Pesalema 8:1-9

Go mokaedi wa Gitithe.+ Pina ya ga Dafide. 8  Wena Jehofa Morena wa rona, a bo leina la gago le tlotlometse jang ne mo lefatsheng+ lotlhe,Wena yo seriti sa gago se anelwang kwa godimo ga magodimo!+   O thaile nonofo go tswa mo molomong wa bana le masea a a anyang,+Ka ntlha ya ba ba go bontshang bobaba,+E le gore o dire gore mmaba le yo o ipusolosetsang ba kgaotse.+   Fa ke bona magodimo a gago, ditiro tsa menwana+ ya gago,Ngwedi le dinaledi tse o di baakantseng,+   Motho yo o nang le go swa+ ke eng go bo o nna o mo gopotse,+Le morwa motho wa mo lefatsheng ke eng go bo o mo tlhokomela?+   O ne wa mo dira yo o kwa tlase go le gonnye mo go ba ba tshwanang le modimo,+Mme o ne wa mo rwesa serwalo sa kgalalelo+ le bontlentle.+   O mo dira gore a laole ditiro tsa diatla+ tsa gago;O beile sengwe le sengwe kafa tlase ga dinao+ tsa gagwe.   Dihutshane le dipoo, tsotlhe fela,+Le dibatana tsa naga e e bulegileng,+   Dinonyane tsa legodimo le ditlhapi tsa lewatle,+Sengwe le sengwe se se ralalang ditselana tsa mawatle.+   Wena Jehofa Morena wa rona, a bo leina la gago le tlotlometse jang ne mo lefatsheng lotlhe!+

Dintlha Tse di Kwa Tlase