Jeremia 38:1-28

38  Mme Shefatia morwa Matane le Gedalia morwa Pashure le Jukale+ morwa Shelemia le Pashure morwa Malekija+ ba utlwa mafoko a Jeremia a neng a a bua le batho botlhe,+ a re:  “Jehofa o buile jaana, ‘Yo o tswelelang a nna mo motseng ono ke ene yo o tla swang ka tšhaka,+ ka leuba+ le ka bolwetse jwa leroborobo.+ Mme yo o yang kwa Bakaladieng ke ene yo o tla tswelelang a tshela mme eleruri o tla nna le moya wa gagwe jaaka thopo mme o tshela.’+  Jehofa o buile jaana, ‘Eleruri motse ono o tla tsenngwa mo seatleng sa mophato wa sesole wa kgosi ya Babelona, mme e tla o thopa.’”+  Mme dikgosana tsa raya kgosi di re: “Tsweetswee, a monna yo a bolawe,+ ka gonne ka tsela eo o koafatsa diatla tsa banna ba ntwa ba ba setseng mo motseng ono le diatla tsa batho botlhe, ka go bua le bone kafa mafokong ano.+ Gonne monna yono ga a batlele batho bano kagiso mme o ba batlela masetlapelo.”  Jalo Kgosi Sedekia a re: “Bonang! O mo diatleng tsa lona. Gonne ga go na sepe gotlhelele se kgosi e ka lo fenyang mo go sone.”+  Mme ba tsaya Jeremia ba mo latlhela mo mogobeng wa ga Malekija+ morwa kgosi, o o neng o le mo Lolwapeng lwa Badisa.+ Ba folosetsa Jeremia jalo kwa tlase ka megala. Jaanong go ne go se na metsi mo mogobeng, mme go na le loraga; Jeremia a nwelelela mo lorageng.+  Mme Ebede-meleke wa Moethiopia,+ monna yo e neng e le modiredi yo o neng a le mo ntlong ya kgosi, a utlwa gore ba ne ba tsentse Jeremia mo mogobeng; mme kgosi e ne e ntse mo Kgorong ya Benjamine.+  Jalo Ebede-meleke a tswa mo ntlong ya kgosi mme a bua le kgosi, a re:  “Ao tlhe morena wa me kgosi, banna bano ba dirile bosula mo go sotlhe se ba se dirileng moporofeti Jeremia, yo ba mo latlhetseng mo mogobeng, gore a swele+ mo a leng teng ka ntlha ya leuba.+ Gonne ga go tlhole go na le senkgwe mo motseng.” 10  Go tswa foo kgosi ya laela Ebede-meleke wa Moethiopia, e re: “Tsaya banna ba le masome a mararo mo lefelong leno, o ba okamele, mme o ntshe moporofeti Jeremia mo mogobeng pele ga a swa.”+ 11  Ka jalo Ebede-meleke a tsaya banna a ba okamela mme a tsena mo ntlong ya kgosi kafa tlase ga bobolokelamatlotlo+ mme a tsaya dikatana tse di onetseng le matsela a a onetseng a a folosetsa kwa tlase kwa go Jeremia mo teng ga mogobe+ a dirisa megala. 12  Go tswa foo Ebede-meleke wa Moethiopia a raya Jeremia a re: “Tsweetswee, tsenya dikatana tse di onetseng le matsela kafa tlase ga magwafa a gago fa tlase ga megala.” Jaanong Jeremia a dira jalo.+ 13  La bofelo ba ntsha Jeremia ka megala mme ba mo tlhatlosa ba mo ntsha mo mogobeng. Mme Jeremia a tswelela a nna mo Lolwapeng lwa Badisa.+ 14  Mme Kgosi Sedekia a roma gore go ye go tsewa moporofeti Jeremia a tlisiwe kwa go ene+ mo tseleng ya boraro ya botseno,+ e e mo ntlong ya ga Jehofa,+ mme kgosi ya raya Jeremia ya re: “Ke go kopa sengwe. O se ka wa mphitlhela sepe.”