Pesalema 83:1-18

Pina. Molodi wa pina ya ga Asafe.+ 83  Ao tlhe Modimo, o se ka wa didimala fela;+O se ka wa tlhoka puo, e bile o se ka wa nna o sisibetse, wena Yo o Leng Modimo.+   Gonne, bona! baba ba gago ba mo pheretlhegong;+Le bone ba ba go tlhoileng thata ba tsholeditse tlhogo ya bone.+   Ba tsweledisa puo ya bone ya sephiri+ ka boferefere kgatlhanong le batho ba gago;Mme ba logela batho ba gago ba ba fitlhilweng+ leano la boferefere.   Ba rile: “Tlang mme re ba nyeletse gore ba se ka ba nna setšhaba,+Gore leina la Iseraele le se ka la tlhola le gopolwa.”+   Gonne ba gakololane mmogo ka pelo;+Ba dirile kgolagano kgatlhanong le wena,+   Megope ya Edoma+ le Baishemaele, Moabe+ le Bahagere,+   Gebale le Amona+ le Amaleke,Filisitia+ mmogo le banni ba Ture.+   Le Asiria o golagane le bone;+Ba fetogile lebogo la bomorwa Lote.+ Seʹlah.   Ba direle jaaka o diretse Midiana,+ jaaka o diretse Sisera,+Jaaka o diretse Jabine+ kwa mokgatšheng o o phothoselang wa Kishone.+ 10  Ba ne ba nyelediwa kwa Ene-dore;Ba ne ba nna motshotelo mo mmung.+ 11  Fa e le batlotlegi ba bone, ba dire jaaka Orebe le jaaka Seebe,+Le dikgosana tsotlhe tsa bone jaaka Seba le jaaka Salamuna,+ 12  Ba ba ileng ba re: “A re ithueleng+ mafelo a Modimo a bonno.” 13  Ao tlhe Modimo wa me, ba dire gore ba nne jaaka setsokotsane se se itshokeletsang,+Jaaka serite fa pele ga phefo.+ 14  Jaaka molelo o o fisang sekgwa+Le jaaka kgabo ya molelo e e fisang dithaba,+ 15  E kete o ka ba latelela fela jalo ka setsuatsue sa gago+Mme e kete o ka ba fudua ka phefo ya gago ya matsubutsubu.+ 16  Tlatsa difatlhego tsa bone ka tlontlologo,+Gore batho ba tle ba batle leina la gago, tlhe Jehofa.+ 17  E kete ba ka tlhabiwa ke ditlhong ba bo ba fuduege ka bosakhutleng,+Mme e kete ba ka swabisiwa ba bo ba nyelela;+ 18  Gore batho ba tle ba itse+ gore wena, yo leina la gago e leng Jehofa,+Wena o le esi o Mogodimodimo+ yo o okametseng lefatshe lotlhe.+

Dintlha Tse di Kwa Tlase