Ekesodo 7:1-25

7  Ka gone Jehofa a raya Moshe a re: “Bona, ke go dirile Modimo mo go Faro,+ mme Arone morwarrago o tla nna moporofeti wa gago.+  Wena—o tla bua sotlhe se ke tla se go laolelang;+ mme Arone morwarrago o tla bua le Faro,+ mme a lese bomorwa Iseraele ba tsamaye ba tswe mo lefatsheng la gagwe.+  Fa e le nna, ke tla letla gore pelo ya ga Faro e thatafale,+ e bile ke tla ntsifatsa ditshupo tsa me le dikgakgamatso tsa me mo lefatsheng la Egepeto.+  Mme Faro ga a kitla a lo reetsa;+ mme ke tla tshwanelwa ke go baya Egepeto seatla ke bo ke ntsha masomosomo a me,+ batho ba me,+ bomorwa Iseraele,+ mo lefatsheng la Egepeto ka dikatlholo tse dikgolo.+  Mme Baegepeto ba tla itse gore ke nna Jehofa fa ke otlololela Egepeto seatla sa me,+ mme ruri ke tla ntsha bomorwa Iseraele mo gare ga bone.”+  Mme Moshe le Arone ba dira jaaka Jehofa a ne a ba laetse.+ Ba dira fela jalo.+  Moshe o ne a le dingwaga di le masome a le robedi mme Arone a le dingwaga di le masome a le robedi le boraro ka nako ya fa ba ne ba bua le Faro.+  Jaanong Jehofa a raya Moshe le Arone a re:  “Fa go direga gore Faro a bue le lona, a re, ‘Itireleng kgakgamatso,’+ foo o reye Arone o re, ‘Tsaya thobane+ ya gago o e latlhele fa fatshe fa pele ga ga Faro.’ E tla fetoga noga e kgolo.”+ 10  Ka jalo Moshe le Arone ba tsena kwa go Faro mme ba dira fela jaaka Jehofa a ne a laetse. Ka jalo Arone a latlhela thobane ya gagwe fa fatshe fa pele ga ga Faro le batlhanka ba gagwe mme ya fetoga noga e kgolo. 11  Le fa go ntse jalo, Faro le ene a bitsa banna ba ba botlhale le baloi;+ mme baperesiti ba Egepeto ba ba dirang maselamose le bone ba dira se se tshwanang ka tiro ya bone ya maselamose.+ 12  Ka jalo mongwe le mongwe wa bone a latlhela thobane ya gagwe fa fatshe, mme tsa fetoga dinoga tse dikgolo; mme thobane ya ga Arone ya kometsa dithobane tsa bone. 13  Le fa go ntse jalo, pelo ya ga Faro ya thatafala,+ mme a se ka a ba reetsa, fela jaaka Jehofa a ne a buile. 14  Foo Jehofa a raya Moshe a re: “Pelo ya ga Faro e logwadi.+ O ganne go lesa batho ba tsamaya.+ 15  Ya kwa go Faro mo mosong. Bona! O tswela kwa metsing!+ Mme wena o eme gore o tle o kopane le ene fa losing lwa Noka ya Nile,+ mme o tseye thobane e e neng ya fetoga noga ka seatla.+ 16  Mme o mo reye o re, ‘Jehofa Modimo wa Bahebera o nthomile kwa go wena,+ a re: “Lesa batho ba me ba tsamaye gore ba ntirele kwa nageng,”+ mme bona, ga o ise o utlwe go fitlha jaanong. 17  Jehofa o buile jaana:+ “O tla itse ka seno gore ke nna Jehofa.+ Bona, ke itaya mo godimo ga metsi a a mo Nokeng ya Nile+ ka thobane e e mo seatleng sa me, mme a tla fetoga madi.+ 18  Mme ditlhapi tse di mo Nokeng ya Nile di tla swa,+ mme Noka ya Nile e tla nkga sebodu,+ mme Baegepeto ga ba kitla ba eletsa go nwa metsi a a tswang mo Nokeng ya Nile.”’”+ 19  Morago ga moo Jehofa a raya Moshe a re: “Raya Arone o re, ‘Tsaya thobane ya gago mme o otlololele seatla+ sa gago mo godimo ga metsi a Egepeto, mo godimo ga dinoka+ tsa bone, mo godimo ga mesele ya bone ya Nile le mo godimo ga megobe ya bone e e tletseng lotlhaka le mo godimo ga metsi otlhe a bone a a emeng, gore a nne madi.’ Mme ruri go tla nna le madi mo lefatsheng lotlhe la Egepeto le mo dijaneng tsa logong le mo dijaneng tsa lentswe.” 20  Moshe le Arone ba dira jalo+ ka yone nako eo, fela jaaka Jehofa a ne a laetse,+ a tsholetsa thobane a itaya metsi a a neng a le mo Nokeng ya Nile mo matlhong a ga Faro le batlhanka ba gagwe,+ mme metsi otlhe a a neng a le mo Nokeng ya Nile a fetoga madi.+ 21  Mme ditlhapi tse di neng di le mo Nokeng ya Nile tsa swa,+ mme Noka ya Nile ya simolola go nkga sebodu; mme Baegepeto ba ne ba sa kgone go nwa metsi a a tswang mo Nokeng ya Nile;+ mme madi a nna mo lefatsheng lotlhe la Egepeto. 22  Le fa go ntse jalo, baperesiti ba Egepeto ba ba dirang maselamose ba dira se se tshwanang ka bokgoni jwa bone jwa sephiri;+ mo pelo ya ga Faro e neng ya tswelela go thatafala,+ mme a se ka a ba reetsa, fela jaaka Jehofa a ne a buile.+ 23  Ka gone Faro a retologa mme a tsena mo ntlong ya gagwe, a se ka a letla pelo ya gagwe go tlhokomela le seno.+ 24  Mme Baegepeto botlhe ba epa go dikologa Noka ya Nile ba batla metsi a go nwa, ka gonne ba ne ba sa kgone go nwa metsi ape a Noka ya Nile.+ 25  Mme malatsi a le supa a wela Jehofa a sena go itaya Noka ya Nile.

Dintlha Tse di Kwa Tlase