Jeremia 22:1-30

22  Jehofa o buile jaana: “Ya kwa ntlong ya kgosi ya Juda, mme o bue lefoko leno teng.  O re, ‘Utlwa lefoko la ga Jehofa, wena kgosi ya Juda yo o ntseng mo setulong sa bogosi sa ga Dafide,+ wena le batlhanka ba gago le batho ba gago, ba ba tsenang ka dikgoro tseno.+  Jehofa o buile jaana: “Dirang tshiamiso le tshiamo, mme lo golole yo o thukuthiwang mo seatleng sa motsietsi; mme lo se ka lwa tshwara moagi ope wa moeng setlhogo, mosimane yo o se nang rre kgotsa motlholagadi.+ Lo se ka lwa ba direla tshiamololo epe.+ Lo se ka lwa tsholola madi ape a a se nang molato mo lefelong leno.+  Gonne fa ruri lo ka utlwa lefoko leno, dikgosi tse di ntseng mo boemong jwa ga Dafide mo setulong sa gagwe sa bogosi+ ruri di tla tsena ka dikgoro tsa ntlo eno, di palame dikara le dipitse, ene a na le batlhanka ba gagwe le batho ba gagwe.”’+  “‘Mme fa e le gore ga lo na go utlwa mafoko ano, ke ikana ka nna,’+ go bua Jehofa, ‘gore ntlo eno e tla nna lefelo fela le le swafetseng.’+  “Gonne Jehofa o buile jaana ka ga ntlo ya kgosi ya Juda, ‘O tshwana le Gileade mo go nna, tlhogo ya Lebanona.+ Eleruri ke tla go dira naga;+ fa e le metse yone, ga go na ope wa yone o o tla nniwang.+  Mme ba ba senyang ke tla ba itshepisa kgatlhanong le wena,+ mongwe le mongwe le dibetsa tsa gagwe;+ ba tla rema masedara+ a gago ao a a gaisang otlhe ba bo ba a digele mo molelong.+  Ditšhaba di le dintsi di tla feta fa motseng ono mme di raana di re: “Ke ka ntlha yang fa Jehofa a diretse motse o mogolo ono jaana?”+  Mme ba tla re: “Ka lebaka la gore ba tlogetse kgolagano ya ga Jehofa Modimo wa bone+ mme ba ikobela medimo e mengwe le go e direla.”’+ 10  “Lo se ka lwa lelela yo o suleng,+ e bile lo se ka lwa mo utlwela botlhoko. Lelelang thata yo o tsamayang, gonne ga a na go tlhola a boa e bile ga a na go bona lefatshe la ba losika lwa gagwe. 11  Gonne Jehofa o buile jaana ka ga Shalume+ morwa Josia, kgosi ya Juda yo o busang mo boemong jwa ga Josia rraagwe,+ yo o duleng mo lefelong leno, ‘Ga a na go tlhola a boela teng. 12  Gonne o tla swela kwa lefelong le ba mo isitseng botshwarwa kwa go lone, mme ga a na go tlhola a bona lefatshe leno gape.’+ 13  “A bo go latlhega yo o agang ntlo ya gagwe,+ e seng ka tshiamo, le matlwana a gagwe a a kwa godimo, e seng ka tshiamiso, a dirisa mongwe ka ene yo o direlang lefela, yo a sa mo neeleng dituelo tsa gagwe;+ 14  yo o reng, ‘Ke tlile go ikagela ntlo e e atlhameng le matlwana a a kwa godimo a a bulegileng;+ mme difensetere tsa me tse di mo go yone e nne tse di atlhameng, mme e tla manegiwa dikgong tsa mosedara+ e bo e tshasiwa bohibidu jo bo galotseng.’+ 15  A o tla tswelela o busa ka gonne o gaisana ka go dirisa mosedara? Fa e le rrago ene, a ga a ka a ja le go nwa le go diragatsa tshiamiso le tshiamo?+ Fa go ntse jalo go mo tsamaetse sentle.