Ekesodo 23:1-33

23  O se ka wa bua pego e e seng boammaaruri.+ O se ka wa dirisana le moikepi ka go nna mosupi yo o logang maano a tshiamololo.+  O se ka wa sala mmudubudu morago ka boikaelelo jwa go dira bosula;+ gape o se ka wa neela bosupi mo tshekong gore o tle o fapoge le mmudubudu o sokamise tshiamiso.+  Fa e le motho wa maemo a a kwa tlase, o se ka wa bontsha tlhaolele mo tshekong ya gagwe.+  “Fa go direga gore o kopane le poo ya mmaba wa gago kgotsa esele ya gagwe e timela, ruri o e busetse kwa go ene.+  Fa go direga gore o bone esele ya mongwe yo o go tlhoileng e rapame kafa tlase ga morwalo wa yone, o ithibe gore o se ka wa mo tlogela. Ruri o e golole+ le ene.  “Ga o a tshwanela go sokamisa tshwetso ya boatlhodi ya mohumanegi wa gago mo tshekong+ ya gagwe.  “O tshwanetse go nna kgakala le lefoko la maaka.+ Mme o se ka wa bolaya yo o se nang molato le yo o siameng, gonne ga nkitla ke bolela moikepi e le yo o siameng.+  “Ga o a tshwanela go amogela pipamolomo, gonne pipamolomo e foufatsa batho ba ba bonang sentle e bile e ka sokamisa mafoko a batho ba ba siameng.+  “O se ka wa gatelela moagi wa moeng,+ e re ka lona ka bolona lo itsile moya wa moagi wa moeng, ka gonne lo ne lwa nna baagi ba baeng kwa lefatsheng la Egepeto.+ 10  “O jale peo mo lefatsheng la gago dingwaga di le thataro mme o phuthe maungo a yone.+ 11  Mme mo ngwageng wa bosupa o e tlogele e sa lengwa o bo o e tlogele e le legola+ fela, mme bahumanegi ba batho ba gago ba je mo go yone; mme se ba se tlogetseng diphologolo tsa naga di tla se ja.+ Eo ke tsela e o tla dirang ka yone ka tshimo ya gago ya mofine le ka sekgwa sa gago sa motlhware. 12  “O dire tiro ya gago malatsi a le marataro;+ mme mo letsatsing la bosupa o emise, gore poo ya gago le esele ya gago di tle di ikhutse le gore morwa lelata la gago le moagi wa moeng ba tle ba itapolose.+ 13  “Lo itise ka ga sotlhe se ke se lo boleletseng;+ e bile lo se ka lwa umaka leina la medimo e sele. Le se ka la utlwiwa mo molomong wa lona.+ 14  “O nketekele moletlo gararo ka ngwaga.+ 15  O boloke moletlo wa dikuku tse di sa bedisiwang.+ O je dikuku tse di sa bedisiwang+ malatsi a le supa, fela jaaka ke go laetse, mo nakong e e tlhomilweng ka kgwedi ya Abibe,+ gonne o ne wa tswa kwa Egepeto ka yone. Mme ba se ka ba bonala fa pele ga me ba iphotlhere.+ 16  Le moletlo wa thobo ya maungo a mabutswapele+ a tiro ya gago ya bonatla, ya se o se jalang mo tshimong;+ le moletlo wa go kgobokanya fa ngwaga o fela, fa o kgobokanya ga tiro ya gago ya bonatla go tswa kwa tshimong.+ 17  Gararo ka ngwaga mongwe le mongwe wa lona yo e leng monna o tla bonala fa pele ga sefatlhego sa Morena wa boammaaruri, e bong Jehofa.+ 18  “Madi a setlhabelo sa me o se ka wa a ntsha setlhabelo mmogo le se se bedisitsweng. Mme mafura a moletlo wa me a se ka a lala bosigo jotlhe go fitlha mo mosong.+ 19  “O tlise maungo a mabutswapele ao a a gaisang otlhe a mmu wa gago mo ntlong ya ga Jehofa Modimo wa gago.+ “O se ka wa bedisa potsane ka mashi a mmaayone.+ 20  “Bona, ke romela moengele+ kwa pele ga gago gore a go boloke mo tseleng a bo a go tlise mo lefelong le ke le baakantseng.+ 21  O itise ka ntlha ya gagwe o bo o utlwe lentswe la gagwe. O se ka wa itshwara ka go mo tsuologela, gonne ga a kitla a itshwarela tlolo ya lona;+ ka gonne leina la me le mo teng ga gagwe. 22  Le fa go ntse jalo, fa o utlwa lentswe la gagwe ka kelotlhoko o bo o dira sotlhe se ke tla se buang,+ ruri ke tla nna mmaba wa baba ba gago ke bo ke tshwenya ba ba go tshwenyang.+ 23  Gonne moengele wa me o tla tsamaya kwa pele ga gago mme ruri o tla go tlisa kwa Baamoreng le kwa Bahiteng le kwa Baperiseng le kwa Bakananeng, kwa Bahifeng le kwa Bajebuseng, mme ruri ke tla ba nyeletsa.+ 24  O se ka wa ikobela medimo ya bone kgotsa wa tlhotlhelediwa go e direla,+ mme o se ka wa dira sepe se se tshwanang le ditiro tsa bone, mme ruri o tla ba digela fa fatshe o bo o thuba dipilara tsa bone tse di boitshepo.+ 25  Lo direle Jehofa Modimo wa lona,+ mme o tla segofatsa senkgwe sa lona le metsi a lona;+ mme ruri ke tla faposa botlhoko mo gare ga lona.+ 26  Ga go kitla go nna le mosadi yo o senyegelwang le fa e le mosadi yo o moopa mo lefatsheng la gago.+ Ke tla tlatsa palo ya malatsi a gago.+ 27  “Ke tla romela go mpoifa kwa pele ga gago,+ mme batho botlhe ba lo tlang mo go bone ke tla ba tlhakanya tlhogo, mme ke tla go naya bokafamorago jwa molala wa baba botlhe ba gago.+ 28  Ke tla romela boikutlo jwa go kotlomana pelo kwa pele ga gago,+ mme bo tla leleka Bahife, Bakanana le Bahite fa pele ga gago. 29  Ga nkitla ke ba leleka fa pele ga gago mo ngwageng o le mongwe, gore lefatshe le se ka la kgakgabala le diphologolo tsa naga tsa go ntsifalela.+ 30  Ke tla ba leleka ka iketlo ke ba ntsha fa pele ga gago, go fitlha o ata o bo o rua lefatshe.+ 31  “Ke tla tlhoma molelwane wa gago go tswa Lewatleng le Lehibidu go ya lewatleng la Bafilisitia le go tswa kwa nageng go ya kwa Nokeng;+ ka gonne ke tla tsenya banni ba lefatshe leo mo seatleng sa lona, mme ruri o tla ba leleka o ba ntsha fa pele ga gago.+ 32  O se ka wa dira kgolagano le bone kgotsa le medimo ya bone.+ 33  Ba se ka ba nna mo lefatsheng la gago, gore ba se ka ba dira gore o nteofele. Fa go direga gore o direle medimo ya bone, e tla nna seru mo go wena.”+

Dintlha Tse di Kwa Tlase