Genesise 6:1-22

6  Jaanong go ne ga diragala gore fa batho ba ne ba simolola go oketsega ka palo mo godimo ga lefatshe e bile ba tshola bana ba basetsana,+  foo bomorwa Modimo wa boammaaruri+ ba simolola go bona+ bomorwadia batho, gore ba ne ba le bantle; mme ba itseela basadi, e leng, botlhe ba ba neng ba ba tlhopha.  Morago ga moo Jehofa a re: “Moya wa me+ ga o kitla o itshokela motho ka bosakhutleng+ ka gore le ene ke nama.+ Ka jalo malatsi a gagwe a tla fitlha go dingwaga di le lekgolo le masome a mabedi.”+  Banefilime ba ne ba le mo lefatsheng mo metlheng eo, mme gape morago ga moo, fa bomorwa Modimo wa boammaaruri ba ne ba robala le bomorwadia batho mme ba ba tsholela bana ba basimane, e ne e le ba ba thata ba bogologolo, banna ba ba tumileng.  Ka gone Jehofa o ne a bona gore bosula jwa motho bo ne bo le bogolo mo lefatsheng le tshekamelo+ nngwe le nngwe ya dikakanyo tsa pelo ya gagwe e ne e le bosula fela ka dinako tsotlhe.+  Mme Jehofa a ikutlwa a ikwatlhaya+ go bo a dirile batho mo lefatsheng, a utlwa botlhoko mo pelong.+  Ka jalo Jehofa a re: “Ke tlile go nyeletsa batho ba ke ba bopileng+ ke ba tlosa mo godimo ga lefatshe, go simolola ka motho go fitlha ka seruiwa, go fitlha ka phologolo e e tsamayang le go fitlha ka sebopiwa se se fofang sa magodimo,+ ka gonne tota ke a ikwatlhaya go bo ke di dirile.”+  Mme Noa a bona kamogelo mo matlhong a ga Jehofa.  Eno ke polelo ya botshelo jwa ga Noa. Noa e ne e le monna yo o siameng.+ O ne a itshupa a se na molato mo gare ga ba ba neng ba tshela ka nako ya gagwe. Noa o ne a tsamaya le Modimo wa boammaaruri.+ 10  Fa nako e ntse e tsamaya Noa a nna le bana ba le bararo ba basimane, Sheme, Hame le Jafethe.+ 11  Mme lefatshe le ne la senyega mo ponong ya Modimo wa boammaaruri,+ gape lefatshe le ne la tlala thubakanyo.+ 12  Ka jalo Modimo a leba lefatshe mme, bona! le ne le senyegile,+ ka gonne nama yotlhe e ne e sentse tsela ya yone mo lefatsheng.+ 13  Morago ga moo Modimo a raya Noa a re: “Bokhutlo jwa nama yotlhe bo tlile fa pele ga me,+ ka gonne lefatshe le tletse thubakanyo ka ntlha ya bone; mme bona, ke a ba senya mmogo le lefatshe.+ 14  Itirele araka ka dikgong tsa setlhare sa boroku.+ O dire diphaposana mo arakeng, mme o e bipe ka tere+ kafa teng le kafa ntle. 15  Mme eno ke tsela e o tla e dirang ka yone: boleele jwa araka e nne dikubita di le makgolo a le mararo,+ boatlhamo jwa yone dikubita di le masome a matlhano, mme bogodimo jwa yone dikubita di le masome a mararo. 16  O direle araka tsoʹhar [borulelo; kgotsa, fensetere], mme o e wetse gore go sale selekanyo sa kubita go ya kwa godimo, mme o beye kgoro ya araka kafa letlhakoreng la yone;+ o e dire gore e nne le letlhatlaganyane le le kwa tlase, letlhatlaganyane la bobedi le letlhatlaganyane la boraro. 17  “Mme fa e le nna, bona, ke tlisa morwalela+ wa metsi mo lefatsheng gore ke senye nama yotlhe kafa tlase ga magodimo e maatla a botshelo+ a dirang mo go yone. Sengwe le sengwe se se mo lefatsheng se tla swa.+ 18  Mme ke tlhomamisa kgolagano ya me le wena; mme o tsene mo teng ga araka, wena le bomorwao le mosadi wa gago le basadi ba bomorwao ba na le wena.+ 19  Mme sebopiwa sengwe le sengwe se se tshelang sa nama ya mofuta mongwe le mongwe,+ di le pedi tsa sengwe le sengwe sa tsone, o tla di tsenya mo teng ga araka gore o di boloke di tshela mmogo le wena. Di tla nna e tonanyana le e namagadi. 20  Dibopiwa tse di fofang kafa mefuteng ya tsone le diruiwa kafa mefuteng ya tsone, diphologolo tsotlhe tse di tsamayang tsa lefatshe kafa mefuteng ya tsone,+ di le pedi tsa sengwe le sengwe sa tsone di tla tsena di ya koo kwa go wena gore o di boloke di tshela.+ 21  Mme wena, itseele dijo tsa mofuta mongwe le mongwe tse di jewang;+ o di phuthele kwa go wena, mme e tla nna dijo tsa gago le tsa tsone.”+ 22  Noa a dira kafa go sotlhe se Modimo a neng a se mo laetse. A dira fela jalo.+

Dintlha Tse di Kwa Tlase