Joshua 19:1-51

19  Foo ga tswa karolo e e abilweng ka bola+ ya bobedi ya ga Simeone, ya lotso lwa bomorwa Simeone+ ka malapa a bone. Mme boswa jwa bone jwa bo bo le mo gare ga boswa jwa bomorwa Juda.+  Mme mo bosweng jwa bone ba nna le Beere-sheba+ mmogo le Sheba, le Molada,+  le Hasare-shuale+ le Bala le Eseme,  le Eletolade+ le Bethule le Horema,  le Sikelage+ le Bethe-marekabothe le Hasare-susa,+  le Bethe-lebaothe le Sharuhene; metse e le lesome le boraro le metsana ya teng.  Aine,+ Rimone+ le Ethere le Ashane;+ metse e le menè le metsana ya teng,  le metsana yotlhe e e neng e le mo tikologong ya metse eno yotlhe go fitlha kwa Baalathe-beere,+ Rama+ wa borwa. Jono e ne e le boswa jwa lotso lwa bomorwa Simeone ka malapa a bone.  Boswa jwa bomorwa Simeone bo ne bo tswa mo karolong e e abilweng ka bola ya bomorwa Juda, ka gonne kabelo ya bomorwa Juda e ne e le kgolo thata mo go bone.+ Ka jalo bomorwa Simeone ba bona thuo mo gare ga boswa jwa bone.+ 10  Morago ga moo ga tswa karolo ya boraro e e abilweng ka bola ya bomorwa Sebulone+ ka malapa a bone, mme molelwane wa boswa jwa bone wa ya go fitlha kwa Saride. 11  Mme molelwane wa bone wa tlhatlogela kwa bophirima le kwa Mareale mme wa fitlha kwa Dabeshethe o bo o fitlha kwa mokgatšheng o o phothoselang o o fa pele ga Jokeneame. 12  Mme wa boa go tswa Saride kwa botlhaba o ela kwa botlhabatsatsi kwa molelwaneng wa Kiselotha-tabora mme wa tswela kwa Daberathe+ o bo o tlhatlogela kwa Jafia. 13  Go tswa koo wa kgabaganyetsa kwa ntlheng ya botlhaba kwa botlhabatsatsi o ya Gathe-hefere,+ kwa Etha-kasine, o bo o tswela kwa Rimone mme wa tshwaiwa go ya Nea. 14  Mme molelwane wa e dikologa kwa bokone o ya Hanathone, mme wa felela kwa mokgatšheng wa Ifeta-hele, 15  le Katathe le Nahalale le Shimerone le Idala le Bethelehema;+ metse e le lesome le bobedi le metsana ya teng. 16  Jono e ne e le boswa+ jwa bomorwa Sebulone ka malapa a bone.+ Eno e ne e le metse le metsana ya teng. 17  Mme karolo ya bonè e e abilweng ka bola e e neng ya tswa e ne e le ya ga Isakare,+ ya bomorwa Isakare ka malapa a bone. 18  Mme molelwane wa bone wa ya go fitlha kwa Jesereele+ le Kesulothe le Shunema,+ 19  le Hafaraime le Shione le Anaharathe, 20  le Rabithe le Kishione le Ebese, 21  le Remethe le Ene-ganime le Ene-hada le Bethe-pasese. 22  Mme molelwane wa ya go fitlha kwa Tabore+ le Shahasuma le Bethe-shemeshe, mme molelwane wa bone wa felela kwa Joredane; metse e le lesome le borataro le metsana ya teng. 23  Jono e ne e le boswa jwa lotso lwa bomorwa Isakare ka malapa a bone,+ metse le metsana ya teng. 24  Mme ga tswa karolo ya botlhano e e abilweng ka bola+ ya lotso lwa bomorwa Ashera+ ka malapa a bone. 25  Molelwane wa bone ya nna Helekathe+ le Hali le Betene le Akeshafe, 26  le Alameleke le Amada le Mishale.