Duteronome 12:1-32

12  “Eno ke melao+ le ditshwetso tsa boatlhodi+ tse lo tshwanetseng go nna kelotlhoko go di diragatsa+ mo lefatsheng le Jehofa Modimo wa borraalonamogologolwane a tla lo letlelelang gore lo le rue, malatsi otlhe a lo tshelang ka one mo lefatsheng.+  Lo senye+ gotlhelele mafelo otlhe a ditšhaba tse lo di gapelang thuo di diretseng medimo ya tsone kwa go one, mo dithabeng tse di telele le mo dithoteng le kafa tlase ga setlhare sengwe le sengwe se se golang thata.+  Mme lo rutle dibeso+ tsa yone lo bo lo tšhwetlakanye dipilara+ tsa yone tse di boitshepo, lo fise dikota tsa yone tse di boitshepo+ mo molelong lo bo lo reme ditshwantsho tse di betlilweng+ tsa medimo ya yone, mme lo senye maina a yone mo lefelong+ leo.  “Lo se ka lwa dira Jehofa Modimo wa lona jalo,+  mme lo senke lefelo le Jehofa Modimo wa lona a tla le tlhophang mo ditsong tsotlhe tsa lona gore a beye leina la gagwe mo go lone, gore le age mo go lone, mme lo tle kwa go lone.+  Mme lo tlise kwa go lone ditshupelo tsa lona tse di fisiwang+ le ditlhabelo tsa lona le ditsabosome+ tsa lona le moneelo wa seatla+ sa lona le ditshupelo tsa lona tsa maikano+ le ditshupelo tsa lona tse di dirwang ka go rata+ le maitibolo a motlhape wa lona le a letsomane+ la lona.  Mme lo jele fa pele ga ga Jehofa Modimo wa lona+ kwa go lone lo bo lo ipele mo tirong nngwe le nngwe ya lona,+ lona le ba matlo a lona, ka gonne Jehofa Modimo wa gago o go segofaditse.  “Lo se ka lwa dira kafa go sotlhe se re se dirang fano gompieno, mongwe le mongwe a dira le fa e le eng se se siameng mo matlhong a gagwe,+  ka gonne ga lo ise lo tle mo lefelong la boikhutso+ le boswa jo Jehofa Modimo wa lona a lo bo nayang. 10  Mme lo kgabaganye Joredane lo nne mo lefatsheng le Jehofa Modimo wa lona a le lo nayang go nna thuo,+ mme o tla lo naya boikhutso mo babeng botlhe ba lona go dikologa, mme ruri lo tla nna ka polokesego.+ 11  Mme go tla diragala gore lefelo+ le Jehofa Modimo wa lona a tla le tlhophang gore leina la gagwe le nne mo go lone, ke kwa lo tla tlisang tsotlhe gone tse ke di lo laolelang, ditshupelo tsa lona tse di fisiwang+ le ditlhabelo tsa lona, ditsabosome+ tsa lona le moneelo wa seatla+ sa lona le ditshupelo dingwe le dingwe tsa lona tsa maikano+ tse lo di tlhophileng tse lo tla di ikanelang Jehofa. 12  Mme lo ipele fa pele ga Jehofa Modimo+ wa lona, lona le bomorwaalona le bomorwadialona le batlhanka ba lona le malata a lona le Molefi yo o mo teng ga dikgoro tsa lona, ka gonne ga a na kabelo epe kgotsa boswa bope le lona.+ 13  Itise gore o se ka wa isa ditshupelo tsa gago tse di fisiwang mo lefelong lepe le lengwe le o tla le bonang.+ 14  Mme o ise ditshupelo tsa gago tse di fisiwang mo lefelong le Jehofa a tla le tlhophang mo go longwe lwa ditso tsa gago, mme gone koo o dire sotlhe se ke se go laelang.+ 15  “O ka nna wa tlhaba+ le fa e le leng fela fa moya wa gago o eletsa jalo, mme o je nama kafa tshegofatsong ya ga Jehofa Modimo wa gago e a e go neileng, mo teng ga dikgoro tsotlhe tsa gago. Yo o itshekologileng+ le yo o itshekileng a ka e ja, jaaka tshephe le jaaka kgama e tonanyana.+ 16  Ke madi fela a lo sa tshwanelang go a ja.+ O a tshololele fa fatshe jaaka metsi.