Isaia 40:1-31

40  “Gomotsang, gomotsang batho ba me,” go bua Modimo wa lona.+  “Buang le pelo ya Jerusalema+ mme lo tlhaeletse kwa go ene gore tirelo ya gagwe ya sesole e diragaditswe,+ gore tlolo ya gagwe e dueletswe.+ Gonne o amogetse selekanyo se se tletseng sa maleo+ a gagwe otlhe mo seatleng sa ga Jehofa.”  Reetsang! Mongwe o tlhaeletsa a le kwa nageng:+ “Bulang tsela ya ga Jehofa!+ Tlhamalatsang tsela e kgolo ya Modimo wa rona e e ralalang lebala le le sekaka.+  A mokgatšha mongwe le mongwe o tsholediwe,+ le thaba nngwe le nngwe le thota nngwe le nngwe di kokobediwe.+ Mme lefatshe le le nang le ditotoma le nne lefatshe le le sebatla, le mmu o o makgwakgwa o nne lebala la mokgatšha.+  Ruri kgalalelo ya ga Jehofa e tla senolwa,+ mme nama yotlhe e tla e bona mmogo,+ gonne molomo wa ga Jehofa o go buile.”+  Reetsa! Mongwe a re: “Tlhaeletsa!”+ Mme yo mongwe a re: “Ke tla tlhaeletsa ke reng?” “Nama yotlhe ke bojang jo botala, le bopelonomi jotlhe jwa bone bo tshwana le sethunya sa naga.+  Bojang jo botala bo omeletse,+ sethunya se swabile, ka gonne moya wa ga Jehofa o fokile mo go sone.+ Eleruri batho ke bojang jo botala.+  Bojang jo botala bo omeletse, sethunya se swabile;+ mme fa e le lefoko la Modimo wa rona, le tla nna ka bosakhutleng.”+  Tlhatlogela le eleng kwa thabeng e e kwa godimo,+ wena mosadi yo o tlisetsang Siona+ dikgang tse di molemo. Tsholetsa lentswe la gago ka maatla, wena mosadi yo o tlisetsang Jerusalema+ dikgang tse di molemo. Le tsholetse. O se ka wa boifa.+ Raya metse ya Juda o re: “Modimo wa lona ke yo.”+ 10  Bona! Morena Molaodimogolo Jehofa o tla tla jaaka yo o nonofileng, le lebogo la gagwe le tla bo le busa mo boemong jwa gagwe.+ Bona! Maduo a gagwe a na le ene,+ le tuelo e a e duelang e fa pele ga gagwe.+ 11  O tla disa motlhape wa gagwe+ jaaka modisa. O tla phutha dikwanyana mmogo ka lebogo la gagwe;+ mme o tla di tshola mo sehubeng sa gagwe.+ Tse di amusang o tla di etelela pele ka tlhoko.+ 12  Ke mang yo o lekantseng metsi mo legofing fela la seatla sa gagwe,+ mme a lekanya magodimo ka paralatso ya seatla+ fela mme a tsenya lorole lwa lefatshe+ mo selekanyong, kgotsa a lekanya dithaba ka selekanyi, le dithota ka sekale? 13  Ke mang yo o lekantseng moya wa ga Jehofa, mme ke mang yo o ka dirang gore a itse sengwe+ jaaka motho yo o mo gakololang? 14  O ne a gakololana le mang gore a dire gore a tlhaloganye, kgotsa ke mang yo o mo rutang tselana ya tshiamiso, kgotsa yo o mo rutang kitso,+ kgotsa yo o dirang gore a itse tsela ya go tlhaloganya ga mmatota?+ 15  Bona! Ditšhaba di ntse jaaka lerothodi le le tswang mo kgamelong; mme di kailwe jaaka lorole mo sekaleng.+ Bona! O tsholetsa ditlhaketlhake+ jaaka lorole lo lo boleta fela. 16  Le yone Lebanona ga e a lekana go dira gore molelo o tswelele o ntse o tuka, le diphologolo tsa yone tsa naga+ ga di a lekana go nna tshupelo e e fisiwang.+ 17  Ditšhaba tsotlhe di ntse jaaka sengwe se se seyong fa pele ga gagwe;+ ba kailwe ba se sepe e bile ba le selo se e seng sa mmatota mo go ene.+ 18  Mme lo ka tshwantsha Modimo le mang,+ le gone ke setshwano sefe se lo ka mmapisang le sone?+ 19  Modiri yo o setswerere o thetse setshwantsho fela se se thetsweng,+ mme mothudi wa tshipi o se manega gouta,+ mme o thula+ dikeetane tsa selefera. 20  O tlhopha+ setlhare sengwe jaaka moneelo, setlhare se se sa bolang. O ipatlela modiri yo o setswerere, gore a dire setshwantsho+ se se setilweng se se ka se kang sa reketlisiwa.+ 21  A ga lo itse? A ga lo utlwe? A ga lo a bolelelwa go tswa kwa tshimologong? A ga lo a dirisa tlhaloganyo go tloga kwa metheong ya lefatshe?+ 22  Go na le Yo o nnang kwa godimo ga kgolokwe ya lefatshe,+ e ba ba nnang mo go yone ba ntseng jaaka ditsiakgope, Yo o phuthololang magodimo fela jaaka letsela le le letsatsa, yo o a tsharololang jaaka mogope o go nniwang mo go one,+ 23  Yo o dirang gore badiredi ba bagolo ba se tlhole e le sepe, yo o dirileng gore baatlhodi ba lefatshe ba nne selo se e seng sa mmatota.+ 24  Ga ba ise ba lengwe; ga ba ise ba jalwe; sesana sa bone ga se ise se tlhoge medi mo lefatsheng.+ Motho o tlhoka fela gore a ba budulele mme ba tla omelela;+ mme phefo ya matsubutsubu e tla ba phaila+ jaaka serite. 25  “Mme lo ka ntshwantshanya le mang gore ke lekanngwe le ene?” go bua Moitshepi.+ 26  “Tsholeletsang matlho a lona kwa godimo lo bone. Ke mang yo o bopileng dilo tseno?+ Ke Ene yo o tlisang masomosomo a tsone ka palo, a di bitsa tsotlhe ka maina.+ Ka ntlha ya bogolo jwa maatla a a boitshegang,+ le ka go bo a na le nonofo e kgolo, ga go le fa e le nngwe ya tsone e e tlhaelang. 27  “Wena Jakobe, ke ka ntlha yang fa o re, ee wena Iseraele, ke ka ntlha yang fa o bua o re, ‘Tsela ya me e fitlhetswe Jehofa,+ le tshiamiso ya me Modimo wa me ga a e lemoge’?+ 28  A ga o ise o itse kgotsa ga o ise o utlwe?+ Jehofa, Mmopi wa dintlha tsa lefatshe, ke Modimo ka bosakhutleng.+ Ga a lape le fa e le go felelwa ke nonofo.+ Tlhaloganyo ya gagwe ga e ka ke ya hukudiwa.+ 29  O naya yo o lapileng maatla;+ le yo o se nang maatla a a boitshegang+ o dira gore a totelwe ke thata e e feletseng. 30  Basimane ba tla lapa le go felelwa ke nonofo, le makau a tla kgopiwa, 31  mme ba ba solofetseng+ mo go Jehofa ba tla nna le maatla gape.+ Ba tla tlhatlogela kwa godimo ka diphuka jaaka bontsu.+ Ba tla siana mme ga ba kitla ba lapa; ba tla tsamaya mme ga ba kitla ba felelwa ke nonofo.”+

Dintlha Tse di Kwa Tlase