Jeremia 46:1-28

46  Seno ke se se neng sa tla e le lefoko la ga Jehofa mo go moporofeti Jeremia ka ga ditšhaba:+  Ka ga Egepeto,+ mabapi le mophato wa ga Faro Neko kgosi ya Egepeto,+ yo go neng ga direga gore a bo a le fa nokeng ya Euferatese kwa Karakemishe,+ yo Nebukaderesare kgosi ya Babelona a neng a mo fenya mo ngwageng wa bonè wa ga Jehoiakime+ morwa Josia, kgosi ya Juda:  “Tlhomaganyang thejana le thebe e kgolo mme lo atameleng tlhabano.+  Golegang dipitse lo bo lo di palame, lona bapalami ba dipitse, mme lo eme ka tlhoro ya phemelo. Phatsimisang marumo. Aparang meitshomelo ya phemelo.+  “‘Ke ka ntlha yang fa ke ba bone ba wetswe ke poifo? Ba boela morago mme banna ba bone ba ba thata ba a thubaganngwa; eleruri ba tshabile, mme ga ba a retologa.+ Go na le letshogo gotlhe fela,’+ go bua Jehofa.  ‘A yo o bofefo a se ka a leka go tshaba, a monna yo o thata a se ka a leka go falola.+ Ba kgotšwilwe mme ba wa+ kwa bokone+ fa lotshitshing lwa noka ya Euferatese.’  “Ke mang yono yo o tlhatlogang fela jaaka Noka ya Nile, jaaka dinoka tse metsi a tsone a kgaphaselang?+  Egepeto e tlhatloga fela jaaka Noka ya Nile,+ le metsi a kgaphasela jaaka dinoka.+ Mme ya re, ‘Ke tla tlhatloga. Ke tla bipa lefatshe. Ke tla senya motse le ba ba nnang mo go one ke sa okaoke.’+  Tlhatlogang, lona dipitse; lo tsamaye ka botsenwa, lona dikara ke lona! Mme a banna ba ba thata ba tswe, Kushe+ le Pute,+ ba ba tsholang thebe, le Balude,+ ba ba tsholang le ba ba gatang bora. 10  “Mme letsatsi leo ke la Morena Molaodimogolo, Jehofa wa masomosomo, letsatsi la pusoloso la go ipusolosetsa mo babeng ba gagwe.+ Mme tšhaka e tla laila le go ikgotsofatsa le go itlatsa ka madi a bone, gonne Morena Molaodimogolo,+ Jehofa wa masomosomo, o na le setlhabelo+ mo lefatsheng la bokone fa nokeng ya Euferatese.+ 11  “Ya kwa Gileade mme o tle le balema,+ wena morwadia Egepeto+ wa kgarebane. O ntsifaleditse phodiso lefela. Ga go na gore o ka mamatlelwa.+ 12  Ditšhaba di utlwile tlontlologo ya gago+ le selelo sa gago se tletse mo lefatsheng.+ Gonne ba kgopilwe, monna yo o thata kgatlhanong le monna yo o thata.+ Ba wetse mmogo fa fatshe, ka bobedi jwa bone.” 13  Lefoko le Jehofa a neng a le bua le moporofeti Jeremia ka ga go tla ga ga Nebukaderesare kgosi ya Babelona e tla go kgemetha lefatshe la Egepeto:+ 14  “Bolelang mo Egepeto, lona batho, lo itsitse phatlalatsa mo Migedole,+ lo itsise phatlalatsa mo Nofe+ le mo Tapanese.+ Buang lo re, ‘Ema, o ipaakanyetse,+ gonne tšhaka eleruri e tla laila botlhe ba ba go dikologileng.+ 15  Ke ka ntlha yang fa batho ba gago ba ba maatla ba gogotswe?+ Ga ba a ema, gonne Jehofa ka boene o ba kgoromeditse.