Jeremia 11:1-23

11  Lefoko le le neng la tla kwa go Jeremia le tswa kwa go Jehofa, le re:  “Utlwang mafoko a kgolagano eno, lona batho! “Mme o a bue+ mo bathong ba Juda le mo banning ba Jerusalema,  mme o ba reye o re, ‘Jehofa Modimo wa Iseraele o buile jaana: “Go hutsegile motho yo o sa reetseng mafoko a kgolagano eno,+  a ke neng ka a laela borraalonamogologolwane mo letsatsing le ke ba ntshitseng mo lefatsheng la Egepeto ka lone,+ mo leubelong la tshipi,+ ke re, ‘Utlwang lentswe la me, mme lo dire dilo go ya ka sotlhe se ke se lo laelang;+ mme ruri lo tla nna batho ba me mme nna ke tla nna Modimo wa lona,+  ka boikaelelo jwa go diragatsa ikano e ke e ikanetseng borraalonamogologolwane,+ go ba naya lefatshe le le elang mashi le tswina ya dinotshe,+ jaaka mo letsatsing leno.’”’” Mme ke ne ka araba ka re: “Amen, Jehofa.”  Mme Jehofa a tswelela a nthaya a re: “Bolela mafoko ano otlhe mo metseng ya Juda le mo mebileng ya Jerusalema,+ o re, ‘Utlwang, lona batho, mafoko a kgolagano eno, mme lo a dire.+  Gonne ke ne ka tlhagisa borraalonamogologolwane ka masisi mo letsatsing le ke neng ke ba ntsha mo lefatsheng la Egepeto+ ka lone go tla go fitlha mo letsatsing leno, ke tsoga go sa le phakela ke ba tlhagisa, ke re: “Utlwang lentswe la me.”+  Mme ga ba a ka ba reetsa le fa e le go sekega tsebe ya bone,+ mme ba ne ba nna ba tsamaya mongwe le mongwe mo bologwading jwa pelo ya gagwe e e bosula;+ ka jalo ke ne ka tlisa mo go bone mafoko otlhe a kgolagano eno a ke neng ka ba laela gore ba a dire, a ba sa a dirang.’”  Mo godimo ga moo, Jehofa a nthaya a re: “Go fitlhetswe leano la boferefere mo bathong ba Juda le mo banning ba Jerusalema.+ 10  Ba boetse kwa ditlolong tsa borraabonemogologolwane,+ ba ntlha, ba ba neng ba gana go utlwa mafoko a me, ba ka bobone ba setseng medimo e sele morago gore ba e direle.+ Ntlo ya Iseraele le ntlo ya Juda di tlodile kgolagano ya me e ke neng ka e dira le borraabonemogologolwane.+ 11  Ka jalo Jehofa o buile jaana, ‘Bona, ke ba tlisetsa masetlapelo+ a ba ka se kgoneng go tswa mo go one;+ mme ruri ba tla ikuela mo go nna gore ke ba thuse, mme ga ke na go ba reetsa.+ 12  Mme metse ya Juda le banni ba Jerusalema ba tla tshwanelwa ke go ya go ikuela kwa medimong e ba e kuisetsang mosi wa setlhabelo gore e ba thuse,+ e ruri e se nang go ba tlisetsa poloko mo motlheng wa masetlapelo a bone.+ 13  Gonne medimo ya gago e ntse mentsi jaaka metse ya gago, wena Juda;+ le dibeso tse dintsi jaaka mebila ya Jerusalema batho ke lona lo di beetse selo se se tlhabisang ditlhong,+ dibeso tse go kuisediwang Baale mosi wa setlhabelo mo go tsone.’+ 14  “Mme fa e le wena, o se ka wa rapelela setšhaba seno, le gone o se ka wa ba tsholeletsa selelo sa go kopa ka tlhoafalo kgotsa thapelo,+ gonne ke tla bo ke sa reetsa ka nako e ba tla ntlhaeletsang ka yone ka ga masetlapelo a bone.+ 15  “Moratwa wa me o na le tiro efe mo ntlong ya me,+ gore bontsi jwa bone bo dire selo seno,+ e leng leano le le bosula?+ A mme ka nama e e boitshepo ba tla dira gore le fete le tswe mo go wena,+ fa masetlapelo a gago a tla? A o tla itumela ka nako eo?+ 16  Jehofa o biditse leina la gago a re, ‘Setlhare se se golang thata sa motlhware, se sentle se se nang le maungo e bile se bopegile sentle.’+ Ka modumo wa go kurutla mo gogolo, o tukisitse molelo kgatlhanong le ene, mme ba robagantse dikala tsa sone.+ 17  “Jehofa wa masomosomo ka boene, Mojadi wa gago,+ o buile masetlapelo kgatlhanong le wena ka ntlha ya bosula jwa ntlo ya Iseraele+ le ntlo ya Juda jo ba bo dirileng go nkgopisa ka go kuisetsa Baale mosi wa setlhabelo.”+ 18  Mme Jehofa ka boene o ile a nkitsise gore ke tle ke itse. Ka nako eo o ne wa ntira gore ke bone ditiro tsa bone.+ 19  Mme ke ne ke tshwana le kwanyana e tonanyana, e e rategang thata, e e tlisiwang tlhabong,+ ke ne ke sa itse gore ba ne ba logela nna maano ba re:+ “A re senyeng setlhare le dijo tsa sone, mme a re mo kgaoleng mo lefatsheng la batshedi,+ gore leina la gagwe le se ka la tlhola le gakologelwa.” 20  Mme Jehofa wa masomosomo o atlhola ka tshiamo;+ o tlhatlhoba diphilo le pelo.+ E kete nka bona pusoloso ya gago mo go bone, gonne ke senoletse wena kgetsi ya me ya molao.+ 21  Ka jalo Jehofa o buile jaana kgatlhanong le batho ba Anathothe+ ba ba batlang moya wa gago, a re: “O se ka wa porofeta ka leina la ga Jehofa,+ gore o se ka wa bolawa ke seatla sa rona”; 22  ka jalo Jehofa wa masomosomo o buile jaana: “Bonang, ke lebisa tlhokomelo ya me mo go bone. Makau ka boone a tla bolawa ka tšhaka.+ Bomorwaabone le bomorwadiabone ba tla bolawa ke leuba.+ 23  Mme ga ba na go nna le lesalela tota, ka gonne ke tla tlisa masetlapelo mo bathong ba Anathothe,+ mo ngwageng o ba tla elwang tlhoko ka one.”+

Dintlha Tse di Kwa Tlase