+ 16  O sekasekile kopo e e kafa molaong ya yo o bogisiwang le yo o humanegileng.+ Fa go ntse jalo go tsamaile sentle. ‘A seo e ne e se lebaka la go nkitse?’ go bua Jehofa. 17  ‘Eleruri matlho a gago le pelo ya gago ga di mo go sepe fa e se mo papading ya gago ya tshiamololo,+ le mo mading a yo o se nang molato gore o tle o a tsholole,+ le mo go tsietseng le mo go tseyeng ka dikgoka gore o tle o di tsweledise.’ 18  “Ka jalo Jehofa o buile jaana ka ga Jehoiakime+ morwa Josia, kgosi ya Juda, ‘Ga ba na go mo lelela ba re: “Ao, morwarre! Ijoo morwadiarre!” Ga ba na go mo lelela ba re: “Ijoo, wena mong wa rona! Ijoo, a seriti sa gagwe!”+ 19  O tla fitlhwa ka phitlho ya esele e tonanyana,+ ka go gogwagogwa le go latlhwa, ka kwa ntle ga dikgoro tsa Jerusalema.’+ 20  “Tlhatlogela kwa Lebanona+ mme o goe, le kwa Bashana+ o ntshe lentswe la gago. O goe go tswa kwa Abarime,+ ka gonne botlhe ba ba go ratang thata ba robagantswe.+ 21  Ke ne ka bua le wena ka nako e o neng o se na matshwenyego ka yone.+ O ne wa re, ‘Ga ke na go utlwa.’+ Seno e ntse e le tsela ya gago go tswa bosheng jwa gago, gonne ga o a ka wa utlwa lentswe la me.+ 22  Phefo e tla disa badisa botlhe ba gago;+ mme fa e le ba ba go ratang thata, ba tla ya botshwarwa.+ Gonne ka nako eo o tla tlhabiwa ke ditlhong mme ruri o ikutlwe o kokobeditswe ka ntlha ya masetlapelo a gago otlhe.+ 23  Wena yo o nnang mo Lebanona,+ yo o nnang mo sentlhageng mo masedareng,+ a bo o tla fegelwa jang ne fa o tlelwa ke metlotsedi ya pelegi,+ ditlhabi tsa pelegi jaaka tsa mosadi yo o belegang!”+ 24  “‘Jaaka ke tshedile’ go bua Jehofa, ‘le fa e le gore Konia+ morwa Jehoiakime,+ kgosi ya Juda, e ne e le palamonwana e e tshwayang+ mo seatleng sa me sa moja, ke ne ke tla go somola foo!+ 25  Ke tla go tsenya mo seatleng sa ba ba batlang moya wa gago+ le mo seatleng sa ba o ba tshabang le mo seatleng sa ga Nebukaderesare kgosi ya Babelona le mo seatleng sa Bakaladia.+ 26  Mme wena le mmago+ yo o go belegeng ke tla lo latlhela kwa ntle kwa lefatsheng le lengwe le lo sa tsholelwang kwa go lone, mme ke teng kwa lo tla swelang teng.+ 27  Mme lefatshe le ba tla bong ba tsholetsa moya wa bone go boela kwa go lone, ga ba na go boela kwa go lone.+ 28  A monna yono Konia+ ke popego fela e e nyatsegang, e e phatlakantsweng,+ kgotsa sejana se se sa kgatlhegelweng?+ Ke ka ntlha yang fa ene le bana ba gagwe ba tshwanetse go piriganyediwa fa fatshe le go latlhelwa mo lefatsheng le ba iseng ba ko ba le itse?’+ 29  “Wena lefatshe, lefatshe, lefatshe, utlwa lefoko la ga Jehofa.+ 30  Jehofa o buile jaana, ‘Kwalang monna yono jaaka yo o se nang ngwana,+ jaaka monna yo o nonofileng yo o se kitlang a nna le katlego epe mo metlheng ya gagwe; gonne mo baneng ba gagwe ga go na le fa e le ope yo o tla atlegang,+ yo o tla tlholang a nna mo setulong sa bogosi sa ga Dafide+ a busa mo Juda.’”

Dintlha Tse di Kwa Tlase