Isaia 52:1-15

52  Tsoga, tsoga, apara nonofo ya gago,+ wena Siona! Apara diaparo tsa gago tse dintle,+ wena Jerusalema, motse o o boitshepo!+ Gonne ga go kitla go tlhola go tla mo go wena mongwe yo o sa rupang le yo o seng phepa.+  Ikgophole mo loroleng,+ nanoga, nna fa fatshe, wena Jerusalema. Ipofolole dibofo tse di mo thamong, wena morwadia Siona+ yo o tshwerweng.  Gonne Jehofa o rile: “Lo ne lwa rekisediwa lefela,+ mme lo tla rekololwa kwantle ga madi.”+  Gonne Morena Molaodimogolo Jehofa o rile: “Batho ba me ba ne ba ya kwa Egepeto lekgetlo la ntlha go ya go aga teng e le baeng;+ mme Asiria o ne a ba gatelela kwantle ga lebaka.”  “Mme jaanong, ke kgatlhwa ke eng fano?” go bua Jehofa. “Gonne batho ba me ba ne ba tseelwa lefela.+ Bone bao ba ba busang ba ne ba nna ba bokolela,”+ go bua Jehofa, “mme ka metlha, letsatsi lotlhe, leina la me le ne le tlontlololwa.+  Ka lebaka leo batho ba me ba tla itse leina la me,+ ka lone lebaka leo mo letsatsing leo, ka gonne ke nna Yo o buang.+ Bona! Ke nna.”  A bo di le dintle jang ne mo dithabeng dinao+ tsa yo o tlisang dikgang tse di molemo,+ yo o itsiseng kagiso phatlalatsa,+ yo o tlisang dikgang tse di molemo tsa sengwe se se botoka,+ yo o itsiseng poloko phatlalatsa,+ yo o rayang Siona a re: “Modimo wa gago jaanong ke kgosi!”+  Reetsa! Balebeledi+ ba gago ba tsholeditse lentswe+ la bone. Ba nna ba goela gongwe ka boipelo; gonne ba tla iponela ka matlho+ fa Jehofa a busa Siona.+  Itumeleng, goelang gongwe ka boipelo, lona mafelo a a swafetseng a Jerusalema,+ gonne Jehofa o gomoditse batho ba gagwe;+ o rekolotse Jerusalema.+ 10  Jehofa o senotse lebogo la gagwe le le boitshepo fa pele ga matlho a ditšhaba tsotlhe;+ mme mafelelo otlhe a lefatshe a tla bona poloko ya Modimo wa rona.+ 11  Retologang, retologang, tswang koo,+ lo se ka lwa ama sepe se se seng phepa;+ tswang mo gare ga gagwe,+ ipolokeng lo le phepa, lona ba lo tshotseng dilwana tsa ga Jehofa.+ 12  Gonne lo tla tswa lo se mo letshogong lepe, e bile lo tla tsamaya lo sa tshabe.+ Gonne Jehofa o tla bo a tsamaya fa pele ga lona,+ mme Modimo wa Iseraele o tla nna setlhopha sa gago sa masole a a sireletsang kafa morago.+ 13  Bona! Motlhanka wa me+ o tla dira ka temogo.+ O tla bo a le mo maemong a a kwa godimo mme ruri o tla golediwa a bo a godisiwe fela thata.+ 14  Ka selekanyo se ba le bantsi ba neng ba mo rotoletse matlho ka sone ba gakgametse+—o ne a senyegile ponalo+ go feta motho ope o sele mme fa e le tlotlomalo+ ya gagwe e ne e senyegile go feta ya bomorwa batho— 15  o tla boifisa ditšhaba di le dintsi+ ka tsela e e tshwanang. Dikgosi di tla mo tswalela molomo,+ ka gonne ba tla bona se ba neng ba sa se anelwa, mme ba tla akanyetsa+ se ba neng ba sa se utlwa.

Dintlha Tse di Kwa Tlase