Duteronome 33:1-29

33  Jaanong eno ke tshegofatso+ e Moshe monna wa Modimo wa boammaaruri+ a neng a segofatsa bomorwa Israele ka yone pele ga loso lwa gagwe.  O ne a re:“Jehofa—o ne a tla a tswa kwa Sinai,+Mme a phatsimela mo go bone+ go tswa Seire.O ne a phatsima go tswa kwa kgaolong e e dithaba ya Parana,+Mme dimiriate tse di boitshepo+ di ne di na le ene,Batlhabani ba tsone ba le kafa seatleng sa gagwe sa moja.+   Gape o ne a ngomaela batho ba gagwe;+Baitshepi botlhe ba bone ba mo seatleng sa gago.+Mme bone—ba ne ba nna ka go sekama fa dinaong tsa gago;+Ba ne ba simolola go amogela mangwe a mafoko a gago.+   (Moshe o ne a re naya molao+ jaaka taelo,Thuo ya phuthego ya ga Jakobe.)+   O ne a nna kgosi mo Jeshurune,+Fa ditlhogo tsa batho di ne di phuthega,+Palo yotlhe ya ditso tsa Iseraele.+   A Rubene a tshele a se ka a swa,+Mme a banna ba gagwe ba se ka ba nna mmalwa.”+  Mme eno e ne e le tshegofatso ya ga Juda,+ jaaka a ne a tswelela a re:“Utlwa lentswe la ga Juda+ tlhe Jehofa,Mme o mo tlise mo bathong ba gagabo.Mabogo a gagwe a lwetse se e leng sa gagwe;Mme o mo thuse baba ba gagwe.”+  Mme a raya Lefi a re:+“Thumime ya gago le Urime+ ya gago ke ya monna yo o ikanyegang mo go wena,+Yo o neng wa mo leka kwa Mase.+O ne wa simolola go lwa le ene fa metsing a Meriba,+   Monna yo o neng a raya rraagwe le mmaagwe a re, ‘Ga ke a mmona.’O ne a se ka a lemoga le eleng bomorwarraagwe,+E bile o ne a sa itse bomorwawe.Gonne ba ne ba boloka lefoko la gago,+Ba bo ba tswelela ba boloka kgolagano ya gago.+ 10  A ba laye Jakobe mo ditshwetsong tsa gago tsa boatlhodi+Le Iseraele mo molaong wa gago.+A ba ise maswalo fa pele ga maroba a dinko tsa gago+Le tshupelo e e feletseng mo sebesong sa gago.+ 11  Segofatsa maatla a gagwe a botlhaga,+ tlhe Jehofa,E bile e kete o ka ipelela tiro ya diatla tsa gagwe.+Ba ba mo tsogologelang, ba gobatse dinōka mo go botlhoko,+Le ba ba mo tlhoileng thata, gore ba se ka ba nanoga.”+ 12  A raya Benjamine a re:+“A moratwa+ wa ga Jehofa a age fa go ene ka polokesego,+Fa a ntse a mo sireleditse letsatsi lotlhe,+Mme a age fa gare ga magetla a gagwe.”+ 13  Mme a raya Josefa a re:+“E kete lefatshe la gagwe le ka nna le ntse le segofaditswe ke Jehofa+Ka dilo tse di di gaisang tsotlhe tsa legodimo, ka monyo,+Le ka bodiba jo bo boteng jwa metsi jo bo ikadileng kwa tlase,+ 14  Le ka dilo tse di di gaisang tsotlhe, dikungwa tsa letsatsi,+Le ka dilo tse di di gaisang tsotlhe, maungo a dikgwedi tsa modikologo wa ngwedi,+ 15  Le ka dilo tse di di gaisang tsotlhe tse di tswang kwa dithabeng tsa botlhaba,+Le ka dilo tse di di gaisang tsotlhe tsa dithota tse di nnang ka bosakhutleng, 16  Le ka dilo tse di di gaisang tsotlhe tsa lefatshe le botlalo jwa lone,+Le ka kamogelo ya Ene yo o agileng mo setlhatshaneng se se mitlwa.+E kete di ka tla mo tlhogong ya ga Josefa+Le mo phogong ya tlhogo ya yo o tlhaotsweng mo go bomorwarraagwe.+ 17  Bontlentle jwa gagwe bo ntse jaaka leitibolo la poo,Mme dinaka tsa gagwe ke dinaka tsa poo ya naga.+O tla kgorometsa ditšhaba+ ka tsoneMmogo go ya kwa mafelelong a lefatshe,Mme bone ke dikete di le masome tsa ga Eferaime,+Mme bone ke dikete tsa ga Manase.” 18  Mme a raya Sebulone a re:+“Ipele, wena Sebulone, mo go tsweng ga gago,+Le Isakare, mo megopeng ya gago.+ 19  Ba tla biletsa ditšhaba kwa thabeng.Ba tla ntsha ditlhabelo tsa tshiamo+ gone.Gonne ba tla anya letlotlo la khumo ya mawatle+Le matlotlo a a fitlhegileng a motlhaba.” 20  Mme a raya Gada a re:+“Go sego yo o atolosang melelwane ya ga Gada.O tla aga jaaka tau,+O tla gagola lebogo, ee, phogo ya tlhogo.+ 21  Mme o tla itlhophela karolo ya ntlha,+Gonne go beilwe kabelo ya monei molao gone.+Mme ditlhogo tsa batho di tla phuthega mmogo.Ruri o tla diragatsa tshiamo ya ga JehofaLe ditshwetso tsa gagwe tsa boatlhodi mo go Iseraele.” 22  Mme a raya Dana a re:+ “Dana ke ngwana wa tau.+O tla tlola a tswa mo Bashana.”+ 23  Mme a raya Nafetali a re:+“Nafetali o kgotsofaditswe ke kamogeloE bile o tletse ka tshegofatso ya ga Jehofa.A ko o rue bophirima le borwa.” 24  Mme a raya Ashera a re:+“Ashera o segofaditswe ka bana ba basimane.+A a nne yo o amogelwang ke bomorwarraagwe,+Le yo o inang lonao lwa gagwe mo leokwaneng.+ 25  Diloto tsa kgoro ya gago ke tshipi le kgotlho,+E bile motsamao wa gago wa boiketlo o tsamaisana le malatsi a gago. 26  Ga go na ope yo o tshwanang le Modimo wa boammaaruri+ wa Jeshurune,+Yo o palameng legodimo gore a go thuse+Le loapi lo lo tletseng maru mo tlotlomalong ya gagwe.+ 27  Modimo wa dinako tsa bogologolo tala ke lefelo la go iphitlha,+Mme kafa tlase go na le mabogo a a nnang ka bosakhutleng.+Mme o tla leleka mmaba+ fa pele ga gago,Mme o tla re, ‘Ba nyeletse!’+ 28  Mme Iseraele o tla aga ka polokesego,+Motswedi wa ga Jakobe o le osi,+Mo lefatsheng la dijo tsa ditlhaka le beine e ntšha.+Ee, magodimo a one a tla rothisetsa monyo kwa tlase.+ 29  Go itumela wena Iseraele!+Go na le mang yo o tshwanang le wena,+Setšhaba se se ipelelang poloko mo go Jehofa,+Thebe ya thuso ya gago,+Le Ene yo e leng tšhaka ya gago+ e e tlhomologileng?Ka jalo baba ba gago ba tla ikokobetsa fa pele ga gago,+Mme wena—o tla gata mafelo a bone a a kwa godimo.”+

Dintlha Tse di Kwa Tlase