Isaia 31:1-9

31  A bo go latlhega ba ba fologelang kwa Egepeto ba batla thuso,+ ba ba ikanyang dipitse+ fela, le ba ba ikanyang dikara tsa ntwa,+ ka gonne di dintsi, le dipitse tsa ntwa, ka gonne di na le maatla a magolo thata, mme ba sa leba kwa Moitsheping wa Iseraele e bile ba sa batla Jehofa ka boene.+  Mme gape o botlhale+ e bile o tla tlisa masetlapelo,+ mme ga a a busetsa mafoko a gagwe kwa morago;+ ruri o tla tsogologela ntlo ya badirabosula+ le thuso ya ba ba dirang se se utlwisang botlhoko.+  Le fa go ntse jalo, Baegepeto ke batho ba mo lefatsheng,+ ga se Modimo; le dipitse tsa bone ke nama,+ ga se moya. Jehofa o tla otlolola seatla sa gagwe, mme yo o thusang o tla kgotšwa, le yo o thusiwang o tla wa,+ mme ba tla khutla botlhe ka nako e le nngwe.  Gonne Jehofa o ntheile a re: “Fela jaaka tau e duma, tawana e e seriri,+ ka ntlha ya se e se tsomang, fa e bileditswe badisa ba palo e e feletseng, ga e kitla e tshosiwa ke lentswe la bone e bile ga e kitla e inama ka ntlha ya modumo wa bone; ka tsela e e tshwanang Jehofa wa masomosomo o tla lwela Thaba ya Siona le thota ya gagwe.+  Jaaka dinonyane tse di fofang, Jehofa wa masomosomo o tla femela Jerusalema fela jalo.+ O tla mo femela a bo a mo golole.+ O tla mo rekegela a bo a mo falotse.”  “Boang,+ lo boele kwa go Yo bomorwa Iseraele ba mo tlhanogetseng thata.+  Gonne mo letsatsing leo mongwe le mongwe wa bone o tla latlha medimo ya gagwe e e se nang mosola ya selefera le medimo ya gagwe e e se nang mosola ya gouta,+ e diatla tsa lona di e itiretseng e le boleo.+  Mme Moasiria o tla wa ka tšhaka, e seng ya motho; mme tšhaka, e e seng ya motho wa mo lefatsheng, e tla mo laila.+ Mme o tla tshaba ka ntlha ya tšhaka, le makau a gagwe a tla patelediwa go dira tiro e e boima.  Mme lefika la gagwe le legolo le tla feta ka ntlha ya letshogo le legolo, le dikgosana tsa gagwe di tla tshosiwa ke sesupo,”+ go bua Jehofa, yo lesedi la gagwe le leng kwa Siona le yo leubelo+ la gagwe le leng kwa Jerusalema.

Dintlha Tse di Kwa Tlase