Isaia 48:1-22

48  Utlwa seno, wena ntlo ya ga Jakobe, lona ba lo ipitsang ka leina la Iseraele+ le ba ba tswang mo metsing a Juda,+ lona ba lo ikanang ka leina la ga Jehofa+ le ba lo umakang leina la Modimo wa Iseraele,+ e se ka boammaaruri le fa e le ka tshiamo.+  Gonne ba ile ba ipitsa gore ba tswa kwa motseng o o boitshepo,+ mme ba itshegeditse ka Modimo wa Iseraele,+ yo leina la gagwe e leng Jehofa wa masomosomo.+  “Dilo tsa ntlha ke di boletse le eleng go tloga ka nako eo, mme di ne tsa tswa mo molomong wa me, ke ne ka nna ka dira gore di utlwiwe.+ Ka tshoganyetso ke ne ka tsaya kgato, mme dilo tseo tsa tsena.+  Ka go itse gore o thata+ le gore molala wa gago ke mosifa+ wa tshipi le phatla ya gago ke kgotlho,+  gape ke ne ka nna ka go bolelela go tloga ka nako eo. Pele ga go ka tsena, ke ne ka dira gore o go utlwe,+ gore o se ka wa re, ‘Modingwana wa me o di dirile, le setshwantsho sa me se se setilweng le setshwantsho sa me se se thetsweng di di laotse.’+  O utlwile.+ Go bone gotlhe.+ Fa e le lona, a ga lo kitla lo go bolela?+ Ke dirile gore lo utlwe dilo tse disha go tloga mo nakong eno, le tsone dilo tse di beetsweng kwa thoko, tse lo iseng lo di itse.+  Mo nakong eno di tshwanetse go bopiwa, mme e seng go tloga ka nako eo, le dilo tse lo neng lo sa di utlwa pele ga gompieno, gore lo se ka lwa re, ‘Bona! Ke ne ke setse ke di itse.’+  “Mo godimo ga moo, ga lo a utlwa,+ le fa e le go itse, le gone tsebe ya lona ga e a bulega go tloga ka nako eo go ya pele. Gonne ke itse sentle gore ruri o ne wa tswelela o dira ka boferefere,+ mme o biditswe ‘motlodi go tswa sebopelong.’+  Ke tla thiba bogale jwa me+ ka ntlha ya leina la me, mme ke tla ithiba mo go wena ka ntlha ya pako ya me gore o se ka wa kgaolwa.+ 10  Bona! Ke go itshekisitse, mme e seng jaaka selefera.+ Ke go tlhophile mo leubelong le le nyerolosang la pogisego.+ 11  Ke tla tsaya kgato ka ntlha ya me,+ ka ntlha ya me, gonne motho a ka itetla jang gore a itshepololwe?+ Mme ga nkitla ke naya ope o sele kgalalelo ya me.+ 12  “Ntheetsa, wena Jakobe, le wena Iseraele yo ke go biditseng. Ke ntse ke le ene Yoo.+ Ke nna wa ntlha.+ Mo godimo ga moo, ke nna wa bofelo.+ 13  Mo godimo ga moo, seatla sa me se ne sa thaya motheo wa lefatshe,+ le seatla sa me sa moja se ne sa phutholola magodimo.+ Ke biletsa kwa go one, gore a nne a eme mmogo.+ 14  “Phuthegang mmogo, lotlhe fela, mme lo utlwe.+ Ke mang mo gare ga bone yo o boletseng dilo tseno? Jehofa o mo ratile.+ O tla dira se a se ratang mo Babelona,+ le lebogo la gagwe le tla nna mo Bakaladieng.+ 15  Nna—e leng nna ke buile. Mo godimo ga moo, ke mmiditse.+ Ke mo tlisitse, mme tsela ya gagwe e tla atlegisiwa.+ 16  “Nkatamelang. Utlwang seno. Go tswa kwa tshimologong ga ke a bua mo lefelong la go iphitlha gotlhelele.+ Ke ntse ke le teng go simolola fa go diragala.” Mme jaanong Morena Molaodimogolo Jehofa o nthomile, le one moya+ wa gagwe. 17  Jehofa o buile jaana, Morekolodi+ wa gago, Moitshepi wa Iseraele:+ “Nna Jehofa, ke Modimo wa gago, Yo ke go rutang gore o solegelwe molemo,+ Yo ke dirang gore o gate mo tseleng e o tshwanetseng wa tsamaya mo go yone.+ 18  Fa fela o ne o ka tlhwaela ditaolo tsa me tsebe!+ Foo kagiso ya gago e ne e tla nna fela jaaka noka,+ le tshiamo ya gago jaaka makhubu a lewatle.+ 19  Mme bana ba gago ba ne ba tla nna fela jaaka moshawa, mme ditlogolwana tse di tswang mo teng ga gago di ne di tla nna jaaka ditlhaka tsa one.+ Leina la motho le ne le se kitla le kgaolwa kgotsa le nyelediwa fa pele ga me.”+ 20  Tsamayang, lo tswe mo Babelona!+ Tshabang Bakaladia.+ Bolelang le eleng ka modumo wa go goa ka boipelo, dirang gore seno se utlwiwe.+ Dirang gore se tswele le kwa ntlheng ya lefatshe.+ Lo re: “Jehofa o rekolotse Jakobe motlhanka wa gagwe.+ 21  Mme ga ba a ka ba tshwarwa ke lenyora+ fa a ne a ba tsamaisa mo mafelong a a swafetseng.+ O ne a ba eledisetsa metsi go tswa mo lefikeng, mme a fatsa lefika gore metsi a phothosele.”+ 22  “Ba ba boikepo ga ba na kagiso,”+ Jehofa o buile jalo.

Dintlha Tse di Kwa Tlase