Pesalema 94:1-23

94  Ao tlhe Modimo wa ditiro tsa pusoloso, Jehofa,+Ao tlhe Modimo wa ditiro tsa pusoloso, phatsima!+   Ema, wena Moatlhodi wa lefatshe.+Busetsa tefetso mo go ba ba mabela.+   Ka lobaka lo lokae, tlhe Jehofa,+Baikepi ba tla itumela ka lobaka lo lokae?+   Ba nna ba balabala, ba nna ba bua ba sa ithibe;+Botlhe ba ba dirang se se utlwisang botlhoko ba nna ba ikgantsha ka bobone.+   Ba nna ba gatelela batho ba gago, wena Jehofa,+Le boswa jwa gago ba nna ba bo bogisa.+   Ba bolaya motlholagadi le moagi wa moeng,+Ba bolaya le basimane ba ba se nang borre.+   Mme ba nna ba re: “Jah ga a bone;+Modimo wa ga Jakobe ga a go tlhaloganye.”+   Tlhaloganyang, lona ba lo sa akanyeng mo bathong;+Mme fa e le lona dimatla, lo tla nna le temogo leng?+   Ene Yo o tlhomang tsebe, a ga a kgone go utlwa?+Kgotsa ene Yo o bopang leitlho, a ga a kgone go leba?+ 10  Ene Yo o otlhayang ditšhaba, a ga a kgone go kgalemela,+Le ene Yo o rutang batho kitso?+ 11  Jehofa o itse dikakanyo tsa batho, gore di tshwana le moya o o hemelwang kwa ntle.+ 12  Go itumela monna yo o nonofileng yo o mo otlhayang,+ wena Jah,Yo o mo rutang go tswa mo molaong wa gago,+ 13  Go mo naya tidimalo go tswa mo malatsing a masetlapelo,+Go fitlha moikepi a epelwa kgatampi.+ 14  Gonne Jehofa ga a kitla a latlha batho ba gagwe,+Le fa e le go tlogela boswa+ jwa gagwe. 15  Gonne tshwetso ya boatlhodi e tla boela mo tshiamong,+Mme botlhe ba ba thokgameng mo pelong ba tla e sala morago. 16  Ke mang yo o tla nanogang mo boemong jwa me kgatlhanong le badirabosula?+Ke mang yo o tla nkemelang kgatlhanong le ba ba dirang se se utlwisang botlhoko?+ 17  Fa Jehofa a ka bo a sa nthusa,+Morago ga lobakanyana moya wa me o ka bo o agile mo tidimalong.+ 18  Fa ke ne ke re: “Lonao lwa me lo tla tsamaya lo sa tsepama,”+Bopelonomi jwa gago jwa lorato, wena Jehofa, bo ne jwa nna jwa ntshegetsa.+ 19  Fa dikakanyo tsa me tse di tlhobaetsang di ne di ntsifala mo teng ga me,+Dikgomotso tsa gago di ne tsa simolola go tshwara moya wa me ka tlekeetso.+ 20  A setulo sa bogosi se se bakang dipitlagano se tla golagana le wena+Fa se ntse se rera mathata ka taelo?+ 21  Ba tlhasela moya wa mosiami mo go botlhoko+Ba bo ba bolele fa madi a yo o se nang molato a le boikepo.+ 22  Mme Jehofa o tla nna bogodimo jo bo sireletsegileng+ mo go nna,Le Modimo wa me lefika la botshabelo+ jwa me. 23  Mme o tla busetsa go utlwisa botlhoko ga bone mo go bone+A bo a ba didimatse ka masetlapelo a bone.+Jehofa Modimo wa rona o tla ba didimatsa.+

Dintlha Tse di Kwa Tlase