+ 17  Ga o kitla o letlelelwa go jela sa bosome sa dijo tsa gago tsa ditlhaka+ mo teng ga dikgoro tsa gago kgotsa sa beine ya gago e ntšha kgotsa sa leokwane la gago kgotsa maitibolo a motlhape+ wa gago le a letsomane la gago kgotsa epe ya ditshupelo tsa gago tsa maikano+ a o tla a dirang kgotsa ditshupelo tsa gago tse di dirwang ka go rata kgotsa moneelo wa seatla+ sa gago. 18  Mme o tla e jela fa pele ga ga Jehofa Modimo wa gago, mo lefelong le Jehofa Modimo wa gago a tla le tlhophang,+ wena le morwao le morwadio le motlhanka wa gago le lelata la gago le Molefi yo o mo teng ga dikgoro tsa gago; mme o ipele+ fa pele ga ga Jehofa Modimo wa gago mo tirong nngwe le nngwe ya gago. 19  Itise gore o se ka wa tlogela Molefi+ malatsi otlhe a gago mo lefatsheng la gago. 20  “E tla re fa Jehofa Modimo wa gago a atolosa karolo ya gago ya naga,+ fela jaaka a go solofeditse,+ ruri o tla bua o re, ‘Mma ke je nama,’ ka gonne moya wa gago o eletsa go ja nama, o ka nna wa ja nama le fa e le leng fela fa moya wa gago o eletsa go ja nama.+ 21  Fa go direga gore lefelo le Jehofa Modimo wa gago a tla le tlhophang gore a beye leina+ la gagwe mo go lone le bo le le kgakala le wena, foo o tlhabe sengwe sa motlhape wa gago kgotsa sengwe sa letsomane la gago le Jehofa a le go neileng, fela jaaka ke go laetse, mme o jele mo teng ga dikgoro tsa gago le fa e le leng fela fa moya wa gago o eletsa jalo.+ 22  O e je fela kafa tshephe le kgama e tonanyana e jewang+ ka teng: yo o itshekologileng+ mmogo le yo o itshekileng a ka e ja. 23  O dire tshwetso e e nonofileng fela thata gore o se ka wa ja madi,+ ka gonne madi ke moya+ mme o se ka wa ja moya le nama. 24  O se ka wa a ja. O a tshololele fa fatshe jaaka metsi.+ 25  O se ka wa a ja, gore dilo di go tsamaele sentle+ le bomorwao morago ga gago, ka gonne o tla bo o dira se se siameng mo matlhong a ga Jehofa.+ 26  O tshole fela dilo tsa gago tse di boitshepo+ tse e tla nnang tsa gago, le ditshupelo tsa gago tsa maikano,+ mme o tle mo lefelong le Jehofa a tla le tlhophang.+ 27  Mme o ise ditshupelo tsa gago tse di fisiwang,+ nama le madi,+ mo sebesong sa ga Jehofa Modimo wa gago; mme madi a ditlhabelo tsa gago a tshololelwe fa sebesong sa ga Jehofa+ Modimo wa gago, mme nama yone o ka e ja. 28  “Itise, mme o utlwe mafoko ano otlhe a ke a go a laelang,+ gore dilo di go tsamaele sentle+ le bomorwao morago ga gago ka bosakhutleng, ka gonne o tla bo o dira se se molemo le se se siameng mo matlhong a ga Jehofa Modimo+ wa gago. 29  “E tla re fa Jehofa a fedisa fa pele ga gago ditšhaba tse o yang go di gapela thuo,+ le wena o di gapele thuo mme o nne mo lefatsheng la tsone.+ 30  Itise e se re kgotsa wa tshwarwa jaaka e kete ka serai morago ga bone,+ fa ba sena go nyelediwa fa pele ga gago, e se re kgotsa wa botsa ka medimo ya bone, o re, ‘Go ne go tla jang gore ditšhaba tseno di bo di ne di tle di direle medimo ya tsone? Mme nna, ee, nna, ke tla dira ka tsela e e tshwanang.’ 31  O se ka wa direla Jehofa Modimo wa gago jalo,+ gonne ba diretse medimo ya bone sengwe le sengwe se se makgapha mo go Jehofa se a se tlhoileng, gonne le bomorwaabone le bomorwadiabone ba ba fisetsa medimo+ ya bone mo molelong ka metlha. 32  Lo nne kelotlhoko go diragatsa lefoko lengwe le lengwe le ke le lo laelang.+ Lo se ka lwa le oketsa le fa e le go tlosa sepe mo go lone.+

Dintlha Tse di Kwa Tlase