+ Mme wa fitlha kwa bophirima kwa Karemele+ le kwa Shihore-libenathe, 27  mme wa boela ntlheng ya botlhabatsatsi o ya Bethe-dagone o bo o fitlha kwa Sebulone le mokgatšha wa Ifeta-hele kwa bokone, kwa Bethe-emeke le Neiele, mme wa tswela kwa Kabule kafa molemeng, 28  le kwa Eberone le Rehobe le Hamone le Kana go ya go fitlha kwa Sidona+ e e nang le batho ba bantsi. 29  Mme molelwane wa boela kwa Rama le go ya go fitlha kwa motseng o o sireletsegileng wa Ture.+ Mme molelwane wa boela kwa Hosa, mme wa felela kwa lewatleng mo kgaolong ya Akesibe,+ 30  le Uma le Afeke+ le Rehobe;+ metse e le masome a mabedi le bobedi le metsana ya teng. 31  Jono e ne e le boswa jwa lotso lwa bomorwa Ashera ka malapa a bone.+ Eno e ne e le metse le metsana ya teng. 32  Mme ga tswa karolo ya borataro e e abilweng ka bola+ ya bomorwa Nafetali,+ ya bomorwa Nafetali ka malapa a bone. 33  Mme molelwane wa bone wa simolola kwa Helefe, kwa setlhareng se segolo sa Saananime,+ le Adami-nekebe le Jabeneele go ya go fitlha kwa Lakume; mme wa felela kwa Joredane. 34  Mme molelwane wa boela morago ntlheng ya bophirima o ya Asanotha-tabore mme wa tswa koo o ya Hukoke mme wa fitlha kwa Sebulone kwa borwa, mme wa fitlha kwa Ashera kwa bophirima le kwa Juda+ kwa Joredane go ela kwa botlhabatsatsi. 35  Mme metse e e sireletsegileng e ne e le Sidime, Sere le Hamatha, Rakathe le Kinerethe,+ 36  le Adama le Rama le Hasore,+ 37  le Kedeshe le Ederei le Ene-hasore, 38  le Irone le Migedale-ele, Horeme le Bethe-anathe le Bethe-shemeshe;+ metse e le lesome le borobongwe le metsana ya teng. 39  Jono e ne e le boswa+ jwa lotso lwa bomorwa Nafetali ka malapa a bone,+ metse le metsana ya teng. 40  Mme ga tswa karolo ya bosupa e e abilweng ka bola e le ya lotso lwa bomorwa Dana+ ka malapa a bone. 41  Mme molelwane wa boswa jwa bone ya nna Sora+ le Eshataole le Ire-shemeshe, 42  le Shaalabine+ le Aijalona le Ithela, 43  le Elone le Temena+ le Ekerone, 44  le Eleteke le Gibethone le Baalathe,+ 45  le Jehude le Bene-beraka le Gathe-rimone, 46  le Me-jarekone le Rakone, molelwane o le fa pele ga Jopa.+ 47  Mme karolo ya naga ya bomorwa Dana e ne e ba pitlaganetse+ thata. Mme bomorwa Dana ba tlhatloga mme ba lwa le Lesheme+ ba e thopa mme ba e kgemetha ka bogale jwa tšhaka. Foo ba e rua mme ba nna mo go yone, mme ba simolola go bitsa Lesheme Dana, go ya ka leina la ga Dana rraabonemogologolwane.+ 48  Jono e ne e le boswa jwa lotso lwa bomorwa Dana ka malapa a bone. Eno e ne e le metse le metsana ya teng. 49  Ka jalo ba wetsa go kgaoganya lefatshe gore e nne thuo ka dikarolo tsa lone tsa naga. Foo bomorwa Iseraele ba naya Joshua morwa Nune boswa mo gare ga bone. 50  Ka taelo ya ga Jehofa ba mo naya motse o a neng a o kopa,+ e leng, Timenathe-sera,+ mo kgaolong e e dithaba ya Eferaime; mme a simolola go aga motse a ba a nna mo go one. 51  Jono e ne e le boswa jo moperesiti Eliasare le Joshua morwa Nune le ditlhogo tsa borra ditso tsa bomorwa Iseraele ba neng ba bo aba ka bola+ gore e nne thuo kwa Shilo+ fa pele ga ga Jehofa, kwa kgorong ya mogope wa bokopanelo. Ka jalo ba tlogela go kgaoganya lefatshe.

Dintlha Tse di Kwa Tlase