Joshua 9:1-27

9  Mme ga diragala gore fela fa dikgosi tsotlhe tse di neng di le ka kwano ga Joredane mo kgaolong e e dithaba le kwa Shefela le fa losing lotlhe lwa Lewatle le Legolo+ le fa pele ga Lebanona,+ Bahite+ le Baamore, Bakanana,+ Baperise,+ Bahife le Bajebuse,+ ba utlwa ka gone,  ba simolola go phuthega botlhe mmogo gore ba lwe le Joshua le Iseraele ka tumalano.+  Mme banni ba Gibeone ba utlwa se Joshua a neng a se dirile Jeriko le Ai.  Ka jalo, kafa go rateng ga bone, ba dira ka botlhale+ mme ba itseela mefago ba bo ba tseela diesele tsa bone dikgetsi tse di onetseng, le medutwana e e onetseng e e phanyegileng e bile e bofilwe,+  le bompaatšhane ba ba onetseng ba ba bitiilweng mo dinaong, le diaparo tse di onetseng mo go bone, mme senkgwe sotlhe sa mefago ya bone se ne se omeletse e bile se foforega.  Foo ba ya kwa go Joshua kwa bothibelelong kwa Gilegala mme ba mo raya ene le banna ba Iseraele ba re: “Re tswa kwa lefatsheng le le kgakala. Mme jaanong dirang kgolagano+ le rona.”  Foo banna ba Iseraele ba raya Bahife+ ba re: “Gongwe lo nna gaufi le rona. Ka jalo re ka dira jang kgolagano le lona?”+  Mme bone ba raya Joshua ba re: “Re batlhanka ba gago.”+ Foo Joshua a ba raya a re: “Lo bomang, mme lo tswa kae?”  Foo ba mo raya ba re: “Batlhanka ba gago ba tswa kwa lefatsheng le le kgakala+ thata ka ntlha ya leina+ la ga Jehofa Modimo wa gago, ka gonne re utlwile ka go tuma ga gagwe le ka sotlhe se a se dirileng kwa Egepeto,+ 10  le ka sotlhe se a se dirileng dikgosi tse pedi tsa Baamore tse di neng di le ka kwa letlhakoreng le lengwe la Joredane, e leng, Sihone+ kgosi ya Heshebone le Oge+ kgosi ya Bashana, yo o neng a le kwa Ashetarothe.+ 11  Ka gone banna ba rona ba bagolwane le banni botlhe ba lefatshe la rona ba ne ba re raya ba re,+ ‘Tseelang loeto mefago mo diatleng tsa lona lo ye go ba kgatlhantsha, mme lo ba reye lo re: “Re batlhanka ba lona.+ Mme jaanong dira kgolagano le rona.”’ 12  Senkgwe seno sa rona, se ne se le molelo fa re ne re se tsaya mo matlong a rona go nna mefago ya rona mo letsatsing la fa re ne re tswa re tla fano kwa go lona, mme jaanong, bonang! se omeletse e bile se a foforega. 13  Mme eno ke medutwana ya beine e re neng ra e tlatsa e le mesha, mme bonang! e phanyegile,+ mme diaparo le bompaatšhane bano ba rona, di onetse ka ntlha ya loeto lo loleele thata.” 14  Foo banna ba tsaya mengwe ya mefago ya bone, mme ba se ka ba botsa mo molomong wa ga Jehofa.+ 15  Mme Joshua a dira kagiso le bone a ba a dira kgolagano le bone gore a ba tlogele ba tshela, ka jalo dikgosana+ tsa phuthego tsa ba ikanela.+ 16  Mme ga diragala gore kwa bokhutlong jwa malatsi a le mararo, morago ga ba sena go dira kgolagano le bone, ba utlwa gore ba ne ba le gaufi le bone le gore ba ne ba nna gaufi le bone. 17  Foo bomorwa Iseraele ba bolola ba tla mo metseng ya bone mo letsatsing la boraro, mme metse ya bone e ne e le Gibeone le Kefira+ le Beererothe+ le Kiriathe-jearime.+ 18  Mme bomorwa Iseraele ba se ka ba ba bolaya, ka gonne dikgosana tsa phuthego di ne di ba ikanetse+ ka Jehofa Modimo wa Iseraele.+ Mme phuthego yotlhe ya simolola go ngongoregela dikgosana.+ 19  Foo dikgosana tsotlhe tsa raya phuthego yotlhe tsa re: “Mme rona, re ba ikanetse ka Jehofa Modimo wa Iseraele, mme jaanong ga re a letlelelwa go ba utlwisa botlhoko.+ 20  Seno ke se re tla se ba dirang mme re ba tlogela ba tshela, gore go se ka ga tla bogale bope mo go rona ka ntlha ya ikano e re ba e ikanetseng.”+ 21  Ka jalo dikgosana tsa ba raya tsa re: “A ba tshele mme ba nne ba ba rwalelang dikgong le ba ba gelelang phuthego yotlhe metsi,+ fela jaaka dikgosana di ba solofeditse.” 22  Jaanong Joshua a ba bitsa mme a bua le bone, a re: “Ke ka ntlha yang fa lo ne lo re tsietsa, lo re, ‘Re kgakala thata le lona,’ ntswa lo agile mo gare ga rona? 23  Mme jaanong lo batho ba ba hutsegileng,+ mme boemo jwa botlhanka+ le go nna barwaledi ba dikgong le bagi ba metsi a ntlo ya Modimo wa me ga go kitla go fedisiwa mo go lona.”+ 24  Foo ba araba Joshua ba re: “E ne e le ka gonne batlhanka ba gago ba ne ba boleletswe ka phepafalo gore Jehofa Modimo wa gago o ne a laetse Moshe motlhanka wa gagwe go lo naya lefatshe lotlhe le go nyeletsa banni botlhe ba lefatshe leno fa pele ga lona,+ mme re ne ra boifela meya ya rona thata ka ntlha ya lona.+ Ka jalo re ne ra dira selo seno.+ 25  Mme jaanong ke rona bano, mo seatleng sa gago. Dira ka rona kafa go leng molemo le kafa go siameng ka gone mo matlhong a gago.”+ 26  Mme a ba direla jalo le go ba golola mo seatleng sa bomorwa Iseraele, mme ba se ka ba ba bolaya.+ 27  Ka jalo mo letsatsing leo, Joshua a ba dira+ ba ba rwalelang dikgong le ba ba gelelang phuthego+ le sebeso sa ga Jehofa metsi, go fitlha mo letsatsing leno, kwa lefelong le a tla le tlhophang.+

Dintlha Tse di Kwa Tlase