Genesise 3:1-24

3  Jaanong noga+ ya itshupa e le botlhajana+ thata mo dibataneng tsotlhe tsa naga tse Jehofa Modimo a di dirileng.+ Ka jalo ya raya mosadi+ ya re: “A tota go ntse jalo gore Modimo o rile lo se ka lwa ja mo setlhareng sengwe le sengwe sa tshingwana?”+  Foo mosadi a raya noga a re: “Re ka ja+ leungo la ditlhare tsa tshingwana.  Mme fa e le go ja leungo la setlhare se se fa gare ga tshingwana,+ Modimo o rile, ‘Lo se ka lwa ja mo go sone, nnyaa, lo se ka lwa se ama gore lo se ka lwa swa.’”+  Foo noga ya raya mosadi ya re: “Ruri ga lo kitla lo swa.+  Gonne Modimo o a itse gore mo go lone letsatsi le lo jang mo go sone ka lone ruri matlho a lona a tla bulega mme lo tla tshwana le Modimo, lo itse molemo le bosula.”+  Ka gone mosadi a bona fa setlhare se le molemo go ka jewa le gore e ne e le selo se se eletsegang mo matlhong, ee, setlhare se ne se eletsega go lejwa.+ Ka jalo a tsaya leungo la sone mme a le ja. Morago ga moo a le naya le monna wa gagwe fa a ne a na le ene mme a le ja.+  Foo matlho a bone boobabedi a bulega mme ba lemoga gore ba ne ba sa ikatega.+ Mme ba rokaganya matlhare a difeige ba itirela dilo tse ba ipipang matheka ka tsone.+  Moragonyana ba utlwa lentswe la ga Jehofa Modimo a tsamaya mo tshingwaneng mo e ka nnang ka nako ya go foka ga phefonyana ya letsatsi leo,+ mme monna le mosadi wa gagwe ba ya go iphitlhela sefatlhego sa ga Jehofa Modimo mo gare ga ditlhare tsa tshingwana.+  Jehofa Modimo a nna a bitsa monna a mo raya a re: “O fa kae?”+ 10  La bofelo a re: “Ke ne ka utlwa lentswe la gago mo tshingwaneng, mme ke ne ke boifa ka gonne ke ne ke sa ikatega mme ka jalo ka iphitlha.”+ 11  Foo a re: “Ke mang yo o go boleletseng gore ga o a ikatega?+ A o jele mo setlhareng se ke go laetseng gore o se ka wa ja mo go sone?”+ 12  Mme monna a tswelela a re: “Mosadi yo o mo nneileng gore a nne le nna, o ne a nnaya leungo le le tswang mo setlhareng mme ka ja.”+ 13  Foo Jehofa Modimo a raya mosadi a re: “Ke eng seno se o se dirileng?” Mosadi a fetola a re: “Noga—e ntsieditse mme ka ja.”+ 14  Mme Jehofa Modimo a raya noga+ a re: “Ka gonne o dirile selo seno, o hutsegile mo diruiweng tsotlhe le mo diphologolong tsotlhe tsa naga. O tla gopa ka mpa ya gago mme o tla ja lorole malatsi otlhe a botshelo jwa gago.+ 15  Mme ke+ tla tsenya bobaba+ fa gare ga gago+ le mosadi+ le fa gare ga losika lwa gago+ le losika lwa gagwe.+ O+ tla go gobatsa+ mo tlhogong+ mme wena o+ tla mo gobatsa+ mo seretheng.”+ 16  A raya mosadi a re: “Ke tla oketsa botlhoko jwa go ima+ ga gago fela thata; o tla tshola bana ka ditlhabi tsa pelegi,+ mme keletso ya gago e tla nna mo monneng wa gago, mme o tla go laola.”+ 17  Mme a raya Adame a re: “E re ka o reeditse lentswe la mosadi wa gago mme wa ja mo setlhareng se ke neng ka go naya taolo+ eno malebana le sone, ‘O se ka wa ja mo go sone,’ go hutsegile mmu ka ntlha ya gago.+ O tla ja maungo a one ka botlhoko malatsi otlhe a botshelo jwa gago.+ 18  O tla go medisetsa mitlwa le sitlwasitlwane,+ mme o tla ja dimela tsa naga. 19  O tla ja dijo ka mofufutso wa sefatlhego sa gago go fitlha o boela mo mmung, gonne o ntshitswe mo go one.+ Gonne o lorole mme o tla boela mo loroleng.”+ 20  Morago ga moo Adame a raya mosadi wa gagwe leina a re Efa,+ ka gonne o ne a tshwanetse go nna mmabatshedi botlhe.+ 21  Mme Jehofa Modimo a direla Adame le mosadi wa gagwe diaparo tse di telele tsa letlalo a bo a ba apesa.+ 22  Jehofa Modimo a tswelela a re: “Bonang, motho o ntse jaaka mongwe wa rona o itse molemo le bosula,+ jaanong gore a tle a se ka a ntsha seatla mme a tsaya leungo le mo setlhareng sa botshelo+ a ja mme a tshela ka bosakhutleng, —” 23  Foo Jehofa Modimo a mo ntshetsa kwa ntle ga tshingwana ya Edene+ gore a leme mmu o a ntshitsweng mo go one.+ 24  Ka jalo a lelekela monna kwa ntle a ba a tlhoma ditšheruba+ kwa botlhaba jwa tshingwana ya Edene+ le bogale jo bo tsabakelang jwa tšhaka e e neng e itikolosa e sa kgaotse go disa tsela e e yang kwa setlhareng sa botshelo.

Dintlha Tse di Kwa Tlase