Jeremia 6:1-30

6  Itshireletseng, lona bomorwa Benjamine, kgatlhanong le Jerusalema; mme letsang lonaka+ mo Tekoa.+ Tsholetsang sesupo sa molelo le kwa godimo ga Bethe-hakereme;+ ka gonne masetlapelo a lebile kwa tlase go tswa kwa bokone, le thubagano e kgolo.+  Ruri morwadia Siona o tshwana le mosadi yo montle le yo o godisitsweng ka bopelonomi.+  Badisa le metlhape ya bone ba ne ba tla kwa go ene. Ba ne ba tlhoma megope ya bone go mo dikologa.+ Mongwe le mongwe wa bone o ne a fudisa mo karolong ya gagwe.+  Ba itshepisitse ntwa kgatlhanong le ene:+ “Ema, mme re tlhatloge ka sethoboloko!”+ “A bo go latlhega rona, gonne letsatsi le khutlile, gonne meriti ya maitseboa e nna e nama!”  “Ema, mme re tlhatloge mo bosigong re senye ditora tsa gagwe tsa bonno.”+  Gonne Jehofa wa masomosomo o buile jaana: “Rema dikgong+ mme o emise lorako lwa phemelo kgatlhanong le Jerusalema.+ Ke motse o o tshwanetseng go dirwa gore o ikarabelele.+ Ga go na sepe fela fa e se go gatelela mo gare ga gagwe.+  Fela jaaka mogobe o boloka metsi a one a le tsiditsana, ka tsela e e ntseng jalo o bolokile bosula jwa gagwe bo le tsiditsana. Go utlwiwa thubakanyo le go thopa mo go ene;+ pobolo le sebetso di fa pele ga sefatlhego sa me ka metlha.  Siamisiwa,+ wena Jerusalema, gore moya wa me o se ka wa go furalela ka go feroga sebete;+ gore ke tle ke se ka ka go tlhoma gore o nne kgakgabalo, naga e e sa nniweng.”+  Jehofa wa masomosomo o buile jaana: “Eleruri ba tla ronopa masalela a Iseraele fela jaaka mofine.+ Busetsa seatla sa gago jaaka mongwe yo o fulang morara mo dikalaneng tsa mofine.” 10  “Ke tla bua le mang ke ntshe tlhagiso, gore ba tle ba utlwe? Bonang! Tsebe ya bone ga e a rupa, ka jalo ga ba kgone go tlhwaya tsebe.+ Bonang! Lefoko la ga Jehofa le fetogile kgobo mo go bone,+ lefoko le ba ka se le itumeleleng.+ 11  Mme ke tletse tšararego ya ga Jehofa. Ke lapisitswe ke go itshwara.”+ “E tshele ka nako e le nngwe fela mo ngwaneng yo o mo mmileng+ le mo setlhopheng se se atamalaneng thata sa makau; gonne le bone ba tla tshwarwa, monna mmogo le mosadi wa gagwe, monnamogolo mmogo le yo o nang le malatsi a a tletseng.+ 12  Mme ruri matlo a bone a tla neelwa ba bangwe gore e nne a bone, masimo le basadi ka nako e le nngwe.+ Gonne ke tla otlololela banni ba lefatshe seatla sa me,” go bua Jehofa.+ 13  “Gonne go simolola ka yo mmotlana mo go bone go ya go yo mogolo mo go bone, mongwe le mongwe o itirela papadi ya tshiamololo;+ le go simolola ka moporofeti le eleng go ya go moperesiti, mongwe le mongwe o dira ka maaka.+ 14  Mme ba leka go fodisa go robega ga batho ba me go le gonnye,+ ba re, ‘Go na le kagiso! Go na le kagiso!’ mme go se na kagiso.+ 15  A ba ne ba tlhabiwa ke ditlhong ka gonne ba ne ba dirile selo se se makgapha?+ Sa ntlha, ruri ga ba tlhabiwe ke ditlhong; sa bobedi, ga ba ise ba itse gore go ntse jang go kokobediwa.