Duteronome 30:1-20

30  “Mme go tla diragala gore fa mafoko ano otlhe a go diragalela, tshegofatso+ le phutso,+ tse ke di beileng fa pele ga gago, o a buseditse mo pelong ya gago+ mo gare ga ditšhaba tsotlhe kwa Jehofa Modimo wa gago a go phatlalaleditseng gone,+  mme o boetse kwa go Jehofa Modimo wa gago+ e bile o reeditse lentswe la gagwe kafa go sotlhe se ke se go laelang gompieno, wena le bomorwao, ka pelo yotlhe ya gago le ka moya otlhe wa gago,+  Jehofa Modimo wa gago le ene o tla busa batshwarwa+ ba gago a bo a go bontsha kutlwelobotlhoko+ le go go phutha gape mo ditšhabeng tsotlhe kwa Jehofa Modimo wa gago a go gasamiseditseng gone.+  Fa batho ba gago ba ba phatlaladitsweng ba ka tswa ba le kwa bofelelong jwa magodimo, Jehofa Modimo wa gago o tla go phutha koo e bile o tla go tsaya koo.+  Ruri Jehofa Modimo wa gago o tla go tlisa mo lefatsheng le borrago ba neng ba le rua, mme o tla le rua; mme ruri o tla go direla molemo a ba a go ntsifatsa go feta borrago.+  Jehofa Modimo wa gago o tla tshwanelwa ke go rupisa pelo+ ya gago le pelo ya bana ba gago,+ gore o rate Jehofa Modimo wa gago ka pelo yotlhe ya gago le ka moya otlhe wa gago ka ntlha ya botshelo jwa gago.+  Mme Jehofa Modimo wa gago o tla baya maikano ano otlhe mo babeng ba gago le mo go ba ba go tlhoileng, ba ba go bogisitseng.+  “Fa e le wena, o tla retologa o reetse lentswe la ga Jehofa o bo o dira ditaelo tsotlhe tsa gagwe tse ke di go laelang gompieno.+  Jehofa Modimo wa gago o tla dira gore o nne le mo gontsi thata mo tirong nngwe le nngwe ya seatla ya gago,+ mo leungong la sebopelo sa gago le mo leungong la diruiwa tsa gago+ le mo leungong la mmu wa gago,+ mo go felelang ka katlego;+ ka gonne gape Jehofa o tla go itumela ka ntlha ya molemo, fela jaaka a ne a itumelela borragomogologolwane;+ 10  gonne o tla reetsa lentswe la ga Jehofa Modimo wa gago gore o boloke ditaelo tsa gagwe le melao ya gagwe e e kwadilweng mo bukeng eno ya molao,+ ka gonne o tla boela kwa go Jehofa Modimo wa gago ka pelo yotlhe ya gago le ka moya otlhe wa gago.+ 11  “Gonne taelo eno e ke e go laelang gompieno ga e thata go le kalo mo go wena, e bile ga e kgakala.+ 12  Ga e kwa magodimong, mo go ka felelang ka gore o re, ‘Ke mang yo o tla re tlhatlogelang kwa magodimong a ya go re tlela yone, gore a tle a dire gore re e utlwe gore re e dire?’+ 13  Le gone ga e ka kwa ntlheng e nngwe ya lewatle, mo go ka felelang ka gore o re, ‘Ke mang yo o tla re kgabaganyetsang ka kwa ntlheng e nngwe ya lewatle a ya go re tlela yone, gore a tle a mme re e utlwe gore re e dire?’ 14  Gonne lefoko le gaufi thata le wena, mo molomong wa gago le mo pelong ya gago,+ gore o le dire.+ 15  “Bona, gompieno ke baya botshelo le molemo fa pele ga gago, le loso le bosula.+ 16  [Fa o ka reetsa ditaelo tsa ga Jehofa Modimo wa gago,] tse ke di go laelang gompieno, gore o rate Jehofa Modimo wa gago,+ o tsamaye mo ditseleng tsa gagwe o bo o boloke ditaelo+ tsa gagwe le melao ya gagwe le ditshwetso tsa gagwe tsa boatlhodi,+ foo o tla nna o ntse o tshela+ le go ntsifala, mme Jehofa Modimo wa gago o tla go segofatsa mo lefatsheng le o yang kwa go lone go ya go le rua.+ 17  “Mme fa pelo ya gago e fapoga mme o sa reetse,+ mme o faposiwa o bo o ikobela medimo e mengwe o bo o e direla,+ 18  ke a lo bolelela gompieno gore ruri lo tla nyelela.+ Ga lo kitla lo lelefatsa malatsi a lona mo lefatsheng le lo kgabaganyang Joredane go ya go le rua. 19  Ke tsaya magodimo le lefatshe jaaka basupi kgatlhanong le lona gompieno,+ gore ke beile botshelo le loso fa pele ga gago,+ tshegofatso+ le phutso;+ mme o tlhophe botshelo gore o nne o ntse o tshela, wena le bana ba gago,+ 20  ka go rata Jehofa Modimo+ wa gago, ka go reetsa lentswe la gagwe le ka go mo ngaparela;+ gonne ke ene botshelo jwa gago le boleele jwa malatsi a gago,+ gore o nne mo lefatsheng le Jehofa a neng a ikanela borragomogologolwane e bong Aborahame, Isake le Jakobe gore o tla le ba naya.”+

Dintlha Tse di Kwa Tlase