Pesalema 99:1-9

99  Jehofa e setse e le kgosi.+ A ditšhaba di fuduege.+O ntse mo ditšherubeng.+ A lefatshe le rorome.+   Jehofa o mogolo mo Siona,+E bile o kwa godimo o okametse ditšhaba tsotlhe.+   A ba bake leina la gago.+Le legolo e bile le a boitshega, le boitshepo.+   Mme o ratile katlholo ka nonofo ya kgosi.+Wena ka bowena o tlhomamisitse thokgamo ka thata.+O diragaditse katlholo+ le tshiamo mo go Jakobe.   Godisang Jehofa Modimo wa rona+ mme lo ikobe fa sebeong sa gagwe sa dinao;+O boitshepo.+   Moshe le Arone e ne e le bangwe ba baperesiti ba gagwe,+Mme Samuele e ne e le mongwe wa ba ba bitsang leina la gagwe.+Ba ne ba biletsa kwa go Jehofa, mme o ne a nna a ba araba.+   O ne a tswelela a bua le bone mo pilareng ya leru.+Ba ne ba boloka dikgakololo tsa gagwe le molao o a neng a ba o naya.+   Wena Jehofa Modimo wa rona, o ne wa ba araba.+Mo go bone o ne wa itshupa o le Modimo yo o lebalelang,+E bile o diragatsa pusoloso kgatlhanong le ditiro tsa bone tse di itsegeng ka bosula.+   Godisang Jehofa Modimo wa rona+Mme lo ikobe fa thabeng ya gagwe e e boitshepo.+Gonne Jehofa Modimo wa rona o boitshepo.+

Dintlha Tse di Kwa Tlase