Esekiele 33:1-33

33  Mme lefoko la ga Jehofa la tla mo go nna, le re:  “Morwa motho, bua le barwa ba batho ba gaeno,+ mme o ba reye o re, “‘Fa e le kaga lefatshe, fa nka tlisa tšhaka+ mo go lone mme batho ba lefatshe, botlhe fela, ba bo ba tsaya monna ba mo tlhoma jaaka molebeledi wa bone,+  a bo a bona tšhaka e tla mo lefatsheng mme a letsa lonaka a tlhagisa batho,+  mme moutlwi a utlwa modumo wa lonaka mme a sa tlhagisege gotlhelele,+ mme tšhaka e bo e tla e mo tlosa, madi a gagwe a tla nna mo tlhogong ya gagwe.+  O utlwile modumo wa lonaka, mme a se ka a tlhagisega. Madi a gagwe a tla nna mo go ene ka esi. Mme fa a ka bo a tlhagisegile, moya wa gagwe o ka bo o falotse.+  “‘Jaanong fa e le ka molebeledi, fa a bona tšhaka e tla mme a bo a sa letse lonaka+ mme setšhaba se bo se sa utlwe tlhagiso epe fela gotlhelele mme tšhaka e bo e tla e tlosa moya mo go bone, se tla tlosiwa+ ka ntlha ya tlolo ya sone, mme madi a sone ke tla a lopa mo seatleng sa ene molebeledi.’+  “Jaanong fa e le wena, morwa motho, ke go dirile molebeledi wa ntlo ya Iseraele,+ mme o tla utlwa lefoko mo molomong wa me o bo o ba naya tlhagiso e e tswang mo go nna.+  Fa ke raya motho yo o boikepo ke re, ‘Wena moikepi, ruri o tla swa!’+ mme o sa bue gore o tlhagise moikepi mo tseleng ya gagwe,+ ene jaaka moikepi o tla swela mo tlolong+ ya gagwe, mme madi a gagwe ke tla a lopa mo seatleng sa gago.  Mme fa e le wena, fa o tlhagisa motho yo o boikepo mo tseleng ya gagwe gore a boe ka morago mo go yone mme a sa boe ka morago mo tseleng ya gagwe, o tla swela mo tlolong+ ya gagwe, mme wena o tla golola moya wa gago.+ 10  “Jaanong fa e le wena, morwa motho, raya ba ntlo ya Iseraele o re, ‘Lo buile jaana: “Ka gonne go tlhanoga ga rona le maleo a rona a mo go rona mme re bola+ mo go one, re tla tswelela jang re tshela?”’+ 11  Ba reye o re, ‘“Jaaka ke tshedile,” go bua Morena Molaodimogolo Jehofa, “Ke natefelelwa, e seng ke loso lwa moikepi,+ mme ke gore motho yo o boikepo a boe+ mo tseleng ya gagwe mme a tswelele a tshela.+ Boang, boang mo ditseleng tsa lona tse di bosula,+ gonne lo tla bo lo swelang, lona ba ntlo ya Iseraele?”’+ 12  “Mme fa e le wena, morwa motho, raya bomorwa batho ba gaeno o re, ‘Tshiamo ya mosiami ga e kitla e mo golola mo letsatsing la go tlhanoga+ ga gagwe. Mme fa e le boikepo jwa moikepi, ga a kitla a dirwa gore a kgotšwe ke jone mo letsatsing la go boa ka morago ga gagwe mo boikepong jwa gagwe.+ Le gone ope yo o nang le tshiamo ga a kitla a kgona go tswelela a tshela ka ntlha ya yone mo letsatsing la go leofa+ ga gagwe. 13  Fa ke raya mosiami ke re: “Ruri o tla tswelela o tshela,” mme a bo a ikanya tshiamo ya gagwe ka esi a dira ka go tlhoka tshiamiso,+ ditiro tsa gagwe tsotlhe tsa tshiamo ga di kitla di gakologelwa, mme go tlhoka tshiamiso ga gagwe mo a go dirileng—o tla swa ka ntlha ya gone.+ 14  “‘Mme fa ke raya moikepi ke re: “Ruri o tla swa,”+ a bo a boa ka morago+ mo boleong jwa gagwe a bo a dira tshiamiso le tshiamo,+ 15  mme moikepi a busa selo se se tserweng go nna sebeelo,+ a lefa dilo tse di tserweng ka bonokwane,+ a bo a tsamaya mo melaong ya botshelo ka go sa dire ka go tlhoka tshiamiso,+ ruri o tla tswelela a tshela.+ Ga a kitla a swa. 16  Ga go maleo ape a gagwe a a leofileng ka one a a tla gakologelwang.+ O dirile tshiamiso le tshiamo. Ruri o tla tswelela a tshela.’