Ditiro 15:1-41

15  Mme banna bangwe ba tla ba tswa Judea+ mme ba simolola go ruta bakaulengwe ba re: “Fa lo sa rupe+ kafa mokgweng wa ga Moshe,+ ga lo ka ke lwa bolokwa.”  Mme e rile Paulo le Barenabase ba sena go ngangisana thata le bone le go ganetsana le bone, ba rulaganyetsa gore Paulo le Barenabase le bangwe ba bone ba tlhatlogele kwa baaposetoloing le banna ba bagolwane kwa Jerusalema+ ka ga kganetsano eno.  Jalo, fa banna bano ba sena go buledisiwa sekgalanyana ke phuthego,+ ba tswelela ka tsela ya bone ba ralala Fonikia mmogo le Samarea, ba bolela dintlha tsotlhe ka go sokologa ga batho ba ditšhaba,+ mme ba ne ba dira gore go nne le boipelo jo bogolo mo bakaulengweng botlhe.+  Fa ba fitlha kwa Jerusalema ba amogelwa+ ka bopelonomi ke phuthego le baaposetoloi le banna ba bagolwane, mme ba bolela dilo di le dintsi tse Modimo a neng a di dirile ka bone.+  Le fa go ntse jalo, bangwe ba lekoko la Bafarasai le le neng le dumetse ba ema mo ditulong tsa bone mme ba re: “Go a tlhokega go ba rupisa+ le go ba laya gore ba boloke molao wa ga Moshe.”+  Mme baaposetoloi le banna ba bagolwane ba phuthega mmogo go tla go sekaseka kgang eno.+  Jaanong e rile go sena go nna le kganetsano+ e kgolo, Petere a ema mme a ba raya a re: “Banna, bakaulengwe, lo itse sentle gore go tswa malatsing a kwa tshimologong Modimo o ne a tlhopha mo gare ga lona gore batho ba ditšhaba ba utlwe lefoko la dikgang tse di molemo ka molomo wa me ba bo ba dumele;+  mme Modimo, yo o itseng pelo,+ o ne a naya bosupi ka go ba naya moya o o boitshepo,+ fela jaaka a ne a dira le mo go rona.  Mme o ne a se ka a dira pharologanyo ka gope mo gare ga rona le bone,+ o ne a itshekisa dipelo tsa bone ka tumelo.+ 10  Jalo, jaanong, ke ka ntlha yang fa lo leka Modimo ka go pega jokwe+ mo melaleng ya barutwa e le fa e le borraaronamogologolwane kgotsa rona re neng re sa kgone go e sikara?+ 11  Go farologana le seo, re tshepa gore re tla bolokwa ka bopelonomi jo bo sa re tshwanelang+ jwa Morena Jesu ka yone tsela eo e batho bao le bone+ ba neng ba bolokwa ka jone.” 12  Foo batho ba le bantsi ba didimala, mme ba simolola go reetsa Barenabase le Paulo ba bolela ditshupo di le dintsi le dikgakgamatso tse Modimo a neng a di dira ka bone mo gare ga ditšhaba.+ 13  Ya re ba sena go bua, Jakobe a araba, a re: “Banna, bakaulengwe, nkutlwang.+ 14  Semeone+ o boletse ka botlalo kafa Modimo a neng a lebisa tlhokomelo ya gagwe ka gone lekgetlo la ntlha kwa ditšhabeng gore a ntshe batho ba leina la gagwe+ mo go tsone. 15  Mme mafoko a Baporofeti a dumalana le seno, fela jaaka go kwadilwe go twe, 16  ‘Morago ga dilo tseno ke tla boa ke ba ke aga sesha loobo lwa ga Dafide lo lo wetseng fa fatshe; e bile ke tla aga sesha marope a lone ke ba ke lo emisa gape,+ 17  gore batho ba ba salang ba batle Jehofa ka tlhoafalo, mmogo le batho ba ditšhaba tsotlhe, batho ba ba bidiwang ka leina la me, go rialo Jehofa, yo o dirang dilo tseno,+ 18  yo o itsiweng go tswa bogologolong.’+ 19  Ka gone tshwetso ya me ga se go tshwenya ba ba tswang mo ditšhabeng ba ba retologelang mo Modimong,+ 20  mme ke go ba kwalela gore ba ithibe mo dilong tse di kgotletsweng ke medingwana+ le mo kgokafalong+ le mo go se se kgamilweng+ le mo mading.