Ekesodo 11:1-10

11  Mme Jehofa a raya Moshe a re: “Ke tlile go tlisetsa Faro le Egepeto petso e nngwe gape. Morago ga moo o tla lo lesa lo tsamaya lo tswa fano.+ Ka nako e a tla bong a lo lesa gotlhelele lo tsamaya, o tla lo leleka ka tsela ya mmatota a lo ntsha fano.+  Jaanong, bua mo ditsebeng tsa batho, gore monna mongwe le mongwe a kope moagelani wa gagwe, le mosadi mongwe le mongwe a kope moagelani wa gagwe dilwana tsa selefera le dilwana tsa gouta.”+  Ka jalo Jehofa a naya batho kamogelo mo matlhong a Baegepeto.+ Monna yono Moshe le ene o ne a le mogolo thata mo lefatsheng la Egepeto, mo matlhong a batlhanka ba ga Faro le mo matlhong a batho.+  Mme Moshe a tswelela a re: “Jehofa o buile jaana, ‘Ke tswela kwa bogareng jwa Egepeto+ mo e ka nnang bosigogare,  mme leitibolo lengwe le lengwe+ mo lefatsheng la Egepeto le tla swa, go simolola ka leitibolo la ga Faro yo o ntseng mo setulong sa gagwe sa bogosi go fitlha ka leitibolo la lelata le le fa lelwaleng le leitibolo lengwe le lengwe la phologolo.+  Mme go tla nna le selelo se segolo mo lefatsheng lotlhe la Egepeto, se go iseng go ke go nne le sepe se se tshwanang le sone, e bile go se kitla go nna le se se tshwanang le sone gape.+  Mme ntša ga e kitla e lelenyetsa ope wa bomorwa Iseraele loleme, go simolola ka motho go fitlha ka phologolo; gore lo tle lo itse gore Jehofa o kgona go dira pharologanyo fa gare ga Baegepeto le bomorwa Iseraele.’+  Mme batlhanka bano botlhe ba gago ba tla tla kwa go nna ba bo ba obama fa go nna,+ ba re, ‘Tsamaya, wena le batho botlhe ba ba latelang dikgato tsa gago.’ Mme morago ga moo ke tla tswa.” Foo a tswa fa go Faro a tuka bogale.  Morago ga moo Jehofa a raya Moshe a re: “Faro ga a kitla a lo reetsa,+ gore dikgakgamatso tsa me di tle di okediwe mo lefatsheng la Egepeto.”+ 10  Mme Moshe le Arone ba dira dikgakgamatso tseno tsotlhe fa pele ga ga Faro;+ mme Jehofa a letla pelo ya ga Faro gore e thatafale, mo a neng a se ka a lesa bomorwa Iseraele ba tsamaya gore ba tswe mo lefatsheng la gagwe.+

Dintlha Tse di Kwa Tlase