Jeremia 35:1-19

35  Lefoko le le tlileng mo go Jeremia le tswa kwa go Jehofa mo metlheng ya ga Jehoiakime+ morwa Josia, kgosi ya Juda, le re:  “Ya kwa ntlong ya Barekabe,+ mme o bue le bone o ba tlise mo ntlong ya ga Jehofa, mo go nngwe ya diphaposi tsa bojelo; mme o ba neye beine gore ba nwe.”  Ka jalo ka tsaya Jaasania morwa Jeremia morwa Habasinia le bomorwarraagwe, le bomorwawe botlhe, le botlhe ba ntlo ya Barekabe,  ka ba tlisa mo ntlong ya ga Jehofa, kwa phaposing ya bojelo+ ya bomorwa Hanane morwa Igedalia, monna wa Modimo wa boammaaruri, e e neng e le fa thoko ga phaposi ya bojelo ya dikgosana e e neng e le kwa godimo ga phaposi ya bojelo ya ga Maaseia morwa Shalume+ molebedi wa kgoro.  Mme ka baya dinwelo tse di tletseng beine le diphafana fa pele ga bomorwa ntlo ya Barekabe mme ka ba raya ka re: “Nwang beine.”  Mme ba re: “Ga re na go nwa beine epe, ka gonne Jonadabe morwa Rekabe,+ rraaronamogologolwane, ke ene yo o neng a re laela, a re, ‘Lo se ka lwa nwa beine epe, lona le fa e le bomorwaalona, ka bosakhutleng.+  Lo se ka lwa aga ntlo epe, lo se ka lwa jala peo epe; lo se ka lwa jala tshimo epe ya mofine, le fa e le gore e nne ya lona. Mme lo nne mo megopeng malatsi otlhe a lona, gore lo tle lo nne lo tshele malatsi a le mantsi mo godimo ga lefatshe kwa lo agileng teng lo le baeng.’+  Ka jalo re nna re utlwa lentswe la ga Jehonadabe morwa Rekabe rraaronamogologolwane mo go sengwe le sengwe se a se re laetseng+ ka go se nwe beine mo malatsing otlhe a rona, rona, basadi ba rona, bomorwaarona le bomorwadiarona,+  le ka go se ikagele matlo gore re nne mo go one, gore re se ka ra nna le tshimo ya mofine kgotsa tshimo kgotsa peo. 10  Mme re tswelela re nna mo megopeng re utlwa e bile re dira go ya ka sotlhe se Jonadabe+ rraaronamogologolwane a se re laetseng.+ 11  Mme ga diragala ya re fa Nebukaderesare kgosi ya Babelona a tsogologela lefatshe+ ra simolola go re, ‘Tlayang, mma re tseneng mo Jerusalema ka ntlha ya mophato wa sesole wa Bakaladia le ka ntlha ya mophato wa sesole wa Basiria, mma re nneng mo Jerusalema.’”+ 12  Mme lefoko la ga Jehofa la tla mo go Jeremia, le re: 13  “Jehofa wa masomosomo, Modimo wa Iseraele, o buile jaana, ‘Tsamaya, mme o reye batho ba Juda le banni ba Jerusalema o re: “A ga lo a nna lo ntse lo amogela thotloetso ya gore lo utlwe mafoko a me?”+ go bua Jehofa. 14  “Go ntse go diragadiwa mafoko a ga Jehonadabe morwa Rekabe,+ ao a a laetseng bomorwawe gore ba se ka ba nwa beine epe, mme ga ba a e nwa go tla go fitlha mo letsatsing leno, ka gonne ba utlwile taelo ya ga rraabonemogologolwane.+ Mme fa e le nna, ke buile le lona, ke tsoga go sa le phakela ke bua,+ mme ga lo a nkutlwa.+ 15  Ke ne ka nna ka lo romelela batlhanka ba me botlhe e bong baporofeti,+ ke tsoga go sa le phakela ke ba roma, ke re, ‘Boang , tsweetsweee, mongwe le mongwe a tswe mo tseleng ya gagwe e e bosula,+ mme lo dire ditiro tsa lona molemo,+ mme lo se ka lwa sala medimo e mengwe morago gore lo e direle.+ Mme lo tswelele lo nna mo lefatsheng le ke le neileng lona le borraalonamogologolwane.’+ Mme ga lo a ka lwa sekega tsebe ya lona, le fa e le go ntheetsa.+ 16  Mme bomorwa Jehonadabe morwa Rekabe+ ba diragaditse taelo ya ga rraabonemogologolwane e a e ba laetseng;+ mme fa e le batho bano bone, ga ba a ntheetsa.”’”+ 17  “Ka jalo Jehofa, Modimo wa masomosomo, Modimo wa Iseraele, o buile jaana, ‘Bona, ke tlisetsa Juda le banni botlhe ba Jerusalema masetlapelo otlhe a ke a buileng kgatlhanong le bone,+ ka lebaka la gore ke buile le bone mme ba se ka ba reetsa, ka nna ka ba bitsa mme ba se ka ba araba.’”+ 18  Mme Jeremia o ne a raya ba ntlo ya Barekabe a re: “Jehofa wa masomosomo, Modimo wa Iseraele, o buile jaana, ‘Ka lebaka la gore lo utlwile taelo ya ga Jehonadabe+ rraalonamogologolwane mme lo tswelela lo boloka ditaelo tsotlhe tsa gagwe le go dira go ya ka sotlhe se a se lo laetseng,+ 19  ka jalo Jehofa wa masomosomo, Modimo wa Iseraele, o buile jaana: “Ga go na go kgaolwa mo go Jonadabe morwa Rekabe motho yo o tla emang+ fa pele ga me ka metlha.”’”+

Dintlha Tse di Kwa Tlase