Isaia 49:1-26

49  Ntheetsang, lona ditlhaketlhake,+ lo tlhwaye tsebe, lona ditlhopha tsa ditšhaba tse di kgakala.+ Jehofa o mpiditse+ ke le mo sebopelong.+ O umakile leina la me+ ke le mo teng ga ga mmè.  Mme a dira molomo wa me jaaka tšhaka e e bogale.+ O mphitlhile+ mo moriting+ wa seatla sa gagwe. Mme ka iketlo o ne a ntira motswi o o phatsimisitsweng. O ne a mphitlha mo mokotlopong wa gagwe.  O ne a nthaya a re: “O motlhanka wa me, wena Iseraele,+ wena yo ke tla bontshang bontle jwa me mo go ene.”+  Mme fa e le nna, ke ne ka re: “Ke diretse ka natla lefela.+ Ke diriseditse maatla a me selo se e seng sa mmatota le lefela.+ Ruri katlholo ya me e mo go Jehofa,+ le dituelo tsa me di mo Modimong wa me.”+  Mme jaanong Jehofa, Yo o mpopang mo sebopelong ke le motlhanka wa gagwe,+ o rile ke busetse Jakobe kwa go ene,+ gore Iseraele a tle a phuthelwe kwa go ene.+ Mme ke tla galalediwa mo matlhong a ga Jehofa, mme Modimo wa me o tla bo a fetogile nonofo ya me.  Mme a re: “E ne e se kgang e e seng ya sepe fela gore o nne motlhanka wa me gore o tsose ditso tsa ga Jakobe le gore o buse ba ba dibetsweng ba Iseraele;+ gape ke go neile go nna lesedi la ditšhaba,+ gore poloko ya me e nne go ya fela kwa ntlheng ya lefatshe.”+  Seno ke se Jehofa, Morekolodi wa Iseraele,+ Moitshepi wa gagwe, a se reileng ene yo o nyaditsweng mo moyeng,+ ene yo o tlhoilweng ke ditšhaba,+ motlhanka wa babusi:+ “Dikgosi di tla bona mme di nanoge,+ le dikgosana, mme di tla ikoba, ka ntlha ya ga Jehofa, yo o ikanyegang,+ Moitshepi wa Iseraele, yo o go tlhophang.”+  Jehofa o rile: “Ke go arabile mo motlheng wa kamogelo,+ mme ke go thusitse mo letsatsing la poloko;+ ke ne ka nna ka go dibela gore ke tle ke go ntshe gore o nne kgolagano ya batho,+ go tsosolosa lefatshe,+ go dira gore ba boe gape ba nne le se se ruilweng boswa+ se se kgakgabetseng,  go raya magolegwa+ ke re, ‘Tswang!’+ go raya ba ba mo lefifing+ ke re, ‘Itshenoleng!’+ Ba tla fula mo ditseleng, mme mafulo a bone a tla nna mo ditselaneng tsotlhe tse di tsamaiwang thata.+ 10  Ga ba kitla ba tshwarwa ke tlala,+ e bile ga ba kitla ba tshwarwa ke lenyora,+ le fa e le go itewa ke mogote+ o o phaphalatsang kgotsa letsatsi. Gonne Yo o ba tlhomogelang pelo o tla ba etelela pele,+ mme o tla ba isa fa metsweding ya metsi.+ 11  Ke tla dira dithaba tsa me tsotlhe tsela, le ditsela tsa me tse dikgolo di tla bo di goletsegile.+ 12  Bona! Bano ba tla tla ba tswa kgakala,+ mme bona! bano ba tswa kwa bokone+ le kwa bophirima,+ le bano ba tswa kwa lefatsheng la Sinime.” 13  Ntshang selelo sa boitumelo, lona magodimo,+ o ipele, wena lefatshe.+ A dithaba di thame ka selelo sa boitumelo.