Pesalema 9:1-20
Go mokaedi wa Mutha-labene. Pina ya ga Dafide.
א [ʼAʹleph]
9 Ke tla go baka, wena Jehofa, ka pelo+ ya me yotlhe;Ke tla bolela ditiro tsa gago tsotlhe tse di gakgamatsang.+
2 Ke tla ipela le go itumela mo go wena,+Ke tla opelela leina la gago pina, wena Mogodimodimo.+
ב [Behth]
3 Fa baba ba me ba boela morago,+Ba tla kgotšwa ba bo ba nyelela fa pele ga gago.+
4 Gonne o diragaditse katlholo ya me le kgang ya me;+O ntse mo setulong sa bogosi o atlhola ka tshiamo.+
ג [Giʹmel]
5 O kgalemetse ditšhaba,+ o sentse moikepi.+O phimotse leina la bone ka bosakhutleng, le eleng ka bosaengkae.+
6 Wena mmaba, kgakgabalo ya gago e fedile ka bosakhutleng,+Le metse e o e kumotseng.+Ruri go umakiwa ga bone go tla nyelela.+
ה [Heʼ]
7 Fa e le Jehofa, o tla nna ka bosakhutleng,+A tlhomamisa setulo sa gagwe sa bogosi ka thata gore a atlhole.+
8 Mme ene ka boene o tla atlhola naga e e ungwang ka tshiamo;+O tla sekisa ditlhopha tsa ditšhaba ka thokgamo.+
ו [Waw]
9 Jehofa o tla nna bogodimo jo bo sireletsegileng mo go ope yo o gateletsweng,+Bogodimo jo bo sireletsegileng mo metlheng ya matshwenyego.+
10 Ba ba itseng leina la gago ba tla go ikanya,+Gonne ruri ga o na go tlogela ba ba go batlang, wena Jehofa.+
ז [Zaʹyin]
11 Leletsang Jehofa, yo o nnang mo Siona,+ pina;Bolelang ditiro+ tsa gagwe mo ditšhabeng.
12 Gonne, fa a batla tshololo ya madi,+ ruri o tla gakologelwa bone bao;+Ruri a ka se lebale selelo sa ba ba bogisiwang.+
ח [Chehth]
13 Nkutlwele botlhoko, wena Jehofa; bona kafa ba ba ntlhoileng+ ba mpogisang ka teng,Wena yo o ntsholetsang go tswa mo dikgorong tsa loso,+
14 Gore ke tle ke bolele ditiro tsa gago tsotlhe tse di tshwanelwang ke pako+Mo dikgorong+ tsa ga morwadia Siona,+Gore ke tle ke ipele mo polokong+ ya gago.
ט [Tehth]
15 Ditšhaba di nwetse kwa tlase mo kgatamping e di e dirileng;+Lonao lwa bone lo tshwerwe+ mo letloweng+ le ba le fitlhileng.
16 Jehofa o itsiwe ka katlholo e a e diragaditseng.+Moikepi o tshwerwe+ ke tiro ya diatla tsa gagwe jaaka e kete ke seru.Higaione. Seʹlah.
י [Yohdh]
17 Baikepi+ ba tla boela kwa Sheole,+Le ditšhaba tsotlhe tse di lebalang Modimo.+
18 Gonne mohumanegi ga a na go lebalelwa+ ruri,Le fa e le tsholofelo ya ba ba pelonolo ga e na go nyelela.+
כ [Kaph]
19 Nanoga, tlhe Jehofa! Se letle motho yo o nang le go swa gore a itshupe a nonofile thata.+A ditšhaba di atlholwe fa pele ga sefatlhego sa gago.+
20 Ba tsenye poifo, wena Jehofa,+Gore ditšhaba di tle di itse gore ke batho fela ba ba nang le go swa.+ Seʹlah.
ל [Laʹmedh]