+ 21  Gonne go tswa dinakong tsa bogologolo tala mo metseng ka go tlhatlologana Moshe o nnile le ba ba mo rerang, ka gonne o balelwa kwa godimo mo disinagogeng ka sabata+ mongwe le mongwe.” 22  Go tswa foo baaposetoloi le banna ba bagolwane mmogo le phuthego yotlhe ba bona go le molemo go roma banna ba ba tlhophilweng mo go bone go ya Antioka mmogo le Paulo le Barenabase, e bong, Judase yo o neng a bidiwa Baresabase+ le Silase, banna ba ba eteletseng pele mo gare ga bakaulengwe; 23  mme ba ne ba kwala jaana ka seatla sa bone: “Baaposetoloi le banna ba bagolwane, bakaulengwe, re kwalela bakaulengwe ba ba kwa Antioka+ le Siria le Kilikia+ ba ba tswang mo ditšhabeng: Madume! 24  E re ka re utlwile gore bangwe ba ba tswang mo gare ga rona ba lo baketse letshwenyo ka dipuo,+ ba leka go phetsola meya ya lona, le mororo re ne ra se ka ra ba naya ditao dipe,+ 25  re tlile mo tumalanong ka bongwefela jwa pelo+ e bile re bone go le molemo go tlhopha banna go ba roma kwa go lona mmogo le baratiwa ba rona, e bong Barenabase le Paulo, 26  banna ba ba ntshitseng meya ya bone ka ntlha ya leina la Morena wa rona Jesu Keresete.+ 27  Jalo re romela Judase le Silase,+ gore le bone ba bege tsone dilo tseno ka lefoko.+ 28  Gonne moya o o boitshepo+ le rona ka borona re bone go le molemo go se lo okeletse mokgweleo+ o mongwe, fa e se dilo tseno tse di tlhokegang, 29  go nna lo ithiba mo dilong tse di isediwang medingwana ditlhabelo+ le mo mading+ le mo dilong tse di kgamilweng+ le mo kgokafalong.+ Fa lo ithiba mo dilong tseno+ ka kelotlhoko, lo tla tlhogonolofala. Nnang le botsogo jo bontle!” 30  Jalo, e rile banna bano ba lesiwa gore ba tsamaye, ba fologela kwa Antioka, mme ba phutha batho ba le bantsi ba bo ba ba naya lekwalo.+ 31  Fa ba sena go le bala, ba ipela ka ntlha ya kgothatso eno.+ 32  Mme Judase le Silase, e re ka le bone ka bobone e ne e le baporofeti,+ ba kgothatsa bakaulengwe ka dipuo di le dintsi ba bo ba ba nonotsha.+ 33  Jalo, e rile ba sena go nna nakonyana, bakaulengwe ba ba lesa ba tsamaya ka kagiso+ ba ya kwa go ba ba neng ba ba romile. 34  —— 35  Le fa go ntse jalo, Paulo le Barenabase ba tswelela ba nna nakonyana mo Antioka+ ba ruta e bile ba bolela dikgang tse di molemo tsa lefoko la ga Jehofa,+ ba na le ba bangwe gape ba bantsi. 36  Jaanong morago ga malatsinyana Paulo a raya Barenabase a re: “Mo godimo ga dilo tsotlhe, a re boe mme re etele bakaulengwe mo go mongwe le mongwe wa metse e re itsisitseng lefoko la ga Jehofa phatlalatsa mo go yone go bona gore ba ntse ba tsoga jang.”+ 37  Mme Barenabase, o ne a ikemiseditse go tsaya le Johane, yo o neng a bidiwa Mareko,+ gore a tsamaye le ene. 38  Mme Paulo o ne a sa bone go tshwanela gore ba mo tseye gore a tsamaye le bone, ka a ne a ba tlogetse kwa Pamfilia+ mme a se ka a tsamaya le bone go ya tirong. 39  Foo ga tsoga kgalefelano e e botlhoko, mo e leng gore ba ne ba kgaogana; mme Barenabase+ a tsamaya le Mareko ka mokoro ba ya Kupero.+ 40  Paulo a tlhopha Silase+ mme a tswa a tsamaya bakaulengwe ba sena go mo neela mo bopelonoming jo bo sa re tshwanelang jwa ga Jehofa.+ 41  Mme a ralala Siria le Kilikia, a nonotsha diphuthego.+

Dintlha Tse di Kwa Tlase