+ Gonne Jehofa o gomoditse batho ba gagwe,+ mme o tlhomogela batho ba gagwe ba ba bogisiwang pelo.+ 14  Mme Siona a nna a re: “Jehofa o ntlogetse,+ Jehofa o ntebetse.”+ 15  A mosadi a ka lebala losea lwa gagwe lo lo anyang gore a bo a tlhoke go tlhomogela morwa wa sebopelo sa gagwe pelo?+ Le e leng basadi bano ba ka lebala,+ mme nna ga nkitla ke go lebala.+ 16  Bona! Ke go gabile mo magofing a me.+ Dipota tsa gago di fa pele ga me ka metlha.+ 17  Barwa ba gago ba itlhaganetse. Ba ba go rutlololang le ba ba go swafatsang ba tla tswa mo go wena. 18  Tsholeletsa matlho a gago mo tikologong yotlhe mme o bone. Botlhe ba phuthegile mmogo.+ Ba tlile kwa go wena. “Jaaka ke tshedile,” go bua Jehofa,+ “o tla ba apara botlhe jaaka e kete ke mekgabisa, mme o tla ba ipofelela jaaka monyadiwa.+ 19  Le fa o na le mafelo a a swafetseng le mafelo a a kgakgabetseng le lefatshe la marope a gago,+ le fa gone jaanong o pitlagane thata gore o ka nniwa, le ba ba go kometsang ba ne ba le kgakala,+ 20  le fa go ntse jalo barwa ba khutsafalo ya gago+ ba tla bua jaana mo ditsebeng tsa gago, ‘Lefelo leno le mpitlaganetse thata.+ A ko o ntirele bonno, gore ke nne.’+ 21  Mme ruri o tla bua mo pelong ya gago o re, ‘Ke mang yo o nnileng rraagwe bana bano mo boemong jwa me, e re ka ke le mosadi yo o amogilweng bana e bile ke le moopa, ke isitswe botshwarwa ka ba ka dirwa legolegwa?+ Fa e le bano, ke mang yo o ba godisitseng?+ Bona! Nna ke ne ke tlogetswe kwa morago ke le esi.+ Bano—ba ntse ba le kae?’”+ 22  Morena Molaodimogolo Jehofa o rile: “Bona! Ke tla tsholeletsa ditšhaba+ seatla sa me, le ditšhaba ke tla di tsholeletsa sesupo+ sa me. Ba tla tlisa bomorwao mo sehubeng, mme ba tla tshola bomorwadio+ mo legetleng. 23  Mme dikgosi di tla nna batlhokomedi ba gago,+ le bahumagadi ba tsone ba tla nna basadi ba ba go tlhokomelang. Ba tla go ikobela+ difatlhego tsa bone di lebile fa fatshe, mme ba tla latswa lorole+ lwa dinao tsa gago; mme o tla itse gore ke nna Jehofa, yo ba ba solofetseng mo go nna ba se kitlang ba ntlhabelwa ke ditlhong.”+ 24  A ba ba setseng ba tserwe ba ka tsewa mo monneng yo o thata,+ kgotsa a setlhopha sa batshwarwa sa mopatiki se ka falola?+ 25  Mme Jehofa o rile: “Tota le setlhopha sa batshwarwa sa monna yo o thata se tla tsewa,+ mme ba ba setseng ba tserwe ke mopatiki ba tla falola.+ Ke tla ganetsana le ope fela yo o ganetsanang le wena,+ le bomorwao ke tla ba boloka.+ 26  Ke tla dira gore ba ba go tshwarang setlhogo ba je nama ya bone; mme ba tla tagwa ke madi a bone fela jaaka ba tagwa ke beine e e monate. Mme nama yotlhe e tla tshwanelwa ke go itse gore nna, Jehofa,+ ke Mmoloki+ wa gago le Morekolodi+ wa gago, Yo o Maatla wa ga Jakobe.”+

Dintlha Tse di Kwa Tlase