Pesalema 92:1-15

Molodi wa pina, pina, ya letsatsi la sabata. 92  Go molemo go ntshetsa Jehofa ditebogo+Le go leletsa leina la gago pina, wena Mogodimodimo;+   Go bolela kaga bopelonomi jwa gago jwa lorato+ mo mosongLe kaga boikanyegi jwa gago mo masigong,+   Mo seletsweng sa megala e e lesome le mo lluteng,+Ka mmino o o lelelang kwa godimo mo harepeng.+   Gonne o dirile gore ke ipele, wena Jehofa, ka ntlha ya tiro ya gago;Ke goa ka boipelo+ ka ntlha ya ditiro tsa diatla tsa gago.   A bo ditiro tsa gago di le dikgolo jang ne, Jehofa!+Dikakanyo tsa gago di boteng thata.+   Ga go na motho ope yo o sa akanyeng yo o ka di itseng,+E bile ga go na ope yo o sematla yo o ka tlhaloganyang seno.+   Fa baikepi ba tlhoga jaaka dimela+Le botlhe ba ba dirang se se utlwisang botlhoko ba tlhagisa dithunya,Ke gore ba tle ba nyelediwe ka bosaengkae.+   Mme o kwa godimo ka bosakhutleng, wena Jehofa.+   Gonne bona! baba ba gago, wena Jehofa,+Gonne bona! baba ba gago ba tla nyelela;+Botlhe ba ba dirang se se utlwisang botlhoko ba tla lomololwa mongwe mo go yo mongwe.+ 10  Mme o tla godisa lonaka lwa me jaaka lwa poo ya naga;+Ke tla ikolobetsa ka leokwane le lesha.+ 11  Mme leitlho la me le tla leba baba ba me;+Ditsebe tsa me di tla utlwa kaga bone ba ba ntsogologelang, badirabosula. 12  Mosiami o tla tlhagisa dithunya jaaka setlhare sa mokolane se dira;+O tla gola a nna motona+ jaaka mosedara kwa Lebanona. 13  Ba ba jadilweng mo ntlong ya ga Jehofa,+Mo malwapeng a Modimo wa rona,+ ba tla tlhagisa dithunya. 14  Ba tla nna ba tlhogonolofala mo botlhogoputsweng,+Ba tla tswelela pele ba nonne e bile ba le banana,+ 15  Gore ba bolele fa Jehofa a thokgame.+Ke Lefika+ la me, le go se nang tshiamololo+ mo go lone.

Dintlha Tse di Kwa Tlase