Pesalema 95:1-11

95  Tlang re goeleng kwa go Jehofa ka boipelo!+A re goeleng ka phenyo kwa Lefikeng la rona la poloko.+   A re tleng fa pele ga gagwe ka namana re ntsha ditebogo;+A re goeleng kwa go ene ka phenyo ka dipina.+   Gonne Jehofa ke Modimo yo mogolo+Le Kgosi e kgolo go feta medimo e mengwe yotlhe,+   Ene yo boteng jo bo kwa teng thata jwa lefatshe bo mo seatleng sa gagwe+Le yo ditlhoa tsa dithaba e leng tsa gagwe;+   Yo lewatle, le a le dirileng, e leng la gagwe+Le yo diatla tsa gagwe di bopileng lefatshe le le omeletseng.+   Tsenang tlhe, a re obameng re ikobeng;+A re khubameng+ fa pele ga ga Jehofa Modiri+ wa rona.   Gonne ke Modimo wa rona, mme re batho ba mafulo a gagwe le dinku tsa seatla sa gagwe.+Gompieno fa lo reetsa lentswe la gagwe,+   Lo se ka lwa kgwaralatsa pelo ya lona jaaka kwa Meriba,+Jaaka mo letsatsing la Mase kwa nageng,+   Fa borraalonamogologolwane ba ne ba nteka;+Ba ne ba ntlhatlhoba, gape ba ne ba bona tiro+ ya me. 10  Ke ne ka nna ka ikutlwa ke ila kokomana eo dingwaga di le masome a manè,+Mme ke ne ka re:“Ke setšhaba sa batho ba ba boitaolo mo pelong,+Mme bone ka bobone ga ba ise ba itse ditsela tsa me”;+ 11  Ba ke neng ka ikana jaana ka bone mo bogaleng jwa me:+“Ga ba na go tsena mo lefelong la me la boikhutso.”+

Dintlha Tse di Kwa Tlase