+ 17  “Mme bomorwa batho ba gago ba rile, ‘Tsela ya ga Jehofa ga e a lolamisiwa sentle,’+ mme, fa e le bone, tsela ya bone ke yone e e sa lolamisiwang sentle. 18  “Fa motho yo o siameng a boa ka morago mo tshiamong ya gagwe a bo a dira ka go tlhoka tshiamiso, o tla swa ka ntlha ya gone.+ 19  Mme fa motho yo o boikepo a boa ka morago mo boikepong jwa gagwe mme a dira tshiamiso le tshiamo, o tla tswelela a tshela ka ntlha ya tsone.+ 20  “Mme lo rile, ‘Tsela ya ga Jehofa ga e a lolamisiwa sentle.’+ Ke tla lo atlhola mongwe le mongwe kafa ditseleng tsa gagwe,+ lona ba ntlo ya Iseraele.” 21  Mme ga diragala gore kgabagare mo ngwageng wa bolesome le bobedi, mo kgweding ya bolesome, mo letsatsing la botlhano la kgwedi ya botshwarwa jwa rona, go tle kwa go nna mongwe yo o falotseng kwa Jerusalema,+ a re: “Motse o kgemethilwe!”+ 22  Jaanong seatla sa ga Jehofa se ne se le mo go nna maitseboa pele ga fa mongwe yo o falotseng a tla,+ mme A bula molomo wa me pele ga yoo a tla mo go nna mo mosong, mme molomo wa me wa bulega mme ka se ka ka tlhola ke le yo o sa kgoneng go bua.+ 23  Mme lefoko la ga Jehofa la simolola go tla mo go nna, le re: 24  “Morwa motho, banni ba mafelo ano a a swafetseng+ ba bua jaana ka ga lefatshe la Iseraele, ‘Aborahame o ne a le mongwe fela mme le fa go ntse jalo a rua lefatshe.+ Mme rona re bantsi; re neilwe lefatshe go nna sengwe se re ka se ruang.’+ 25  “Ka jalo ba reye o re, ‘Morena Molaodimogolo Jehofa o buile jaana: “Lo nna lo jela le madi,+ e bile lo nna lo tsholeletsa matlho a lona kwa medingwaneng ya lona e e makgapha,+ mme lo nna lo tsholola madi.+ Ka jalo a lo tshwanetse lwa rua lefatshe?+ 26  Lo ikaegile ka tšhaka ya lona.+ Lo dirile selo se se makgapha,+ mme mongwe le mongwe wa lona o leswafaditse mosadi wa molekane wa gagwe.+ Ka jalo a lo tshwanetswe lwa rua lefatshe?”’+ 27  “O ba reye o re, ‘Morena Molaodimogolo Jehofa o buile jaana: “Jaaka ke tshedile, eleruri ba ba mo mafelong a a swafetseng ba tla wa ka tšhaka;+ mme yo o mo nageng, ke tla mo naya sebatana sa naga go nna dijo tsa sone;+ mme ba ba mo mafelong a a nonofileng le mo dikgageng+ ba tla bolawa ke bolwetse jwa leroborobo. 28  Mme ke tla dira lefatshe kgakgabalo,+ kgakgabalo tota, mme boipelafatso jwa nonofo ya lone bo tla kgaodiwa+ mme dithaba tsa Iseraele di tla kgakgabadiwa,+ go se na ope yo o di ralalang. 29  Mme ba tla itse gore ke nna Jehofa fa ke dira lefatshe kgakgabalo,+ kgakgabalo tota, ka ntlha ya dilo tsotlhe tsa bone tse di makgapha tse ba di dirileng.”’+ 30  “Mme fa e le wena, morwa motho, bomorwa batho ba gaeno ba bua ka wena fa thoko ga dipota le mo dikgorong tsa matlo,+ mme mongwe o buile le yo mongwe, mongwe le mongwe le morwarraagwe, a re, ‘Tlang, tsweetswee, lo utlwe gore ke lefoko lefe le le tswang mo go Jehofa.’+ 31  Mme ba tla tsena kwa go wena, jaaka go tsena ga batho, mme ba nne fa pele ga gago jaaka batho ba me;+ mme ruri ba tla utlwa mafoko a gago mme ga ba kitla ba a diragatsa,+ gonne ba bua dikeletso tse di fekeetsang ka molomo wa bone mme pelo ya bone e latelela papadi ya bone ya tshiamololo.+ 32  Mme bona! mo go bone o tshwana le pina ya lorato lwa maikutlo, jaaka mongwe yo o nang le lentswe le lentle e bile a tshameka seletswa sa megala sentle.+ Ruri ba tla utlwa mafoko a gago, mme ga go na bape ba ba a diragatsang.+ 33  Mme fa go diragala—bona! go tla diragala+—ba tla itse gore moporofeti o ne a le mo gare ga bone.”+

Dintlha Tse di Kwa Tlase