Isaia 26:1-21

26  Mo letsatsing leo+ go tla opelwa+ pina eno mo lefatsheng la Juda:+ “Re na le motse o o nonofileng.+ O baya poloko go nna dipota le lorako lwa phemelo.+  Bulang dikgoro,+ gore setšhaba se se siameng se se itshwarang ka boikanyego se tsene.+  O tla dibela mokgwa o o tshegeditsweng sentle ka kagiso e e tswelelang pele,+ ka gonne motho o dirwa gore a go ikanye.+  Ikanyeng Jehofa+ ka bosakhutleng, gonne Jah Jehofa ke Lefika+ la bosakhutleng.  “Gonne o isitse kwa tlase ba ba nnang kwa bogodimong,+ motse o o goleditsweng.+ O a o kokobetsa, o o kokobeletsa mo lefatsheng; o o kgomisa lorole.+  Lonao lo tla o gataka, dinao tsa yo o bogisiwang, dikgato tsa batho ba maemo a a kwa tlase.”+  Tselana ya mosiami ke thokgamo.+ E re ka o thokgame, o tla rethefatsa tsela ya mosiami.+  Ee, re solofetse mo go wena+ ka ntlha ya tselana ya dikatlholo tsa gago, wena Jehofa. Moya o ntse o eletsa+ leina la gago le segopotso+ sa gago.  Ke ntse ke go eletsa ka moya wa me bosigo;+ ee, ke nna ke go batla+ ka moya wa me; ka gonne, fa go na le dikatlholo tse di tswang kwa go wena tsa lefatshe,+ banni ba naga e e ungwang ruri ba tla ithuta+ tshiamo.+ 10  Le fa moikepi a ka utlwelwa botlhoko, ruri ga a kitla a ithuta tshiamo.+ Mo lefatsheng la tshiamo o tla dira ka tshiamololo+ mme ga a kitla a bona tlotlomalo ya ga Jehofa.+ 11  Wena Jehofa, seatla sa gago se kwa godimo,+ mme ga ba se bone.+ Ba tla bona tlhoafalo ya batho ba gago e bo e ba tlhabisa ditlhong.+ Ee, molelo+ wa baba ba gago o tla ba laila. 12  Wena Jehofa, o tla re laolela kagiso,+ ka gonne o re diretse ditiro tsa rona tsotlhe.+ 13  Wena Jehofa Modimo wa rona, beng ba bangwe kwa ntle ga gago ba itirile beng ba rona.+ Ke ka wena fela re tla umakang leina la gago.+ 14  Ba sule; ga ba kitla ba tshela.+ Ka go bo ba se na maatla mo losong,+ ga ba kitla ba nanoga.+ Ka gone o lebisitse tlhokomelo ya gago gore o ba nyeletse o senye go umakiwa gotlhe ga bone.+ 15  O okeditse setšhaba; wena Jehofa, o okeditse setšhaba;+ o ikgalaleditse.+ O katoseditse melelwane yotlhe ya lefatshe+ kgakala. 16  Wena Jehofa, ba ile ba lebisa tlhokomelo ya bone kwa go wena+ fa ba le mo matshwenyegong; ba ile ba gorometsa thapelo ka go sebaseba fa o ba otlhaya.+ 17  Fela jaaka mosadi yo o moimana a atamela go belega, a nna le ditlhabi tsa pelegi, a goa ka ntlha ya ditlhabi tsa gagwe tsa pelegi, le rona re ntse jalo ka ntlha ya gago, wena Jehofa.+ 18  Re imile, re nnile le ditlhabi tsa pelegi;+ go ntse jaaka e kete re belege phefo. Ga go na poloko epe ya mmatota e re e diragatsang malebana le lefatshe, e bile ga go na banni bape ba naga e e ungwang ba ba tsholwang.+ 19  “Baswi ba gago ba tla tshela.+ Ditopo tsa rona—di tla tsoga.+ Tsogang lo goe ka boipelo, lona banni ba ba mo loroleng!+ Gonne monyo wa lona+ o tshwana le monyo wa morogo,+ mme lefatshe le tla letla le ba ba se nang maatla mo losong gore ba tsholwe.+ 20  “Tsamayang, batho ba me, tsenang mo diphaposing tsa lona tse di kwa teng, lo tswale dikgoro fa lo sena go tsena.+ Lo iphitlhe ka nakwana fela go fitlha katlholo e feta.+ 21  Gonne bonang! Jehofa o tswa mo lefelong la gagwe go tla go sekisa tlolo ya monni wa lefatshe,+ mme lefatshe ruri le tla baya tshololo ya gagwe ya madi+ mo pontsheng mme ga le kitla le tlhola le bipa ba ba bolailweng ba lone.”+

Dintlha Tse di Kwa Tlase