Pesalema 79:1-13

Pina ya ga Asafe. 79  Wena Modimo, ditšhaba di tsene mo bosweng jwa gago;+Di leswafaditse tempele ya gago e e boitshepo;+Di dirile Jerusalema mokoa wa marope.+   Di neile dinonyane tsa magodimo ditopo tsa batlhanka ba gago go nna dijo,+Di neile dibatana tsa na-ga tsa lefatshe+ nama ya batho ba gago ba ba ikanyegang.   Ba tsholotse madi a bone jaaka metsiGo dikologa Jerusalema, mme ga go na ope yo o ba fitlhang.+   Re fetogile kgobo mo baagelaning ba rona,+Tshotlo le setshego mo go ba ba re dikologileng.+   O tla tuka bogale ka lobaka lo lo kae, wena Jehofa? Ka bosaengkae?+Tlhoafalo ya gago e tla tuka ka lobaka lo lo kae jaaka molelo?+   Tshololela tšararego ya ga-go mo ditšhabeng tse di sa go itseng,+Le mo magosing a a sa bitsang leina la gago.+   Gonne ba jele Jakobe,+Mme ba kgakgabaditse+ lefelo la gagwe la bonno.   O se ka wa gakologelwa ditlolo tsa bagologolwane kgatlhanong le rona.+Itlhaganele! A mautlwelobotlhoko a gago a lebane le rona,+Gonne re humanegile thata.+   Re thuse, wena Modimo wa poloko ya rona,+Ka ntlha ya kgalalelo ya leina la gago;+Mme o re golole o bo o bipe maleo a rona ka ntlha ya leina la gago.+ 10  Ke ka ntlha yang fa ditšhaba di tshwanetse go re: “Modimo wa bone o kae?”+A go itsege mo ditšhabeng fa pele ga matlho a rona+Go busolosiwa ga madi a batlhanka ba gago a a tsholotsweng.+ 11  E kete go fegelwa ga legolegwa go ka tsena fa pele ga gago.+Boloka ba ba laoletsweng loso+ kafa bogolong jwa lebogo la gago. 12  Mme o duele baagelani ba rona ga supa mo sehubeng sa bone+Kgobo ya bone e ba go kgobileng ka yone, wena Jehofa.+ 13  Fa e le rona batho ba gago le letsomane la mafulo a gago,+Re tla go ntshetsa ditebogo ka bosakhutleng;Re tla bolela pako ya gago go tswa kokomaneng go ya kokomaneng.+

Dintlha Tse di Kwa Tlase