Hosea 5:1-15

5  “Utlwang seno, lona baperesiti,+ mme lo tlhwaye tsebe, lona ba ntlo ya Iseraele, le lona, lona ba ntlo ya kgosi,+ sekegang tsebe, gonne katlholo eno e ama lona; ka gonne lo fetogile serai+ mo go Misepa e bile lo ntse jaaka letlowa le le tsharolotsweng mo godimo ga Tabore.+  Ba ba wang ba tsene kwa teng mo tirong ya go tlhaba,+ mme ke ne ke le kgothatso mo go bone botlhe.+  Nna ka namana ke itsile Eferaime,+ mme Iseraele ka boyone e ne e sa mphitlhegela.+ Gonne jaanong, wena Eferaime, o ile wa tshwara basadi jaaka diaka;+ Iseraele e iteswafaditse.+  Ditiro tsa bone ga di ba letle go boela kwa Modimong wa bone,+ ka gonne go na le moya wa kgokafalo+ mo gare ga bone; mme Jehofa ga ba a ka ba mo tsaya tsia.+  Go ikgogomosa ga Iseraele go ne ga itshupa mo sefatlhegong sa gagwe;+ Iseraele le Eferaime ba dirwa gore ba kgotšwe mo tlolong ya bone.+ Juda le ene o kgopilwe le bone.+  Ba ne ba tsamaya ka letsomane la bone le motlhape wa bone ba ya go batla Jehofa, mme ga ba a ka ba mmona.+ O ne a ba katogile.  Ba diretse Jehofa ka boferefere,+ gonne ba ne ba nna borraagwe barwa ba sele.+ Jaanong kgwedi e tla ba kometsa mmogo le dikabelo tsa bone.+  “Letsang lonaka+ mo Gibea,+ terompeta mo Rama! Kuang mokgosi wa ntwa kwa Bethe-afene+—kwa morago ga gago, wena Benjamine!+  Wena Eferaime, o tla nna selo fela sa go akabalelwa mo letsatsing la kgalemo.+ Ke itsisitse mafoko a a ikanyegang+ mo gare ga ditso tsa Iseraele. 10  Dikgosana tsa Juda di ntse fela jaaka ba ba busetsang molelwane kwa morago.+ Ke tla tshela tšhakgalo ya me mo godimo ga bone fela jaaka metsi. 11  Eferaime o gateletswe, o thubagantswe ka tshiamiso,+ gonne o ne a itlhophela go sala mmaba wa gagwe morago.+ 12  Mme ke ne ke ntse jaaka motoutwane+ mo go Eferaime le jaaka sebodu mo ntlong ya Juda. 13  “Mme Eferaime a bona go bobola ga gagwe, le Juda tlhagala ya gagwe.+ Eferaime a ya Asiria+ mme a roma kwa kgosing e kgolo.+ Mme yoo o ne a se ka a kgona go lo fodisa,+ o ne a se ka a kgona go tlosa tlhagala mo go lona ka kalafi epe.+ 14  Gonne ke tla nna jaaka tawana mo go Eferaime+ le jaaka tawana e e seriri mo ntlong ya Juda. Nna, e leng nna, ke tla gagoganya ke bo ke tsamaya ke ya go tsaya, mme ga go kitla go nna le mogolodi ope.+ 15  Ke tla tsamaya, ke tla boela kwa lefelong la me go fitlha ba sikara molato wa bone;+ ruri ba tla batla sefatlhego sa me.+ Fa ba le mo mathateng a magolo,+ ba tla mpatla.”+

Dintlha Tse di Kwa Tlase