Joele 3:1-21

3  “Gonne bonang! mo malatsing ao le mo nakong eo,+ fa ke tla bo ke busa batshwarwa ba Juda le ba Jerusalema,+  gape ke tla phutha ditšhaba tsotlhe+ mmogo ke bo ke di folosetsa kwa lebaleng le le kwa tlase la Jehoshafate;+ mme ke tla tsena le bone mo katlholong gone koo ka ntlha ya batho ba me le boswa jwa me e leng Iseraele,+ yo ba mo gasamisitseng mo ditšhabeng; mme ba ikgaoganyetsa lefatshe la me.+  Ba ne ba nna ba latlhela batho ba me bola;+ ba ananya ngwana wa mosimane ka seaka,+ mme ngwana wa mosetsana ba mo rekise ka beine, gore ba nwe.  “Mme gape, lo dirang ka nna, lona Ture le Sidona+ le lona dikgaolo tsotlhe tsa Filisitia?+ A ke tsela e lo ntshwarang ka yone e le go ntuela? Mme fa lo ntshwara ka tsela e e ntseng jalo, ke tla lefetsa tsela e lo ntshwarang ka yone mo godimo ga ditlhogo tsa lona ka bofefo le ka bonako.+  Ka gonne lo tsere selefera ya me le gouta ya me,+ e bile lo tlisitse dilo tsa me tse di molemo tse di eletsegang mo teng ga ditempele tsa lona;+  mme bomorwa Juda le bomorwa Jerusalema lo ba rekiseditse+ barwa ba Bagerika,+ ka boikaelelo jwa go ba tlosetsa kgakala le karolo ya bone ya naga;+  bonang, ke a ba kurusa gore ba tswe mo lefelong le lo ba rekisitseng mo go lone,+ mme ke tla lefetsa tsela e lo ntshwarang ka yone mo godimo ga ditlhogo tsa lona.+  Mme ke tla rekisetsa bomorwaalona le bomorwadialona mo seatleng sa bomorwa Juda,+ mme ba tla ba rekisetsa banna ba Sheba,+ e leng setšhaba se se kwa kgakala;+ gonne Jehofa ka nosi o go buile.  “Bolelang seno mo ditšhabeng,+ ‘Itshepiseng ntwa! Kurusang banna ba ba maatla!+ A ba atamele! A ba tle, banna botlhe ba ntwa!+ 10  Thulang magale a megoma ya lona go nna ditšhaka le dikere tsa lona tse di pomang+ go nna marumo. Fa e le yo o bokoa ene, a a bue re: “Ke monna yo o maatla.”+ 11  Thusang mme lo tle, lona ditšhaba tsotlhe tse di mo tikologong,+ mme lo phuthege mmogo.’”+ Folosetsa batho ba gago ba ba maatla kwa lefelong leo, tlhe Jehofa.+ 12  “A ditšhaba di kurusiwe mme di tle kwa lebaleng le le kwa tlase la Jehoshafate;+ gonne ke tla nna koo gore ke atlhole ditšhaba tsotlhe tse di mo tikologong.+ 13  “Sotlhometsang sekele,+ gonne thobo e budule.+ Tlang, fologang, gonne segatisetso sa beine se tletse.+ Tota ditshekega tsa segatisetso sa beine di a penologa; gonne bosula jwa yone bo setse bo le bogolo.+ 14  Boidiidi, boidiidi bo mo lebaleng le le kwa tlase la katlholo,+ gonne letsatsi la ga Jehofa le gaufi mo lebaleng le le kwa tlase la katlholo.+ 15  Letsatsi le ngwedi ka botsone di tla fifala, le tsone dinaledi di tla busa phatsimo ya tsone.+ 16  Mme Jehofa ka boene o tla kurutla go tswa mo Siona, o tla ntsha lentswe la gagwe go tswa mo Jerusalema.+ Mme ruri legodimo le lefatshe di tla reketla;+ mme Jehofa o tla nna botshabelo jwa batho ba gagwe,+ le kago ya phemelo mo go bomorwa Iseraele.+ 17  Mme lo tla itse fa ke le Jehofa Modimo wa lona,+ yo o nnang mo Siona thaba ya me e e boitshepo.+ Mme Jerusalema o tla nna lefelo le le boitshepo;+ mme fa e le batswakwa bone, ga ba kitla ba tlhola ba feta ba mo raletse.+ 18  “Mme go tla diragala mo letsatsing leo gore dithaba di tla rotha beine e e botshe,+ le tsone dithota di tla elela mashi, le yone melatswana yotlhe ya Juda e tla elela metsi. Mme mo ntlong ya ga Jehofa go tla tswa motswedi,+ mme o tla nosa mokgatšha o o phothoselang wa Ditlhare tsa Mokala.+ 19  Fa e le Egepeto ene, o tla nna kgakgabalo;+ mme fa e le Edoma, o tla nna naga e e kgakgabetseng,+ ka ntlha ya go siamololela bomorwa Juda, ka go tshololela madi a a se nang molato mo lefatsheng la bone.+ 20  Mme fa e le Juda, o tla nniwa ka bosakhutleng,+ le Jerusalema go tswa kokomaneng go ya kokomaneng.+ 21  Mme ke tla tsaya madi a bone e le a a se nang molato, a ke neng ke ntse ke sa a tseye e le a a se nang molato;+ mme Jehofa o tla bo a nna mo Siona.”+

Dintlha Tse di Kwa Tlase