Duteronome 18:1-22

18  “Go se ka ga nna le kabelo epe kgotsa boswa bope jo Iseraele e nang le jone jo e tla nnang jwa baperesiti, e bong Balefi, lotso lotlhe lwa ga Lefi.+ Ba je ditshupelo tsa ga Jehofa tse di dirwang ka molelo, le boswa jwa gagwe.+  Ka jalo a se ka a nna le boswa bope mo gare ga bomorwarraagwe. Jehofa ke boswa+ jwa gagwe, fela jaaka a buile le ene.  “Jaanong seno se tswelele e le tshwanelo e e lebaneng baperesiti e e tswang mo bathong, mo go ba ba ntshang se se bolailweng setlhabelo, e ka ne e le poo kgotsa nku: Motho a neye moperesiti lerapo la legetla le ditlhaa le mogodu.  O mo neye dijo tsa gago tsa ntlha tsa ditlhaka, beine ya gago e ntšha le leokwane la gago le boboa jwa ntlha jo bo pomilweng jwa letsomane la gago.+  Gonne ke ene yo Jehofa Modimo wa gago a mo tlhophileng mo ditsong tsotlhe tsa gago gore a eme a direle mo leineng la ga Jehofa, ene le bomorwawe, ka metlha.+  “Mme fa go direga gore Molefi a tswe mo go mongwe wa metse ya gago ya Iseraele yotlhe, kwa a nnileng gone nakonyana,+ mme ka ntlha ya keletso ya moya wa gagwe a tla kwa lefelong le Jehofa a tla le tlhophang,+  le ene a direle mo leineng la ga Jehofa Modimo wa gagwe fela jaaka bomorwarraagwe botlhe, e bong Balefi, ba ba emeng foo fa pele ga ga Jehofa.+  A je kabelo e e lekanang,+ kwantle ga se a se bonang mo dilong tse a di rekisang tsa dithoto tsa bagologolwane ba gagwe.  “Fa o tsene mo lefatsheng le Jehofa Modimo wa gago a le go nayang, o se ka wa ithuta go dira kafa dilong tse di makgapha tsa ditšhaba+ tseo. 10  Go se ka ga fitlhelwa mo go wena ope yo o ralatsang morwawe kgotsa morwadie molelo,+ ope yo o dirisang boitseanape,+ yo o dirang maselamose+ kgotsa ope yo o batlang ditshupo dipe+ kgotsa moloi,+ 11  kgotsa yo o dirisang lefoko la maselamose go kolopa ba bangwe+ kgotsa ope yo o lopang kgakololo mo go yo o buang le meya+ kgotsa yo o dirang tiro ya go bolelela ditiragalo pele+ kgotsa ope yo o botsang baswi.+ 12  Gonne mongwe le mongwe yo o dirang dilo tseno o makgapha mo go Jehofa, mme Jehofa Modimo wa gago o ba leleka fa pele ga gago+ ka ntlha ya dilo tse di makgapha tseno. 13  O itshupe o se na molato mo go Jehofa Modimo+ wa gago. 14  “Gonne ditšhaba tseno tse o di gapelang thuo di ne di tle di reetse ba ba dirang maselamose+ le ba ba dirang tiro ya boitseanape; mme fa e le wena, Jehofa Modimo wa gago ga a go naya sepe se se tshwanang le seno.+ 15  Jehofa Modimo wa gago o tla go tsosetsa moporofeti yo o tswang mo gare ga gago, mo go bomorwarrago, yo o tshwanang le nna—lo mo reetse+ 16  e le karabelo ya sotlhe se o neng wa se kopa Jehofa Modimo wa gago kwa Horebe mo letsatsing la phuthego,+ o re, ‘Mma ke se ka ka utlwa lefoko la ga Jehofa Modimo wa me gape, e bile mma ke se ka ka tlhola ke bona molelo o mogolo ono, gore ke se ka ka swa.’+ 17  Foo Jehofa a nthaya a re, ‘Ba dirile sentle ka go bua se ba se buileng.+ 18  Ke tla ba tsosetsa moporofeti yo o tswang mo gare ga bomorwarraabone, yo o tshwanang le wena;+ mme ruri ke tla tsenya mafoko a me mo molomong wa gagwe,+ mme o tla bua le bone sotlhe se ke tla se mo laelang.+ 19  Mme go tla diragala gore motho yo o se kitlang a reetsa mafoko a me a a tla a buang mo leineng la me, nna ka bonna ke tla dira gore a ikarabele.+ 20  “‘Le fa go ntse jalo, moporofeti yo o italetsang go bua mo leineng la me lefoko le ke sa mo laelang gore a le bue+ kgotsa yo o buang mo leineng la medimo+ e mengwe, moporofeti yoo a swe.+ 21  Mme fa go direga gore o bue mo pelong ya gago o re: “Re tla itse jang lefoko le Jehofa a sa le buang?” 22  fa moporofeti a bua mo leineng la ga Jehofa mme lefoko leo le bo le sa diragale kgotsa le sa nne boammaaruri, leo ke lefoko le Jehofa a sa le buang. Moporofeti o le buile ka boikgodiso.+ O se ka wa mo tshaba.’+

Dintlha Tse di Kwa Tlase