+ 16  Ba kgotšwa ba le bantsi thata. Gape ba a wa. Mme ba nna ba raana ba re: “A ko o eme, mme re boele kwa bathong ba rona le kwa lefatsheng la ba masika a rona ka ntlha ya tšhaka e e re tshwarang setlhogo.”’ 17  Koo ba boletse ba re, ‘Faro kgosi ya Egepeto ke modumo fela.+ O tlogetse nako ya moletlo ya feta.’+ 18  “‘Jaaka ke tshedile,’ go bua Kgosi, e leina la yone e leng Jehofa wa masomosomo,+ ‘o tla tsena jaaka Tabore+ mo gare ga dithaba le jaaka Karemele+ fa lewatleng. 19  Itirele dithotonyana fela tsa go ya botshwarwa,+ wena monni wa mosadi, morwadia+ Egepeto. Gonne Nofe+ ka boene o tla nna selo fela sa go akabalelwa fela mme ruri o tla fisiwa ka molelo, gore a tle a nne a se na monni.+ 20  Egepeto ke kgomo e ntle thata ya moroba. Eleruri monang o tla mo tlhasela go tswa kwa bokone.+ 21  Mo godimo ga moo, masole a gagwe a a thapilweng mo gare ga gagwe a tshwana le dinamane tse di nontshitsweng.+ Mme a ineetse;+ a tshabile mmogo. Ga a a ema.+ Gonne a tletswe ke letsatsi la matlhotlhapelo a one, nako ya bone ya go elwa tlhoko.’+ 22  “‘Lentswe la gagwe le tshwana le la noga e e tsamayang;+ gonne banna ba tla tsamaya ka maatla a botlhaga, mme ba tla tsena mo go ene ka dilepe, jaaka ba ba rwalelang dikgong. 23  Eleruri ba tla rema sekgwa sa gagwe,’+ go bua Jehofa, ‘gonne se ne se ka se phunyelediwe. Gonne ba setse ba le bantsi go feta tsie,+ mme ga ba na palo. 24  Morwadia+ Egepeto ruri o tla tlhabiwa ke ditlhong. Eleruri o tla tsenngwa mo seatleng sa batho ba kwa bokone.’+ 25  “Jehofa wa masomosomo, Modimo wa Iseraele, o buile jaana, ‘Bona, ke lebisa tlhokomelo ya me mo go Amone+ yo o tswang kwa No+ le mo go Faro le mo go Egepeto le mo medimong+ ya gagwe le mo dikgosing tsa gagwe,+ le mo go Faro le mo go botlhe ba ba mo ikanyang.’+ 26  “‘Mme ke tla ba tsenya mo seatleng sa ba ba batlang moya wa bone le mo seatleng sa ga Nebukaderesare kgosi ya Babelona+ le mo seatleng sa batlhanka ba gagwe; mme morago ga moo go tla agiwa mo go ene jaaka mo metlheng ya bogologolo,’+ go bua Jehofa. 27  “‘Mme fa e le wena, o se ka wa boifa, wena motlhanka wa me Jakobe, o se ka wa welwa ke therego, wena Iseraele.+ Gonne bona, ke go boloka go tswa kgakala le bana ba gago go tswa kwa lefatsheng le ba ileng botshwarwa kwa go lone.+ Mme Jakobe eleruri o tla boa mme ga a kitla a nna le matshwenyego e bile o tla iketla go se na yo o bakang poifo.+ 28  Fa e le wena, o se ka wa boifa, wena motlhanka wa me Jakobe,’ go bua Jehofa, ‘gonne ke na le wena.+ Gonne ke tla fedisa ditšhaba tsotlhe tse ke go phatlalaleditseng kwa go tsone,+ mme wena ga ke na go go fedisa.+ Le fa go ntse jalo ke tla go otlhaya ka selekanyo se se tshwanetseng,+ mme gotlhelele ga ke na go go tlogela o sa otlhaiwa.’”+

Dintlha Tse di Kwa Tlase