Jobe 42:1-17

42  Mme Jobe a araba Jehofa a re:   “Ke a itse gore o kgona go dira dilo tsotlhe,+E bile ga go na kgopolo epe e o sa kgoneng go e fitlhelela.+   ‘Ke mang yono yo o fifatsang kgakololo a se na kitso?’+Ka jalo ke ne ka bua, mme ke ne ke sa tlhaloganyeDilo tse di gakgamatsang tota mo go nna, tse ke sa di itseng.+   ‘Utlwa, tsweetswee, mme nna ke tla bua.Ke tla go botsa, mme o nkitsise.’+   Ke utlwile kaga gago ka magatwe,Mme jaanong leitlho la me le a go bona.   Ke gone ka moo ke boang ka morago mo mafokong a me,Mme ke a ikwatlhaya+ mo loroleng le mo moloreng.”  Mme ga diragala ya re Jehofa a sena go bua mafoko ano le Jobe, Jehofa a raya Elifase wa Motemane a re:“Bogale jwa me bo go tuketse wena le balekane ba gago ba babedi,+ gonne ga lo a bua se se boammaaruri+ kaga me jaaka go dirile motlhanka wa me Jobe.  Mme jaanong itseeleng dipoo tse supa le diphelefu+ tse supa mme lo ye kwa motlhankeng wa me Jobe,+ lo ikisetse setlhabelo se se fisiwang; mme Jobe motlhanka wa me o tla lo rapelela.+ Ke sefatlhego sa gagwe fela se ke tla se amogelang gore ke se ka ka lo direla bosula jwa matlhabisa ditlhong, gonne ga lo a bua se se boammaaruri kaga me, jaaka go dirile motlhanka wa me Jobe.”+  Ka jalo Elifase wa Motemane le Biledade wa Moshuha le Sofare wa Monaama ba tsamaya mme ba dira fela jaaka Jehofa a ne a buile le bone; ka jalo Jehofa a amogela sefatlhego sa ga Jobe. 10  Mme Jehofa a golola Jobe+ mo boemong jwa botshwarwa jo a neng a le mo go jone ka nako ya fa a rapelela balekane ba gagwe,+ Jehofa a simolola go naya Jobe dilo tsotlhe mo godimo ga tse a neng a na le tsone, di menagane sebedi.+ 11  Mme bomorwarraagwe botlhe le bokgaitsadie botlhe le botlhe ba ba neng ba mo itse pele ba nna ba tla kwa go ene,+ mme ba ja senkgwe le ene+ mo ntlong ya gagwe le go mo utlwela botlhoko le go mo gomotsa ka ntlha ya masetlapelo otlhe a Jehofa a neng a letlile gore a mo wele; mme mongwe le mongwe wa bone a mo naya madi le mongwe le mongwe palamonwana ya gouta. 12  Fa e le Jehofa ene, a segofatsa+ bokhutlo jwa ga Jobe morago ga moo go feta tshimologo+ ya gagwe, mo a neng a nna le dinku di le dikete di le lesome le bonè le dikamela di le dikete di le thataro le dipane di le sekete tsa dikgomo le diesele tse di namagadi di le sekete. 13  Gape o ne a nna le bana ba le supa ba basimane le bana ba le bararo ba basetsana.+ 14  Mme a raya wa ntlha leina a re Jemima mme leina la wa bobedi Kesia mme leina la wa boraro Kerene-hapuke. 15  Mme go ne go se na basadi ba ba neng ba fitlhelwa ba le bantle jaaka bomorwadia Jobe mo lefatsheng leo lotlhe, mme rraabo a ba naya boswa mo gare ga bokgaitsadiabone. 16  Morago ga moo Jobe a tswelela go tshela dingwaga di le lekgolo le masome a manè+ mme a bona bana ba gagwe ba basimane le bana ba bana ba gagwe+—dikokomana di le nnè. 17  La bofelo Jobe a swa, a tsofetse e bile a kgotsofetse ka malatsi.+

Dintlha Tse di Kwa Tlase