Pesalema 90:1-17

Thapelo ya ga Moshe, monna wa Modimo wa boammaaruri.+ 90  Wena Jehofa, o itshupile o le bonno jwa rona jwa mmatota+Mo kokomaneng morago ga kokomana.+   Pele dithaba di tsholwa,+Kgotsa o ne wa tshola lefatshe+ le naga e e ungwang+ jaaka e kete ka ditlhabi tsa pelegi,O Modimo le eleng go tswa bosasimologeng go ya bosakhutleng.+   O dira gore motho yo o nang le go swa a boele mo selong se se thubagantsweng,+Mme wa re: “Boang, lona bomorwa batho.”+   Gonne mo matlhong a gago dingwaga di le sekete di tshwana le maabane fa a fetile,Le jaaka tebelo mo bosigong.+   O ba gogotse;+ ba fetoga boroko fela;+Mo mosong ba tshwana fela le bojang jo botala jo bo fetogang.+   Mo mosong bo ntsha dithunya mme bo tshwanetse go fetoga;+Maitseboa bo a swaba bo bo bo omelele.+   Gonne re khutlile mo bogaleng jwa gago,+Mme re fuduilwe ke tšararego+ ya gago.   O beile ditlolo tsa rona fela fa pele ga gago,+Dilo tsa rona tse di fitlhegileng fa pele ga sefatlhego sa gago se se phatsimang.+   Gonne malatsi otlhe a rona a tlile bokhutlong jwa one mo tšhakgalong ya gago;+Re feditse dingwaga tsa rona fela jaaka mafoko a a sebasebiwang.+ 10  Malatsi a dingwaga tsa rona ka boone ke dingwaga di le masome a supa;+Mme fa e le ka ntlha ya thata e e kgethegileng ke dingwaga di le masome a le robedi,+Le fa go ntse jalo di ganelela mo matshwenyegong le mo dilong tse di utlwisang botlhoko;+Gonne di tshwanetse go feta ka bonako, mme re fofele koo.+ 11  Ke mang yo o itseng nonofo ya bogale+ jwa gagoLe tšhakgalo ya gago kafa go boifiweng+ ga gago? 12  Re bontshe gore re bale malatsi a rona jang ka tsela e ka yone+Re tla nnang le pelo e e botlhale.+ 13  Boa, tlhe Jehofa!+ E tla nna lobaka lo lo kae?+Mme o ikwatlhaele batlhanka ba gago.+ 14  Re kgotsofatse mo mosong ka bopelonomi jwa gago jwa lorato,+Gore re goe ka boipelo mme re ipele mo malatsing otlhe a rona.+ 15  Dira gore re ipele ka malatsi a a lekanang le a o re bogisitseng ka one,+Dingwaga tse re boneng masetlapelo ka tsone.+ 16  A tiro ya gago e bonale mo batlhankeng ba gago+Le bontlentle jwa gago mo barweng ba bone.+ 17  Mme a bontle jwa ga Jehofa Modimo wa rona bo itshupe bo le mo go rona,+Le tiro ya diatla tsa rona o e tlhomamise ka thata mo go rona.+Ee, tiro ya diatla tsa rona, o e tlhomamise ka thata.+

Dintlha Tse di Kwa Tlase