Isaia 8:1-22

8  Mme Jehofa a nthaya a re: “Itseele sekwalelo+ se segolo mme o kwale mo go sone ka pene e e setang ya motho yo o nang le go swa, o re, ‘Mahere-shalale-hashe-base.’  Mme mma ke supelwe+ ke basupi ba ba ikanyegang,+ moperesiti Uria+ le Sekarea morwa Jeberekia.”  Foo ka atamela moporofeti wa mosadi, mme a ima mme morago ga nako a belega ngwana wa mosimane.+ Jaanong Jehofa a nthaya a re: “Mo reye leina o re Mahere-shalale-hashe-base,  gonne e tla re mosimane a ise a itse go tlhaeletsa a re+ ‘Rre!’ le ‘Mme!’ mongwe o tla tsaya dikhumo tsa Damaseko le thopo ya Samarea fa pele ga kgosi ya Asiria.”+  Mme Jehofa a bua gape le nna, a re:  “Ka lebaka la gore setšhaba seno se ganne+ metsi a Shiloa+ a a elelang bonolo, mme go na le boitumelo+ ka ntlha ya Resine le morwa Remalia;+  ka jalo bona! Jehofa o ba tlhatlosetsa+ metsi a a maatla a mantsi a Noka,+ kgosi ya Asiria+ le kgalalelo ya gagwe yotlhe.+ Mme o tla tlhatlogela kwa godimo ga melatswana yotlhe ya gagwe a bo a feta kwa godimo ga dintshi tsotlhe tsa gagwe  a bo a tswelele pele go kgabaganya Juda. Mme o tla rwalelela a bo a fete.+ O tla fitlha fa molaleng.+ Mme o tla tsharolola diphuka+ tsa gagwe gore di tlale bophara jwa lefatshe la gago, wena Imanuele!”+  Utlwisang botlhoko, lona ditšhaba, lo tšhwetlakanngwe; sekegang tsebe lona lotlhe ba lo kwa dikarolong tse di kgakala tsa lefatshe!+ Ikgatlheng,+ mme lo tšhwetlakanngwe!+ Ikgatlheng, mme lo tšhwetlakanngwe! 10  Logang leano, mme le tla senngwa!+ Buang lefoko lepe fela, mme ga le kitla le ema, gonne Modimo o na le rona!+ 11  Gonne Jehofa o mpoleletse seno ka nonofo ya seatla, gore a tle a dire gore ke fapoge mo go tsamayeng mo tseleng ya batho bano, a re: 12  “Lo se ka lwa re, ‘Leano la boferefere!’ malebana le sotlhe se batho bano ba nnelang go bua ka sone ba re, ‘Leano la boferefere!’+ mme lo se ka lwa boifa se ba se boifang, le fa e le go roromisiwa ke sone.+ 13  Jehofa wa masomosomo—ke Ene yo lo tshwanetseng go mo tsaya a le boitshepo,+ mme lo tshwanetse go boifa ene,+ mme e nne Ene a lo roromisang.”+ 14  O tla nna jaaka lefelo le le boitshepo;+ mme mo matlong oomabedi a Iseraele o tla nna jaaka leje le le kgopang+ le jaaka lefika le le kgopang, a nne jaaka serai le seru mo banning ba Jerusalema.+ 15  Mme ba le bantsi mo go bone ruri ba tla kgopiwa mme ba we ba robege, ba raelwe ba bo ba tshwarwe.+ 16  Phuthelang bosupi,+ bayang sekano mo molaong mo gare ga barutwa ba me!+ 17  Mme ke tla nna ke lebeletse Jehofa,+ yo o subelang ntlo ya ga Jakobe+ sefatlhego sa gagwe, mme ke tla solofela mo go ene.+ 18  Bona! Nna le bana ba Jehofa a ba nneileng+ re ntse jaaka ditshupo+ le dikgakgamatso mo Iseraele go tswa kwa go Jehofa wa masomosomo, yo o nnang kwa Thabeng ya Siona.+ 19  Mme fa ba ka lo raya ba re: “Botsang ba ba buang le meya+ kgotsa ba ba nang le moya wa go bolelela pele ba ba tswirinyang+ e bile ba buela kwa tlase,” a setšhaba sepe ga se a tshwanela go botsa Modimo wa sone?+ [A go tshwanetse ga bodiwa] batho ba ba suleng go bolediwa batho ba ba tshelang?+ 20  Kwa molaong le kwa bosuping!+ Ruri ba tla nna ba bua se se tsamaisanang le polelo eno+ seo se se kitlang se nna le lesedi la bosa.+ 21  Mme mongwe le mongwe o tla feta go ralala naga a le mo pitlaganong e bile a tshwerwe ke tlala;+ mme go tla diragala gore ka gonne a tshwerwe ke tlala mme a ikgakaditse, ruri o tla hutsa kgosi ya gagwe le Modimo wa gagwe+ mme ruri o tla tlhodumela kwa godimo. 22  O tla leba mo lefatsheng, mme bonang! matshwenyego le lefifi,+ phifalo, dinako tse di thata le letobo le le se nang phatsimo.+

Dintlha Tse di Kwa Tlase