Isaia 23:1-18

23  Polelo ya Ture:+ Bokolelang, lona dikepe tsa Tareshishe!+ gonne e thopilwe gore e se ka ya nna boemakepe, gore e se ka ya nna lefelo le go tsenwang mo go lone.+ Di senoletswe seno go tswa kwa lefatsheng la Kitime.+  Didimalang, lona banni ba lefatshe le le fa losing lwa lewatle. Bagwebi ba Sidona,+ ba ba kgabaganyang lewatle—ba go tladitse.  Mme peo ya Shihore+ e ntse e le mo metsing a mantsi, thobo ya Nile, lotseno lwa gagwe; mme ya nna poelo ya ditšhaba.+  Tlhajwa ke ditlhong, wena Sidona;+ ka gonne lewatle, wena kago e e thata ya lewatle, le rile: “Ga ke ise ke nne le ditlhabi tsa pelegi, e bile ga ke ise ke belege, le fa e le go godisa makau, le go godisa makgarebane.”+  Fela jaaka fa go ne go begwa malebana le Egepeto,+ batho ba tla nna mo ditlhabing tse di botlhoko thata fela jalo fa go begwa ka Ture.+  Kgabaganyetsang kwa Tareshishe; bokolelang, lona banni ba lefatshe le le fa losing lwa lewatle.  A ono ke motse wa lona o o neng o itumetse go tloga metlheng ya bogologolo, go tloga metlheng ya gagwe ya bogologolo? Dinao tsa gagwe di kile tsa bo di mo isa kgakala go ya go aga e le moeng.  Ke mang yo o ntshitseng tshwetso+ eno kgatlhanong le Ture, yo o rwesang dirwalo, yo bagwebi ba gagwe e neng e le dikgosana, yo bagwebi ba gagwe e neng e le batlotlegi ba lefatshe?+  Jehofa wa masomosomo o ntshitse tshwetso+ eno, gore a itshepolole boikgogomoso jwa bontle+ jotlhe, a tshware batlotlegi botlhe ba lefatshe ka lenyatso.+ 10  Kgabaganya lefatshe la gago jaaka Noka ya Nile, wena morwadia Tareshishe.+ Ga go tlhole go na le lefelo la go direla dikepe.+ 11  O otlololetse seatla sa gagwe mo godimo ga lewatle; o dirile gore magosi a fuduege.+ Jehofa ka boene o ntshitse taolo kgatlhanong le Fonikia, gore a nyeletse dikago tsa gagwe tse di thata.+ 12  Mme a re: “O se ka wa tlhola o itumela+ gape, wena yo o gateletsweng, morwadia Sidona+ wa kgarebane. Nanoga, kgabaganyetsa kwa Kitime.+ Le gone koo ga o na go bona boikhutso.” 13  Bona! Lefatshe la Bakaladia.+ Se ke sone setšhaba—Asiria+ ga e a ka ya nna sone—a e thaetse banni ba mo sekakeng.+ Ba tlhomile ditora tsa bone tsa go tlhasela;+ ba thukuthile ditora tsa gagwe tsa bonno;+ mongwe o mo dirile marope a a wang.+ 14  Bokolelang, lona dikepe tsa Tareshishe, gonne kago ya lona e e thata e thopilwe.+ 15  Mme go tla diragala gore mo letsatsing leo Ture a lebalwe dingwaga di le masome a supa,+ fela jaaka malatsi a kgosi e le nngwe. Kwa bokhutlong jwa dingwaga di le masome a supa Ture o tla diragalelwa jaaka mo pineng ya seaka: 16  “Tsaya harepa, tsamayatsamaya go dikologa motse, wena seaka se se lebetsweng.+ Dira bojotlhe jwa gago fa o letsa megala; ntsifatsa dipina tsa gago gore o tle o gopolwe.” 17  Mme go tla diragala kwa bokhutlong jwa dingwaga di le masome a supa gore Jehofa a lebise tlhokomelo ya gagwe kwa Ture, mme Ture o tla boela kwa tuelong+ ya gagwe a bo a dire boaka le magosi otlhe a lefatshe mo godimo ga lefatshe.+ 18  Mme poelo ya gagwe le tuelo+ ya gagwe di tla nna sengwe se se boitshepo mo go Jehofa. Ga e kitla e bolokwa, le fa e le go bewa, ka gonne tuelo ya gagwe e tla nna ya ba ba nnang fa pele ga ga Jehofa,+ gore ba je ba kgore ba bo ba apare diaparo tse dintle.+

Dintlha Tse di Kwa Tlase