Lefitiko 18:1-30

18  Mme Jehofa a tswelela go bua le Moshe, a re:  “Bua le bomorwa Iseraele, mme o ba reye o re, ‘Ke nna Jehofa Modimo wa lona.+  Tsela e lefatshe la Egepeto le dirang ka yone, le lo neng lo nna kwa go lone, lo se ka lwa dira ka yone;+ le tsela e lefatshe la Kanana le dirang ka yone, le ke lo tlisang mo go lone, lo se ka lwa dira ka yone;+ e bile lo se ka lwa tsamaya mo melaong ya bone.  Lo diragatse ditshwetso tsa me tsa boatlhodi,+ lo bo lo boloke melao+ ya me gore lo tsamaye mo go yone.+ Ke nna Jehofa Modimo wa lona.  Mme lo boloke melao ya me le ditshwetso tsa me tsa boatlhodi, tse fa motho a di dira, gape a tshwanetseng go tshela ka tsone.+ Ke nna Jehofa.+  “‘Ope wa lona a se ka a atamela ope yo o gaufi le ene ka losika go bipolola bosaikategang.+ Ke nna Jehofa.  O se ka wa bipolola bosaikategang jwa ga rrago+ le bosaikategang jwa ga mmago. Ke mmago. O se ka wa bipolola bosaikategang jwa gagwe.  “‘O se ka wa bipolola bosaikategang jwa mosadi wa ga rrago.+ Ke bosaikategang jwa ga rrago.  “‘Fa e le bosaikategang jwa kgaitsadio, morwadia rrago kgotsa morwadia mmago, e ka ne a tsholetswe mo ntlong e le nngwe kgotsa a tsholetswe kwa ntle ga yone, o se ka wa bipolola bosaikategang jwa bone.+ 10  “‘Fa e le bosaikategang jwa morwadia morwao kgotsa morwadia morwadio, o se ka wa bipolola bosaikategang jwa bone, ka gonne ke bosaikategang jwa gago. 11  “‘Fa e le bosaikategang jwa morwadia mosadi wa ga rrago, ngwana wa ga rrago, e re ka e le kgaitsadio, o se ka wa bipolola bosaikategang jwa gagwe. 12  “‘O se ka wa bipolola bosaikategang jwa ga kgaitsadia rrago. Ke losika lwa ga rrago lwa madi.+ 13  “‘O se ka wa bipolola bosaikategang jwa ga kgaitsadia mmago, ka gonne ke losika lwa ga mmago lwa madi. 14  “‘O se ka wa bipolola bosaikategang jwa morwarraagwe rrago. O se ka wa atamela mosadi wa gagwe. Ke mogatsa morwarraagwe rrago.+ 15  “‘O se ka wa bipolola bosaikategang jwa ngwetsi+ ya gago. Ke mosadi wa ga morwao. O se ka wa bipolola bosaikategang jwa gagwe. 16  “‘O se ka wa bipolola bosaikategang jwa mosadi wa ga morwarrago.+ Ke bosaikategang jwa ga morwarrago. 17  “‘O se ka wa bipolola bosaikategang jwa mosadi le morwadie.+ O se ka wa tsaya morwadia morwawe le morwadia morwadie gore o bipolole bosaikategang jwa gagwe. Ba amana ka losika. Ke boitshwaro jo bo repileng.+ 18  “‘Gape o se ka wa tsaya mosadi jaaka mogadikane mmogo le morwadiarraagwe+ gore o bipolole bosaikategang jwa gagwe, ke gore, kwa ntle ga gagwe mo nakong ya fa a sa ntse a tshela. 19  “‘Gape o se ka wa atamela mosadi mo nakong ya go bona kgwedi+ ga boitshekologo jwa gagwe gore o bipolole bosaikategang jwa gagwe.+ 20  “‘Gape o se ka wa naya mosadi wa mongwe ka wena go tswa ga peo ya gago gore o itshekololwe ke gone.+ 21  “‘Gape o se ka wa letla gore ope wa bana ba gago a neelwe+ Moleke.+ O se ka wa itshepolola+ leina la Modimo wa gago ka tsela eo. Ke nna Jehofa.+ 22  “‘Gape o se ka wa lala le monna+ ka tsela e e tshwanang le e o lalang le mosadi+ ka yone. Ke selo se se makgapha. 23  “‘Gape o se ka wa naya phologolo epe go tswa ga peo ya gago+ gore o itshekololwe ke gone, mme mosadi a se ka a ema fa pele ga phologolo gore a amane le yone.+ Ke go dira kgatlhanong le tlholego. 24  “‘Lo se ka lwa iitshekolola ka sepe sa dilo tseno, ka gonne ditšhaba tse ke di lelekang fa pele ga lona di itshekolotse ka dilo tseno tsotlhe.+ 25  Ka gone lefatshe le itshekologile, mme ke tla le tlisetsa kotlhao ya tlolo ya lone, mme lefatshe le tla tlhatsetsa banni ba lone kwa ntle.+ 26  Lo boloke melao ya me le ditshwetso tsa me tsa boatlhodi,+ mme lo se ka lwa dira sepe sa dilo tseno tsotlhe tse di makgapha, e ka ne e le motho wa mo lefelong la lona kgotsa moagi wa moeng yo o agileng e le moeng mo gare ga lona.+ 27  Gonne batho ba lefatshe ba ba neng ba le teng pele ga lona ba dirile+ dilo tse di makgapha tseno tsotlhe, mo e leng gore lefatshe le itshekologile. 28  Foo lefatshe ga le na go lo tlhatsetsa kwa ntle ka ntlha ya go le leswafatsa ga lona fela jaaka le tla tlhatsetsa ditšhaba kwa ntle tse di neng di le teng pele ga lona.+ 29  Fa go direga gore ope a dire sepe sa dilo tse di makgapha tseno tsotlhe, foo meya e e di dirang a e kgaolwe mo bathong ba ga yone.+ 30  Mme lo boloke boikarabelo jo lo nang le jone mo go nna gore lo se ka lwa dira mekgwa epe e e makgapha e e ntseng e dirwa pele ga lona,+ gore lo se ka lwa iitshekolola ka yone. Ke nna Jehofa Modimo wa lona.’”

Dintlha Tse di Kwa Tlase