Jeremia 28:1-17

28  Mme ga diragala ka ngwaga oo, kwa tshimologong ya bogosi jwa ga Sedekia+ kgosi ya Juda, mo ngwageng wa bonè, mo kgweding ya botlhano, gore Hanania+ morwa Asure, moporofeti yo o neng a tswa kwa Gibeone,+ a ntheye mo ntlong ya ga Jehofa fa pele ga matlho a baperesiti le a batho botlhe a re:  “Jehofa wa masomosomo, Modimo wa Iseraele, o buile jaana, ‘Ke tla robaganya jokwe ya kgosi ya Babelona.+  Mo dingwageng tse dingwe gape tse pedi tse di tletseng ke busetsa dilwana tsotlhe tsa ntlo ya ga Jehofa mo lefelong leno tse Nebukadenesare kgosi ya Babelona+ a neng a di tsaya mo lefelong leno gore a tle a di tlise mo Babelona.’”  “‘Mme Jekonia+ morwa Jehoiakime,+ kgosi ya Juda, le batshwarwa botlhe ba Juda ba ba tlileng mo Babelona+ ke ba busetsa mo lefelong leno,’ go bua Jehofa, ‘gonne ke tla robaganya jokwe+ ya kgosi ya Babelona.’”  Mme moporofeti Jeremia a raya moporofeti Hanania fa pele ga matlho a baperesiti le fa pele ga matlho a batho botlhe ba ba neng ba eme fa pele ga ntlo ya ga Jehofa;+  ee, moporofeti Jeremia a re: “Amen!+ E kete Jehofa a ka dira jalo! E kete Jehofa a ka tlhomamisa mafoko a gago a o a porofetileng ka go busa dilwana tsa ntlo ya ga Jehofa le batho botlhe ba ba isitsweng botshwarwa go tswa kwa Babelona go tla mo lefelong leno!+  Le fa go ntse jalo, tsweetswee, utlwa lefoko leno le ke le buang mo ditsebeng tsa gago le mo ditsebeng tsa batho botlhe.+  Fa e le baporofeti ba ba neng ba le teng pele ga me le pele ga gago go tswa bogologolong,+ le bone ba ne ba tle ba porofete ka ga mafatshe a mantsi le magosi a magolo, ka ntwa le ka masetlapelo le ka bolwetse jwa leroborobo.+  Fa e le moporofeti yo o porofetang kagiso,+ fa lefoko la moporofeti yono le diragala moporofeti yo Jehofa a mo romileng ka boammaaruri o tla itsiwe.”+ 10  Morago ga moo moporofeti Hanania a tsaya mopako wa jokwe mo molaleng wa ga moporofeti Jeremia mme a e robaganya.+ 11  Mme Hanania+ a bua jaana fa pele ga matlho a batho botlhe: “Jehofa o buile jaana,+ ‘Ke tla robaganya jokwe ya ga Nebukadenesare, kgosi ya Babelona, fela jaana mo dingwageng tse dingwe gape tse pedi tse di tletseng mo molaleng wa ditšhaba tsotlhe.’”+ Mme moporofeti Jeremia a tsamaya.+ 12  Go tswa foo lefoko la ga Jehofa la tla kwa go Jeremia,+ fa moporofeti Hanania a sena go robaganya jokwe mo molaleng wa ga moporofeti Jeremia, le re: 13  “Tsamaya, mme o reye Hanania o re, ‘Jehofa o buile jaana: “O robagantse mepako ya dijokwe+ tsa logong, mme mo boemong jwa tsone o tla tshwanelwa ke go dira dijokwe tsa tshipi.”+ 14  Gonne Jehofa wa masomosomo, Modimo wa Iseraele, o buile jaana: “Ke tla baya jokwe ya tshipi mo molaleng wa ditšhaba tseno tsotlhe, gore di direle Nebukadenesare kgosi ya Babelona;+ mme di tla mo direla.+ Le diphologolo tsa naga ke tla di mo naya.”’”+ 15  Mme moporofeti Jeremia a raya moporofeti Hanania+ a re: “Reetsa, tsweetswee, wena Hanania! Jehofa ga a go roma, mme wena ka bowena o dirile gore batho bano ba ikanye maaka.+ 16  Ka jalo Jehofa o buile jaana, ‘Bona! ke go tlosa mo godimo ga lefatshe. Mo ngwageng ono o tshwanetse go swa,+ gonne o buile botsuolodi ka tlhamalalo kgatlhanong le Jehofa.’”+ 17  Ka jalo moporofeti Hanania a swa mo ngwageng oo, mo kgweding ya bosupa.+

Dintlha Tse di Kwa Tlase