Moreri 7:1-29

7  Leina le botoka go feta leokwane le le molemo,+ le letsatsi la loso go feta letsatsi le motho a tsholwang+ ka lone.  Go botoka go ya kwa ntlong ya khutsafalo go na le go ya kwa ntlong ya mokete,+ ka gonne seo ke bokhutlo jwa batho botlhe; mme yo o tshelang o tshwanetse go go isa pelong.  Go botoka go tshwenyega go na le setshego,+ gonne pelo e nna botoka ka go tlhonya ga sefatlhego.+  Pelo ya ba ba botlhale e mo ntlong ya khutsafalo,+ mme pelo ya dimatla e mo ntlong ya boipelo.+  Go botoka go utlwa kgalemo ya mongwe yo o botlhale+ go na le go nna motho yo o utlwang pina ya dimatla.+  Gonne jaaka modumo wa mitlwa kafa tlase ga pitsa, setshego sa sematla+ se ntse fela jalo; seno le sone ke lefela.  Gonne kgatelelo fela e ka dira gore yo o botlhale a itshware jaaka setsenwa,+ mme mpho+ e ka senya pelo.+  Bokhutlo jwa kgang bo botoka morago ga moo go na le tshimologo+ ya yone. Go botoka yo o pelotelele go na le yo o mabela+ mo moyeng.  O se ka wa itlhaganelela go kgopisega+ mo moyeng wa gago, gonne go kgopisega go nna mo sehubeng sa dimatla.+ 10  O se ka wa re: “Ke ka ntlha yang fa malatsi a pele a nnile botoka go na le ano?”+ gonne ga o a botsa ka seno ka ntlha ya botlhale.+ 11  Botlhale mmogo le boswa bo molemo e bile bo solegela molemo ba ba bonang letsatsi.+ 12  Gonne botlhale ke tshireletso+ fela jaaka madi e le tshireletso;+ mme molemo wa kitso ke gore botlhale bo boloka beng ba jone ba tshela.+ 13  Bona tiro+ ya Modimo wa boammaaruri, gonne ke mang yo o kgonang go tlhamalatsa se a se sokamisitseng?+ 14  Nna le molemo mo letsatsing le le molemo,+ mme mo letsatsing la masetlapelo o bone gore Modimo wa boammaaruri o dirile leno go tshwana fela le lele,+ ka boikaelelo jwa gore batho ba se ka ba lemoga sepe gotlhelele morago ga bone.+ 15  Ke bone sengwe le sengwe mo malatsing a me a lefela.+ Go na le mosiami yo o nyelelang mo tshiamong+ ya gagwe, e bile go na le moikepi yo o tsamayang nako e telele mo bosuleng+ jwa gagwe. 16  O se ka wa siama ka tsela e e feteletseng,+ le fa e le go itshupa o le botlhale ka tsela e e feteletseng.+ Ke ka ntlha yang fa o tshwanetse go ipakela tshenyego?+ 17  O se ka wa nna boikepo ka tsela e e feteletseng,+ le fa e le go nna seeleele.+ Ke ka ntlha yang fa o tshwanetse go swa e se nako ya gago?+ 18  Go botoka gore o tshware se sengwe, mme gape o se ka wa ntsha seatla mo go se sengwe;+ gonne yo o boifang Modimo o tla tswa le tsone tsotlhe.+ 19  Mo mothong yo o botlhale, botlhale bo nonofile go gaisa banna ba le lesome ba ba nang le taolo ba ba neng ba le mo motseng.+ 20  Gonne ga go na motho yo o siameng mo lefatsheng yo o nnang a dira molemo mme a sa leofe.+ 21  Gape, o se ka wa isa mafoko otlhe a batho ba ka a buang kwa pelong,+ gore o tle o se ka wa utlwa motlhanka wa gago a go hutsa.+ 22  Gonne pelo ya gago e itse sentle gore wena, e leng wena, o hutsitse ba bangwe+ gantsi. 23  Ke lekile seno sotlhe ka botlhale. Ke ne ka re: “Ke tla nna botlhale.” Mme bo ne bo le kgakala le nna.+ 24  Se se nnileng teng se kgakala e bile se boteng jo bo feteletseng. Ke mang yo o ka se lemogang?+ 25  Ke ne ka retologa, le pelo ya me ya retologa,+ go itse le go tlhotlhomisa le go batla botlhale+ le lebaka la dilo,+ le go itse ka boikepo jwa bomatla le boeleele jwa botsenwa;+ 26  mme ke ne ka lemoga seno: Ke ne ka bona mosadi yo o bogalaka go feta loso+ yo e leng matlowa a go tsoma le yo pelo ya gagwe e leng matlowa a a gogwang le yo diatla tsa gagwe e leng mehiri.+ Motho o molemo fa pele ga Modimo wa boammaaruri fa a tshaba mo go ene, mme motho o a leofa fa a tshwarwa ke ene.+ 27  “Bona! Ke bone seno,” ga bua mophuthi,+ “selo se le sengwe se tsewa morago ga se sengwe, go bona tshobokanyo,+ 28  e moya wa me o e batlileng o sa kgaotse, mme ga ke a e bona. Ke bone monna a le mongwe mo go ba le sekete,+ mme ga ke a bona+ mosadi mo gare ga bano botlhe. 29  Bona! Ke bone seno fela, gore Modimo wa boammaaruri o dirile batho ba thokgame,+ mme bone ba senkile maano a le mantsi.”+

Dintlha Tse di Kwa Tlase