Isaia 34:1-17

34  Atamelang, lona ditšhaba, gore lo utlwe;+ le lona ditlhopha tsa ditšhaba,+ tlhwayang tsebe. A lefatshe le se se tletseng mo go lone le reetse,+ naga e e ungwang+ le maungo otlhe a yone.+  Gonne Jehofa o galefetse ditšhaba tsotlhe,+ e bile o shakgaletse masole+ otlhe a tsone. O tla di senya; o tla di isa polaong.+  Mme babolaiwa ba tsone ba tla latlhelwa kwa ntle; mme fa e le ditoto tsa tsone, sebodu sa tsone se tla tlhatloga;+ mme dithaba di tla gakologa ka ntlha ya madi a bone.+  Botlhe ba lesomosomo la magodimo ba tla bola.+ Le magodimo a tla menwa,+ fela jaaka lokwalo lwa momeno; mme masole a bone a tla tlhotlhorega otlhe, fela jaaka matlhare a swaba mo mofineng le jaaka mofeige o o swabileng mo setlhareng sa mofeige.+  “Gonne tšhaka+ ya me ruri e tla kolobediwa kwa magodimong. Bona! E tla fologela mo Edoma,+ le mo bathong ba ke ba neeletseng tshenyego+ ka tshiamiso.  Jehofa o na le tšhaka; e tla tlala madi;+ e tla tshutshumisiwa ka mafura, ka madi a diphelefu tse di potlana le diphoko, ka mafura+ a diphilo tsa diphelefu. Gonne Jehofa o na le setlhabelo kwa Bosera, le polao e kgolo kwa lefatsheng la Edoma.+  Mme dipoo tsa naga+ di tla wa le bone, dipowana le ba ba maatla;+ mme lefatshe la bone le tla kolobediwa ka madi, le lorole lwa bone lo tla tshutshumisiwa ka mafura.”+  Gonne Jehofa o na le letsatsi la pusoloso,+ ngwaga wa ditefetso tsa kgetsi ya molao ya Siona.+  Mme melatswana ya gagwe e e phothoselang e tla fetolwa boka, le lorole lwa gagwe sulefera; mme lefatshe la gagwe le tla nna jaaka boka jo bo tukang.+ 10  Ga le kitla le timiwa bosigo le fa e le motshegare; mosi wa lone o tla nna o tlhatloga ka bosakhutleng.+ Go tloga kokomaneng e nngwe go ya go e nngwe o tla phaphalala;+ ka bosaengkae le go ya go ile ga go na ope yo o tla fetang go mo ralala.+ 11  Mme kukara le noko di tla mo rua, le merubisi e e ditsebe ditelele le magakabe a tla aga mo go ene;+ mme o tla otlolola thapo e e lekanyang+ ya lolea le maje a kgakgabalo mo godimo ga gagwe. 12  Batlotlegi ba gagwe—ga go na bape teng ba ba tla ba biletsang kwa bogosing, le dikgosana tsa gagwe tsotlhe di tla fetoga lefela.+ 13  Mebitlwa e tla tlhoga mo ditoreng tsa gagwe tsa bonno, sebabetsane le mefero e e mitlwa mo mafelong a gagwe a a sireletsegileng;+ mme o tla nna lefelo la bonno la bophokoje,+ lolwapa lwa bontšhe.+ 14  Mme banni ba dikgaolo tse di se nang metsi ba tla rakana le diphologolo tse di bokolelang, le ledimona la sekapodi+ le tla bitsa molekane wa lone. Ee, ubane o tla bona boiketlo koo a bo a bone lefelo la boikhutso.+ 15  Noga e e tlolelang e dirile sentlhaga sa yone e bile e baya mae koo, mme e tla a thuba e bo e di phuthela mmogo kafa tlase ga moriti wa yone. Ee, bomankgodi+ ba tla phuthega mmogo koo, mongwe le mongwe le molekane wa gagwe. 16  Ipatleleng mo bukeng+ ya ga Jehofa mme lo balele kwa godimo: ga go na epe ya tsone e e tlhaelang;+ nngwe le nngwe ga e tlhoke molekane, gonne molomo wa ga Jehofa ke one o o ntshitseng taelo,+ e bile ke moya wa gagwe o o di phuthileng mmogo.+ 17  Gape ke Ene a di latlhetseng bola, mme seatla sa gagwe se di kgaoganyeditse lefelo ka thapo e e lekanyang.+ Di tla le rua ka bosakhutleng; di tla aga mo go lone kokomana morago ga kokomana.

Dintlha Tse di Kwa Tlase