Duteronome 7:1-26

7  “Fa la bofelo Jehofa Modimo wa gago a go tsenya mo lefatsheng le o yang kwa go lone go ya go le rua,+ gape o tla tlosa ditšhaba tse di nang le batho ba bantsi fa pele ga gago,+ Bahite+ le Bagiregashe+ le Baamore+ le Bakanana+ le Baperise le Bahife+ le Bajebuse,+ ditšhaba di le supa tse di nang le batho ba bantsi thata le ba ba thata go go feta.+  Mme Jehofa Modimo wa gago o tla go ba tlogelela, mme o ba fenye.+ Ruri o ba senye.+ O se ka wa dira kgolagano epe le bone le fa e le go ba bontsha kutlwelobotlhoko+ epe.  O se ka wa dira kgolagano epe ya lenyalo le bone. O se ka wa naya morwaabone morwadio, e bile o se ka wa tseela morwao+ morwadiabone.  Gonne o tla faposa morwao mo go ntshaleng morago, mme ba tla direla medimo e mengwe;+ mme ruri bogale jwa ga Jehofa bo tla lo tukela, mme o tla go nyeletsa ka bonako.+  “Kafa letlhakoreng le lengwe, seno ke se lo tshwanetseng lwa se ba dira: Lo rutle dibeso tsa bone,+ lo thube dipilara tsa bone tse di boitshepo,+ lo reme+ dikota tsa bone tse di boitshepo,+ mme ditshwantsho tsa bone tse di betlilweng lo di fise ka molelo.+  Gonne o setšhaba se se boitshepo mo go Jehofa Modimo+ wa gago. Jehofa Modimo wa gago o tlhophile wena gore o nne setšhaba sa gagwe, thuo e e kgethegileng, mo ditšhabeng tsotlhe tse di mo godimo ga lefatshe.+  “E ne e se ka ntlha ya go bo lo le bantsi go feta ditšhaba tsotlhe go bo Jehofa a ne a lo rata gore a bo a lo tlhophe,+ gonne lo ne lo le babotlana thata mo ditšhabeng+ tsotlhe.  Mme e ne e le ka ntlha ya go bo Jehofa a ne a lo rata,+ le ka ntlha ya go boloka ga gagwe maikano a a neng a a ikanela borraalonamogologolwane,+ go bo Jehofa a ne a lo ntsha ka seatla se se nonofileng,+ gore a go golole mo ntlong ya makgoba,+ mo seatleng sa ga Faro kgosi ya Egepeto.  Mme o itse sentle gore Jehofa Modimo wa gago ke Modimo wa boammaaruri,+ Modimo yo o boikanyego,+ yo o bolokang kgolagano+ le bopelonomi jwa lorato mo go ba ba mo ratang le ba ba bolokang ditaelo tsa gagwe mo dikokomaneng di le sekete,+ 10  mme o duela yo a mo tlhoileng ka go mo senya fa pele ga sefatlhego sa gagwe.+ Ga a kitla a okaoka ka yo a mo tlhoileng; o tla mo duela fa pele ga sefatlhego sa gagwe. 11  Mme o boloke taelo le melao le ditshwetso tsa boatlhodi tse ke di go laelang gompieno ka go di dira.+ 12  “Mme go tla diragala gore, ka gonne lo tswelela lo reetsa ditshwetso tseno tsa boatlhodi lo di boloka e bile lo di diragatsa,+ Jehofa Modimo wa gago o tla boloka kgolagano+ le bopelonomi jwa lorato ka ga gago tse a neng a ikanela borragomogologolwane+ ka tsone. 13  Mme ruri o tla go rata a bo a go segofatsa+ a go ntsifatsa+ a bo a segofatsa leungo la sebopelo+ sa gago le leungo la mmu+ wa gago, dijo tsa gago tsa ditlhaka le beine ya gago e ntšha le leokwane la gago, dinamane tsa gago le lotsalo lwa letsomane+ la gago, mo lefatsheng le a neng a ikanela borragomogologolwane gore o tla le go naya.+ 14  O tla nna yo o segofaditsweng go gaisa ditšhaba tsotlhe.+ Ga go kitla go nna le monna kgotsa mosadi mo go wena yo o se nang bana, le fa e le mo gare ga diruiwa+ tsa gago. 15  Mme ruri Jehofa o tla tlosa pobolo nngwe le nngwe mo go wena; mme fa e le malwetse otlhe a a bosula a Egepeto a o a itsileng,+ ga a kitla a a go tlisetsa, mme o tla a tlisetsa botlhe ba ba go tlhoileng. 16  Mme o laile ditšhaba tsotlhe tse Jehofa Modimo wa gago a di go nayang.+ Leitlho la gago le se ka la di utlwela botlhoko;+ gape o se ka wa direla medimo ya tsone,+ ka gonne seo e tla nna seru mo go wena.+ 17  “Fa go direga gore o bue mo pelong ya gago o re, ‘Ditšhaba tseno di na le batho ba bantsi thata go mpheta. Ke tla kgona jang go di leleka?’+ 18  o se ka wa di boifa.+ O tlhomamise gore o gakologelwa se Jehofa Modimo wa gago a se dirileng Faro le Egepeto+ yotlhe, 19  bosupi jo bogolo jo matlho a gago a neng a bo bona,+ le ditshupo le dikgakgamatso+ le seatla se se nonofileng+ le lebogo le le otlolotsweng+ le Jehofa Modimo wa gago a neng a go ntsha ka lone.+ Ke yone tsela e Jehofa Modimo wa gago a tla dirang ditšhaba tsotlhe ka yone tse o boifang+ fa pele ga tsone. 20  Gape Jehofa Modimo wa gago o tla ba romelela boikutlo jwa go kotlomana pelo,+ go fitlha ba ba neng ba tlogetswe+ le ba ba neng ba go iphitlhetse ba nyelela. 21  O se ka wa garoga pelo ka ntlha ya bone, gonne Jehofa Modimo wa gago o mo gare ga gago,+ Modimo yo mogolo le yo o boitshegang.+ 22  “Mme Jehofa Modimo wa gago o tla kgorometsa ditšhaba tseno a di tlosa fa pele ga gago ka bonya ka bonya.+ Ga o kitla o letlelelwa go di fetsa ka bonako, e se re kgotsa dibatana tsa naga tsa go ntsifalela. 23  Mme Jehofa Modimo wa gago o tla di go tlogelela a bo a di falatsa ka phalatso e kgolo, go fitlha di nyeleditswe.+ 24  Mme o tla tsenya dikgosi tsa tsone mo seatleng sa gago, mme o senye maina a tsone kafa tlase ga magodimo.+ Ga go na ope yo o tla emang a nonofile kgatlhanong le wena,+ go fitlha o ba fedisitse. 25  Lo fise ditshwantsho tse di betlilweng tsa medimo ya bone mo molelong.+ O se ka wa eletsa selefera le gouta e e mo go tsone,+ le fa e le go e itseela, e se re kgotsa ya go tshwara jaaka seru;+ gonne ke selo se se makgapha+ mo go Jehofa Modimo wa gago. 26  O se ka wa tlisa selo se se makgapha mo ntlong ya gago mme wa tshwanelwa ke go senngwa fela jaaka sone. O se ile fela thata o bo o se tlhoe gotlhelele, + ka gonne se tshwanetse go senngwa.+

Dintlha Tse di Kwa Tlase