+ 15  Foo Jeremia a raya Sedekia a re: “Fa nka go bolelela, a ruri ga o na go mpolaya? Le gone fa nka go gakolola, ga o na go ntheetsa.”+ 16  Morago ga moo Kgosi Sedekia a ikanela Jeremia mo lefelong la go iphitlha, a re: “Jaaka Jehofa a tshedile, yo o re diretseng moya ono,+ ga ke na go go bolaya, le gone ga ke na go go tsenya mo seatleng sa banna bano ba ba batlang moya wa gago.”+ 17  Jaanong Jeremia a raya Sedekia a re: “Jehofa, Modimo wa masomosomo,+ Modimo wa Iseraele,+ o buile jaana, ‘Fa o ka tswa wa ya kwa dikgosaneng tsa kgosi ya Babelona,+ moya wa gago le one o tla nna o tshela mme motse ono ga o na go fisiwa ka molelo, mme wena le ba ntlo ya gago lo tla nna lo tshela.+ 18  Mme fa o ka se ye kwa dikgosaneng tsa kgosi ya Babelona, motse ono o tla tsenngwa mo seatleng sa Bakaladia, mme ruri ba tla o fisa ka molelo,+ mme wena ga o na go falola mo seatleng sa bone.’”+ 19  Go tswa foo Kgosi Sedekia a raya Jeremia a re: “Ke tshaba Bajuda ba ba ngwegetseng kwa Bakaladieng,+ ke boifa gore ba ka nna ba ntsenya mo seatleng sa bone le gore tota ba ka nna ba nkgokgontsha.”+ 20  Mme Jeremia a re: “Ga ba na go go tsenya ka tsela e e ntseng jalo. Tsweetswee, utlwa lentswe la ga Jehofa mo go se ke se buang le wena, mme dilo di tla go tsamaela sentle+ le moya wa gago o tla tswelela o tshela. 21  Mme fa o gana go tswa,+ Jehofa o dirile gore ke bone selo se: 22  Mme bona! basadi botlhe ba ba setseng mo ntlong ya kgosi ya Juda+ ba ntshediwa kwa dikgosaneng tsa kgosi ya Babelona,+ mme ba re, ‘Banna ba ba mo kagisong le wena ba go gogetse+ mme ba go fentse.+Ba dirile gore lonao lwa gago lo nwelelele mo lorageng; ba boetse morago ka tsela e sele.’+ 23  Mme ba ntshetsa basadi ba gago botlhe le bomorwao kwa Bakaladieng, mme wena ga o na go falola mo seatleng sa bone,+ mme o tla tshwarwa ka seatla sa kgosi ya Babelona, mme motse ono o tla fisiwa ka molelo ka ntlha ya gago.”+ 24  Mme Sedekia a raya Jeremia a re: “A motho ope a se ka a itse ka dilo tseno, gore o se ka wa swa. 25  Mme fa dikgosana+ di ka utlwa gore ke buile le wena di bo di tsena kwa go wena di go raya di re, ‘Re bolelele, tsweetswee, O ne o bua ka eng le kgosi? O se ka wa re fitlhela sepe, mme ga re na go go bolaya. Kgosi e ne e bua ka eng le wena?’ 26  o ba reye o re, ‘Ke ne ke dira gore kopo ya me ya go utlwelwa botlhoko e wele fa pele ga kgosi, gore e se ka ya mpusetsa kwa ntlong ya ga Jehonathane+ gore ke swele teng.’” 27  Fa nako e ntse e tsamaya dikgosana tsotlhe tsa tla mo go Jeremia mme tsa simolola go mmotsa dipotso. Mme ene, a ba bolelela go ya ka mafoko ano otlhe a kgosi e a laetseng.+ Jalo ba didimala fa pele ga gagwe, gonne kgang e ne e sa utlwiwa. 28  Mme Jeremia a tswelela a nna mo Lolwapeng lwa Badisa+ go fitlha letsatsi le Jerusalema e neng ya thopiwa ka lone.+ Mme ga diragala fela fa Jerusalema e ne e thopiwa.+

Dintlha Tse di Kwa Tlase