Jeremia 49:1-39

49  Jehofa o buile jaana ka bomorwa Amona:+ “A ga go na barwa ba Iseraele a nang le bone, kgotsa a ga a na moruaboswa? Ke ka ntlha yang fa Malekame+ a ruile Gada,+ le batho ba gagwe ba nna mo metseng ya Iseraele?”+  “‘Jalo, bonang! Metlha e etla,’ go bua Jehofa, ‘mme ke tla dira gore mokgosi wa tlhagiso wa ntwa+ o utlwiwe le eleng kgatlhanong le Raba+ wa bomorwa Amona; mme eleruri o tla nna thotana ya kgakgabalo,+ mme metse e e kafa tlase ga gagwe+ e tla fisiwa mo molelong.’+ “‘Mme Iseraele o tla rua ba ba mo ruileng,’+ go buile Jehofa.  “‘Bokolela,+ wena Heshebone,+ gonne Ai o thopilwe! Goang, lona metse e e kafa tlase ga Raba. Ikgatlheng ka letsela la kgetsi.+ Lelang mme lo kgarakgatshege mo gare ga masaka a matlapa, gonne Malekame o tla ya botshwarwa,+ baperesiti ba gagwe le dikgosana tsa gagwe, botlhe fela.+  Ke ka ntlha yang fa o ikgantsha ka mabala a a kwa tlase, lebala la gago le le kwa tlase le le elelang,+ wena morwadi yo o seng boikanngo, wena yo o ikanyang matlotlo a gagwe,+ o re: “Ke mang yo o tla tlang kwa go nna?”’”+  “‘Bona, ke tlisa selo se se boifisang mo go wena,’+ go bua Morena Molaodimogolo,+ Jehofa wa masomosomo, ‘go tswa mo go botlhe ba ba go dikologileng. Mme lo tla phatlaladiwa, mongwe le mongwe ka tsela ya gagwe,+ mme go tla bo go se na yo o phuthang mmogo ba ba tshabang.’”  “‘Mme morago ga moo ke tla phutha batshwarwa ba bomorwa Amona,’+ go bua Jehofa.”  Jehofa wa masomosomo o buile jaana ka ga Edoma: “A ga go tlhole go na le botlhale+ mo Temane?+ A kgakololo e nyeletse mo go ba ba nang le tlhaloganyo? A botlhale jwa bone bo bodile?+  Tshabang!+ Ineeleng! Tsenelang kwa teng gore lo tle lo nne,+ lona banni ba Dedane!+ Gonne ke tla tlisa matlhotlhapelo a ga Esau mo go ene, nako e ke tshwanetseng go lebisa tlhokomelo ya me kwa go ene.+  Fa batho ba ba fulang morara ba ne ba ka tla mo go wena, a ba ne ba se kitla ba tlogela sengwe se se ronopilweng? Fa magodu a ne a ka tla bosigo, ruri a ne a tla dira tshenyo e ntsi fela ka fa a batlang ka teng.+ 10  Mme fa e le nna, ke tla amoga Esau.+ Ke tla bipolola mafelo a gagwe a go itshuba,+ mme motho a ka se kgone go iphitlha.+ Bana ba gagwe le bomorwarraagwe le baagelani ba gagwe eleruri ba tla thopiwa,+ mme ene o tla bo a seyo.+ 11  A ko o tlogele basimane ba gago ba ba se nang borre.+ Nna ke tla ba boloka ba tshela, le batlholagadi ba gago ba tla inkanya.”+ 12  Gonne Jehofa o buile jaana: “Bona! Le fa e se mokgwa wa bone go nwa senwelo, eleruri ba tla nwa.+ Mme wena, a o tla tlogelwa o sa otlhaiwa gotlhelele? Ga o na go tlogelwa o sa otlhaiwa, gonne eleruri o tla nwa.”+ 13  “Gonne ke ikanne ka nna,”+ go bua Jehofa, “gore Bosera+ ga a na go nna sepe fela fa e se selo sa go akabalelwa,+ kgobo, tshwafalo le phutso; le metse ya gagwe yotlhe e tla nna mafelo a a swafetseng ka bosakhutleng.”+ 14  Go na le pego e ke e utlwileng mo go Jehofa, e bile go na le morongwa yo o romiwang mo ditšhabeng, a re: “Phuthegang mmogo, lo mo tsogologele, mme lo nanoge lo ye tlhabanong.”+ 15  “Gonne, bona! Ke go dirile mmotlana ruri mo gare ga ditšhaba, gore o nyatsege mo bathong.+ 16  Go roroma mo o go bakileng go go tsieditse, boikgodiso jwa pelo ya gago,+ wena yo o agileng mo maitshubelong a lefika le legolo, yo o tshwereng bogodimo jwa thota. Le fa o aga sentlhaga sa gago kwa godimo jaaka ntsu,+ ke tla go folosa teng koo,”+ go bua Jehofa. 17  “Mme Edoma o tla nna selo sa go akabalelwa.+ Mongwe le mongwe yo o fetang fa go ene o tla rotola matlho a gakgametse le go letsa molodi ka ntlha ya dipetso tsotlhe tsa gagwe.+ 18  Fela jaaka go ribegediwa ga Sodoma le Gomora le metse ya gagwe e a agelaneng nayo,”+ go buile Jehofa, “ga go na motho yo o tla nnang koo, e bile ga go na go nna le fa e le morwa batho yo o tla agang mo go ene e le moeng.+ 19  “Bona! Mongwe o tla tla fela jaaka tau+ e tswa mo masuthung a a tlotlometseng go bapa le Joredane a ya kwa lefelong la bonno le le nnelang ruri,+ mme mo nakong e khutshwane ke tla dira gore ba tshabe mo go ene.