+ Ka jalo ba tla wa mo gare ga ba ba wang;+ ba tla kgotšwa mo nakong e ke tla ba dirang gore ba ikarabelele ka yone,” go buile Jehofa. 16  Jehofa o buile jaana: “Emang fela mo ditseleng, lona batho, mme lo bone lo bo lo botse ka ditsela tsa bogologolo, kwa jaanong tsela e e molemo e leng teng;+ lo tsamaye mo go yone+ mme lo bonele meya ya lona boiketlo.”+ Mme ba nna ba re: “Ga re na go tsamaya.”+ 17  “Mme ke lo tsoseditse balebeledi,+ ‘Tlhwaelang modumo wa lonaka tsebe!’”+ Mme ba nna ba re: “Ga re na go tlhwaya tsebe.”+ 18  “Ka jalo utlwang, lona ditšhaba! Mme o itse, wena phuthego, gore go tla nna le eng mo gare ga bone. 19  Reetsa, wena lefatshe! Bona, ke tlisa masetlapelo mo setšhabeng+ seno e le maungo a dikakanyo tsa sone,+ gonne ga se a tlhwaela mafoko a me tsebe; le molao wa me—le one se ne sa nna sa o gana.”+ 20  “A seno se a kgathalesega mo go nna gore lo tlisa le eleng lebano go tswa kwa Sheba+ le ntšhe e e monate go tswa kwa lefatsheng le le kgakala? Ditshupelo tsa lona tse di fisiwang di feletse ga di ipedise,+ le ditlhabelo tsa lona di ntse di sa nkgotsofatse.”+ 21  Ka jalo Jehofa o buile jaana: “Bonang, ke beela batho bano dikgopi, ruri di tla ba kgopa,+ borre le barwa mmogo; moagelani le molekane wa gagwe—ba tla nyelela.”+ 22  Jehofa o buile jaana: ‘‘Bonang! Setšhaba se tla se tswa kwa nageng ya bokone, mme go na le setšhaba se segolo se se tla tsosiwang kwa dintlheng tse di kgakala thata tsa lefatshe.+ 23  Ba tla tshwara bora le lerumo le le konopiwang.+ Se setlhogo, mme ga ba na go tlhomoga pelo. Lentswe la bone le tla utlwala thata fela jaaka lewatle,+ mme ba tla palama dipitse.+ Se tlhomagane ka thulaganyo ya tlhabano jaaka monna wa ntwa kgatlhanong le wena, wena morwadia Siona.”+ 24  Re utlwile pego ka sone. Diatla tsa rona di repile.+ Matshwenyego a re tshwere, ditlhabi tsa pelegi tse di tshwanang le tsa mosadi yo o belegang.+ 25  O se ka wa tswela kwa tshimong, gape o se ka wa tsamaya le mo tseleng; gonne go na le tšhaka ya mmaba, go na le letshogo gotlhe fela.+ 26  Tlhe morwadia batho ba me, ikgatlhe ka letsela la kgetsi+ mme o bidikame mo meloreng.+ Dira gore khutsafalo ya gago e nne ya go hutsafalela morwa yo o esi; go lela mo go botlhoko;+ ka gonne mothopi o tla re wela ka tshoganyetso.+ 27  “Ke go dirile molekatshipi mo gare ga batho ba me, yo o batlang ka botlalo; mme o tla ela tlhoko o bo o tlhatlhobe tsela ya bone.+ 28  Botlhe ke batho ba ba tlhogoethata go gaisa,+ ba ba tsamayatsamayang jaaka ba ba senyang batho leina+—kgotlho le tshipi. Ke ba ba senyang botlhe fela.+ 29  Meuba+ e fisitswe. Mo molelong wa yone go tswa lloto.+ Motho o ntse a itshekisa thata a itshekisetsa lefela fela, mme ba ba bosula ga ba a kgaoganngwa.+ 30  Ruri batho ba tla ba bitsa selefera e e gannweng,+ gonne Jehofa o ba ganne.”+

Dintlha Tse di Kwa Tlase