Pesalema 80:1-19

Go mokaedi mo Dithunyeng tsa Masoma.+ Kgakololo. Ya ga Asafe.+ Pina. 80  Wena Modisa wa Iseraele, a ko o sekege tsebe,+Wena yo o tsamaisang Josefa fela jaaka letsomane.+Wena yo o ntseng mo ditšherubeng,+ a ko o phatsime.+   Kurusa thata+ ya gago fa pele ga ga Eferaime le Benjamine le Manase,Mme o re boloke.+   Modimo, re buse;+Mme o phatsimise sefatlhego sa gago, gore re tle re bolokwe.+   Jehofa Modimo wa masomosomo, o tla galefela thapelo ya batho ba gago ka lobaka lo lo kae?+   O ba jesitse senkgwe sa dikeledi,+Mme o nna o ba nosa dikeledi tse dintsi ka selekanyo se segolo.+   O re dira gore re gogagogane le baagelani ba rona,+Mme baba ba rona ba nna ba sotla ka mo ba ratang ka teng.+   Ao tlhe Modimo wa masomosomo, re buse;+Mme o phatsimise sefatlhego sa gago gore re tle re bolokwe.+   O ne wa dira gore mofine o tswe mo Egepeto.+O ne wa nna wa leleka ditšhaba, gore o tle o o jale.+   O tlhagotse fa pele ga one,+ gore o tle o mele modi mme o tlale lefatshe.+ 10  Dithaba di ne di bipilwe ke moriti wa one,Le masedara a Modimo ke dikala tsa one tse dikgolo.+ 11  O ne wa romela dikala tsa one tse dikgolo go fitlha kwa lewatleng,+Le dikalana tsa one kwa Nokeng.+ 12  Ke ka ntlha yang fa o thubile dipota tsa one tsa maje,+Le gone ke ka ntlha yang fa botlhe ba ba fetang ka tsela ba o kgetlile?+ 13  Kolobe e tonanyana ya sekgwa e nna e o ja,+Le ditlhopha tse dikgolo tsa diphologolo tsa naga e e bulegileng di nna di o fula.+ 14  Ao tlhe Modimo wa masomosomo, boa, tsweetswee;+Leba o le kwa legodimong mme o bone o bo o tlhokomele mofine ono,+ 15  Le thito e seatla sa gago sa moja se e jadileng,+Mme o lebe morwa yo o mo inonotsheditseng.+ 16  O fisitswe ka molelo, o kgaotswe.+Ba nyelediwa ke kgalemo ya sefatlhego sa gago.+ 17  A seatla sa gago se nne mo mothong wa seatla sa gago sa moja,+Mo go morwa batho yo o mo inonotsheditseng,+ 18  Mme ga re na go go furalela.+E kete o ka re boloka re tshela, gore re tle re bitse leina la gago.+ 19  Ao tlhe Jehofa Modimo wa masomosomo, re buse;+Phatsimisa sefatlhego sa gago, gore re tle re bolokwe.+

Dintlha Tse di Kwa Tlase