne ba eme ba tshwere diletswa tsa ga Dafide, mme baperesiti bone ba tshwere diterompeta.+ 27  Foo Hesekia o ne a laela gore go ntshiwe setlhabelo se se fisiwang mo sebesong.+ Fa setlhabelo se se fisiwang se ne se simolola, pina ya ga Jehofa le yone e ne ya simolola le diterompeta di ne tsa lela, di latela molodi wa diletswa tsa ga Kgosi Dafide wa Iseraele. 28  Mme phuthego yotlhe e ne ya inama ya ikoba fa go ntse go opelwa pina le fa diterompeta di ntse di lela. Seno sotlhe se ne sa tswelela go fitlha setlhabelo se se fisiwang se fela. 29  E rile fela fa ba fetsa go ntsha setlhabelo seo, kgosi le botlhe ba ba neng ba na le yone ba ne ba inama ba bo ba ikobela fa fatshe. 30  Jaanong Kgosi Hesekia le dikgosana ba ne ba bolelela Balefi gore ba bake Jehofa ka mafoko a dipina tsa ga Dafide+ le tsa ga Asafe+ mmoni wa diponatshegelo. Ka jalo, ba ne ba opela ka boitumelo jo bogolo, mme ba ne ba inama ba bo ba ikobela fa fatshe. 31  Go tswa foo, Hesekia o ne a re: “E re ka jaanong lo tlhaoletswe* Jehofa, atamelang mme lo tlise ditlhabelo tsa go leboga le ditlhabelo tse dingwe mo ntlong ya ga Jehofa.” Ka jalo, phuthego e ne ya simolola go tlisa ditlhabelo tsa go leboga le ditlhabelo tse dingwe, mme mongwe le mongwe yo pelo ya gagwe e ratang o ne a tlisa ditlhabelo tse di fisiwang.+ 32  Palo ya ditlhabelo tse di fisiwang tse phuthego e neng ya di tlisa e ne e le dikgomo di le 70, diphelefu di le 100, dikwanyana tse ditonanyana di le 200, tseno tsotlhe e le setlhabelo se se fisiwang se se yang kwa go Jehofa,+ 33  mme ditlhabelo tse di boitshepo e ne e le dikgomo di le 600 le dinku di le 3 000. 34  Le fa go ntse jalo, go ne go na le baperesiti ba le mmalwa fela ba ba ka buang diphologolo tsotlhe tsa ditlhabelo tse di fisiwang, ka jalo bomorwarraabone e bong Balefi ba ne ba ba thusa+ go fitlha tiro e fela le go fitlha baperesiti ba bangwe ba kgona go nna boitshepo,+ ka gonne Balefi ba ne ba amegile* thata ka go iphepafatsa go feta baperesiti. 35  Gape go ne go na le ditlhabelo tse di fisiwang di le dintsi thata,+ mmogo le mafura a ditlhabelo tsa go abelana+ le ditlhabelo tsa senô tse di ntshiwang le ditlhabelo tse di fisiwang.+ Eo ke tsela e tirelo ya ntlo ya ga Jehofa e neng ya tsosolosiwa* ka yone. 36  Ka jalo, Hesekia le batho botlhe ba ne ba itumelela se Modimo wa boammaaruri a se diretseng batho,+ ka gonne dilo tseno tsotlhe di ne di diragetse ka bonako tota.

Dintlha Tse di Kwa Tlase

Go tewa go iphepafatsa go ya ka molao wa Modimo.
Kgotsa “sa go sotliwa.”
Kgotsa “go ikhutsa.”
Go tewa senkgwe se se bewang fa pele ga Modimo.
Seheb., “Jaanong lo tlaleditse seatla sa lona.”
Seheb., “ba le pelo e e siameng.”
Kgotsa “baakanngwa.”