+ Mme yo o tlhophilweng ke tla mo tlhoma gore a mo okamele. Gonne ke mang yo o tshwanang le nna,+ le gone ke mang yo o ka nkgwetlhang,+ le gone, ke mang, gone jaanong, modisa yo o ka emang fa pele ga me?+ 20  Ka jalo utlwang, lona batho, boikaelelo jwa ga Jehofa jo a bo akantseng kgatlhanong le Edoma,+ le dikakanyo tsa gagwe tse a di akantseng kgatlhanong le banni ba Temane:+ Eleruri tse dinnye tsa letsomane di tla gogagogiwa. Eleruri o tla dira lefelo la bone la bonno kgakgabalo ka ntlha ya tsone.+ 21  Lefatshe le simolotse go reketla fa go utlwala modumo wa go wa ga bone.+ Go na le selelo!+ Modumo wa sone o utlwetse le kwa Lewatleng le Lehibidu.+ 22  Bonang! Mongwe o tla tlhatloga a bo a fologela kwa tlase fela jaaka ntsu,+ mme o tla tsharolola diphuka tsa gagwe mo godimo ga Bosera;+ mme pelo ya banna ba ba thata ba Edoma mo letsatsing leo eleruri e tla nna jaaka pelo ya mosadi yo o nang le botlhoko jwa go tshola ngwana.”+ 23  Ka Damaseko:+ “Hamathe+ le Arepade+ ba tlhabilwe ke ditlhong, gonne ba utlwile pego e e bosula. Ba nyerile. Go tshwenyegwa ka tlhobaelo mo lewatleng; ga le kgone go nna le sisibetse.+ 24  Damaseko ga a tlhole a le pelokgale. O retologile a tshaba, mme letshogo le legolo le mo tshwere.+ Matshwenyego le ditlhabi tsa pelegi di mo tshwere, jaaka go ntse ka mosadi yo o belegang.+ 25  Go tla jang gore motse wa pako o bo o sa tlogelwa, motse wa boitumelo?+ 26  “Ka jalo makau a gagwe a tla wa mo dipatlelong tsa gagwe, le banna botlhe ba ntwa ba tla didimadiwa ka letsatsi leo,”+ go bua Jehofa wa masomosomo. 27  “Mme ke tla tshuba lobota lwa Damaseko ka molelo, mme eleruri o tla laila ditora tsa bonno tsa Bene-hadade.”+ 28  Ka Kedare+ le magosi a Hasore,+ a Nebukaderesare kgosi ya Babelona a a kgemethileng,+ Jehofa o buile jaana: “Emang, yang kwa Kedare, lona batho, mme lo thope barwa ba Botlhaba.+ 29  Megope ya bone+ le matsomane a bone+ di tla tsewa, matsela a bone a megope+ le dilwana tsa bone tsotlhe. Mme dikamela tsa bone+ di tla tsewa mo go bone. Mme ba tla goela kwa go tsone ba re, ‘Go na le letshogo gotlhe fela!’”+ 30  “Tshabang, tshabelang kgakala; tsenelang kwa teng gore lo tle lo nne, lona banni ba Hasore,”+ go bua Jehofa. “Gonne Nebukaderesare kgosi ya Babelona+ o akantse boikaelelo bongwe kgatlhanong le lona gape o akantse kakanyo nngwe kgatlhanong le lona.” 31  “Emang, lona batho, tsogologelang setšhaba se se iketlileng,+ se se nnang ka polokesego!”+ go bua Jehofa. “Ga se na dikgoro le fa e le mophakalego. Ba nna ba le bosi.+ 32  Mme dikamela tsa bone+ di tshwanetse go gapiwa, le bontsintsi jwa diruiwa tsa bone di thopiwe. Mme ke tla ba gasamisetsa kwa phefong nngwe le nngwe,+ ba moriri wa bone o kgaotsweng mo ditlhakoreng tsa tlhogo;+ mme ke tla tlisa matlhotlhapelo a bone go tswa kwa dikgaolong tsotlhe tse di leng gaufi le one,” go bua Jehofa. 33  “Mme Hasore+ o tla fetoga kutla ya bophokoje,+ kgakgabalo ka bosakhutleng. Ga go na motho yo o tla nnang teng, mme ga go na morwa batho ope yo o tla agang mo go ene e le moeng.”+ 34  Lefoko la ga Jehofa le ne la tla mo go Jeremia moporofeti ka ga Elama+ mo tshimologong ya bogosi jwa ga Sedekia+ kgosi ya Juda, le re: 35  “Jehofa wa masomosomo o buile jaana, ‘Bonang, ke robaganya bora jwa Elama,+ tshimologo ya thata ya bone. 36  Mme ke tla tlisetsa Elama diphefo tse nnè go tswa kwa dintlheng tse nnè tsa magodimo.+ Ke tla ba gasamisetsa kwa diphefong tseno tsotlhe,+ mme ga go na go nna le setšhaba sepe se ba ba phatlaladitsweng+ ba Elama ba se kitlang ba tla kwa go sone.’” 37  “Ke tla tšhwetlakanya Baelama fa pele ga baba ba bone le fa pele ga ba ba batlang moya wa bone; mme ke tla ba tlisetsa masetlapelo, bogale jwa me jo bo tukang,”+ go bua Jehofa. “Ke tla romela tšhaka fa morago ga bone go fitlha ke tla bo ke ba fedisitse.”+ 38  “Ke tla tlhoma setulo sa me sa bogosi mo Elama,+ mme teng ke tla senya kgosi le dikgosana,” go bua Jehofa. 39  “Go tla diragala go ela kwa bokhutlong jwa metlha+ gore ke phuthe batshwarwa ba Elama,”+ go bua Jehofa.

Dintlha Tse di Kwa Tlase