Ekesodo 40:1-38

40  Foo Jehofa a bua le Moshe, a re:  “Mo letsatsing la kgwedi ya ntlha, mo letsatsing la ntlha la kgwedi,+ o tlhome motlaagana wa mogope wa bokopanelo.+  Mme o beye letlole la tshupo+ mo go one mme o tswale ka sesiro+ gore Letlole le se ka la atamelwa.  Mme o tlise tafole+ mo teng o bo o baya dilwana tsa yone ka thulaganyo, mme o tlise setlhomo sa lobone+ mo teng o bo o tshuba dipone+ tsa sone.  Mme o beye sebeso sa gouta sa maswalo+ fa pele ga letlole la tshupo o bo o tsenya sesiro sa kgoro ya motlaagana fa se nnang gone.+  “Mme o beye sebeso+ sa tshupelo e e fisiwang fa pele ga kgoro ya motlaagana wa mogope wa bokopanelo,  o bo o baya mogotšwana fa gare ga mogope wa bokopanelo le sebeso o bo o tshela metsi mo go one.+  Mme o beye lolwapa+ go dikologa o bo o tsenya sesiro+ sa kgoro ya lolwapa.  Mme o tseye leokwane le le tlotsang+ o bo o tlotsa motlaagana le sotlhe se se mo go one,+ o o itshepise le dilwana tsotlhe tsa one, mme ka jalo o nne selo se se boitshepo. 10  O tlotse sebeso sa tshupelo e e fisiwang le dilwana tsotlhe tsa sone o bo o itshepisa sebeso,+ e nne sebeso se se boitshepotshepo.+ 11  Mme o tlotse mogotšwana le setlhomo sa one o bo o o itshepisa. 12  “Morago ga moo o atametse Arone le bomorwawe fa kgorong ya mogope wa bokopanelo o bo o ba tlhapisa ka metsi.+ 13  O apese Arone diaparo tse di boitshepo+ o bo o mo tlotse+ o mo itshepise, mme a ntirele e le moperesiti. 14  Morago ga moo o atametse bomorwawe mme o ba apese diaparo tse di telele.+ 15  O ba tlotse fela jaaka o tloditse rraabone,+ mme ba ntirele e le baperesiti, go tlodiwa ga bone go tswelele go direla jaaka boperesiti mo go bone ka bosakhutleng mo nakong ya dikokomana tsa bone.”+ 16  Moshe a dira kafa go sotlhe se Jehofa a neng a se mo laoletse.+ A dira fela jalo. 17  Ka jalo ga diragala gore mo kgweding ya ntlha, mo ngwageng wa bobedi, mo letsatsing la ntlha la kgwedi, motlaagana wa tlhomiwa.+ 18  E rile Moshe a tlhoma motlaagana, a tsenya metheo ya one e e khuti+ a ba a tsenya dimati+ le go tsenya mephakalego+ ya one le go tlhoma dipilara+ tsa one. 19  Go tswa foo a tsharolola mogope+ fa godimo ga motlaagana a ba a baya sebipo+ sa mogope kwa godimo ga one, fela jaaka Jehofa a ne a laetse Moshe. 20  Morago ga moo a tsaya Tshupo+ a e tsenya mo teng ga Letlole+ a ba a tsenya dikota+ mo Letloleng a ba a baya sebipo+ mo godimo ga Letlole.+ 21  Morago ga moo a tlisa Letlole mo teng ga motlaagana a ba a tsenya sesiro+ sa sebipo fa se nnang gone a ba a tswala gore letlole la tshupo+ le se ka la atamelwa, fela jaaka Jehofa a ne a laetse Moshe. 22  Morago ga moo a tsenya tafole+ mo mogopeng wa bokopanelo kafa letlhakoreng la motlaagana kafa bokone ka kwa ntle ga sesiro, 23  mme a tlhatlaganya senkgwe+ mo godimo ga yone fa pele ga ga Jehofa, fela jaaka Jehofa a ne a laetse Moshe. 24  Go tswa foo a baya setlhomo sa lobone+ mo mogopeng wa bokopanelo fa pele ga tafole, kafa letlhakoreng la motlaagana kafa borwa. 25  Go tswa foo a tshuba dipone+ fa pele ga ga Jehofa, fela jaaka Jehofa a ne a laetse Moshe. 26  Morago ga moo a baya sebeso sa gouta+ mo mogopeng wa bokopanelo fa pele ga sesiro, 27  gore a tle a dire gore maswalo a a nkgisitsweng monate a kuele mosi mo go sone,+ fela jaaka Jehofa a ne a laetse Moshe. 28  La bofelo a tsenya sesiro+ sa kgoro ya motlaagana fa se nnang gone. 29  Mme a baya sebeso+ sa tshupelo e e fisiwang fa kgorong ya motlaagana wa mogope wa bokopanelo, gore a tle a ise tshupelo e e fisiwang+ le tshupelo ya dijo tsa ditlhaka mo go sone, fela jaaka Jehofa a ne a laetse Moshe. 30  Morago ga moo a baya mogotšwana fa gare ga mogope wa bokopanelo le sebeso a ba a tshela metsi a go tlhapiwang ka one+ mo go one. 31  Mme Moshe le Arone le bomorwawe ba ne ba tlhapela diatla le dinao tsa bone mo go one. 32  Ba ne ba tlhapa fa ba tsena mo mogopeng wa bokopanelo le fa ba ne ba atamela sebeso,+ fela jaaka Jehofa a ne a laotse Moshe. 33  La bofelo a tlhoma lolwapa+ go dikologa motlaagana le sebeso a ba a tsenya sesiro sa kgoro ya motlaagana.+ Ka jalo Moshe a fetsa tiro. 34  Mme leru+ la bipa mogope wa bokopanelo, kgalalelo ya ga Jehofa ya tlala ka motlaagana. 35  Mme Moshe o ne a sa kgone go tsena mo mogopeng wa bokopanelo, ka gonne leru+ le ne le ntse mo godimo ga one le kgalalelo ya ga Jehofa e ne e tletse ka motlaagana.+ 36  Mme fa leru le tsholetsega le tswa fa godimo ga motlaagana bomorwa Iseraele ba ne ba tlhatlhamolola bothibelelo mo nakong yotlhe ya dikgato tsotlhe tsa bone tsa loeto.+ 37  Le fa go ntse jalo, fa leru le ne le sa tsholetsege, ba ne ba sa tlhatlhamolole bothibelelo go fitlha letsatsi le le tsholetsegang ka lone.+ 38  Gonne leru la ga Jehofa le ne le le fa godimo ga motlaagana motshegare, mme molelo o ne o nna fa godimo ga one bosigo mo ponong ya ntlo yotlhe ya Iseraele mo nakong ya dikgato tsotlhe tsa bone tsa loeto.+

Dintlha Tse di Kwa Tlase