Jobe 22:1-30

22  Mme Elifase wa Motemane a araba a re:   “A monna yo o nonofileng a ka nna le thuso mo Modimong ka boene,+Mo e leng gore ope fela yo o nang le temogo a ka nna le thuso mo go ene?   A Mothatayotlhe o na le kgatlhego epe ya go bo o le tshiamo,+Kgotsa o boelwa ke sengwe fela ka go bo o dira tsela ya gago go nna e e se nang molato?+   A o tla go kgalemelela poifo ya gago ya bomodimo,A o tla tsena le wena mo katlholong?+   A bosula jwa gago ga se jo bo setseng+ bo le bontsi thata,Mme a ditlolo tsa gago ga di kitla di khutla?   Gonne o tsaya sebeelo mo go bomorwarrago kwantle ga lebaka,+O apola le batho ba ba sa ikategang diaparo tsa bone.   Ga o neye yo o lapileng metsi gore a nwe,Mme o tima ba ba tshwerweng ke tlala senkgwe.+   Fa e le monna yo o nang le nonofo ene, lefatshe ke la gagwe,+Mme yo o tlhaolwang o nna mo go lone.   O tsamaisitse batlholagadi ba iphotlhere,Mme mabogo a basimane ba ba se nang borraabone a thubagantswe.+ 10  Ke gone ka moo dirai tsa dinonyane di go dikologileng,+Le poifo ya ka tshoganyetso e go fuduang; 11  Kgotsa lefifi, gore o se ka wa bona,Le bontsi jo bo boitshegang jwa metsi bo a go khurumetsa. 12  A Modimo ga se ene bogodimo jwa legodimo?+Gape leba palogotlhe ya dinaledi,+ gore di kwa godimo. 13  Mme le fa go ntse jalo o rile: ‘Ke eng se tota Modimo a se itseng?A a ka atlhola mo letobong le lentshontsho? 14  Maru ke lefelo la gagwe la go itshuba gore a se ka a bona,Mme o tsamayatsamaya mo phaposaneng ya legodimo.’ 15  A o tla tswelela o le mo tseleng ya bogologoloE batho ba ba utlwisang botlhoko ba gatileng mo go yone, 16  Batho ba ba neng ba tsubulwa pele ga nako ya bone,+Ba motheo+ wa bone o tshololelwang koo fela jaaka noka, 17  Ba ba rayang Modimo wa boammaaruri ba re: ‘Tswa mo go rona!+Mme ke eng se Mothatayotlhe a ka se diragatsang kgatlhanong le rona?’ 18  Le fa go ntse jalo ene ka boene o tladitse matlo a bone ka dilo tse di molemo;+Mme boikaelelo jwa baikepi bo nnile kgakala le nna.+ 19  Basiami ba tla bona mme ba tla ipela,+Mme yo o se nang molato o tla ba sotla: 20  ‘Ruri baganetsi ba rona ba nyeleditswe;Mme masalela a bone a tla jewa ke molelo.’ 21  Itlwaelanye le ene, tsweetswee, mme o boloke kagiso;Ka go dira jalo dilo tse di molemo di tla tla mo go wena. 22  Tsweetswee, tsaya molao mo molomong wa gagwe,Mme o tsenye mafoko a gagwe mo pelong ya gago.+ 23  Fa o boela kwa go Mothatayotlhe,+ o tla agiwa;Fa o ka baya tshiamololo kgakala le mogope wa gago, 24  Mme fa go bewa manya a a tlhokegang thata mo lorolengLe gouta ya Ofire+ mo lefikeng la mekgatšha e e phothoselang, 25  Ruri Mothatayotlhe le ene o tla nna manya a gago a a tlhokegang thata,Le selefera, ya boleng jo bo kwa godimo mo go wena.+ 26  Gonne ka yone nako eo o tla nna le boitumelo jo bogolo+ mo go Mothatayotlhe,Mme o tla tsholeletsa sefatlhego sa gago kwa Modimong ka boene.+ 27  O tla mo kopa ka tlhoafalo, mme o tla go utlwa;+O tla duela+ maikano a gago. 28  O tla dira tshwetso ka sengwe, mme se tla go emela;Mme ruri lesedi le tla phatsima+ mo ditseleng tsa gago. 29  Gonne o tla kokobediwa fa o bua ka go ikgodisa;+Mme o tla boloka+ yo o digileng matlho. 30  O tla namola motho yo o se nang molato,+Mme ruri o tla namolwa ka ntlha ya bophepa jwa diatla tsa gago.”+

Dintlha Tse di Kwa Tlase